طقيت باب الفصل و دخلت و ألقيت التحيه على الفصل و بمجرد ما دخلت الا و يحل الهدوء على الفصل و جميع الانظار علي
استغربت يعني ماني اول و لا اخر طالب جديد
قاطع الاستاذ هدوء الفصل و قال
: اهلين .... انت اكيد الطالب الجديد الي كلمونا عنه الادارة ... تفضل عرفنا بنفسك
وقفت بجنب الصبوره و قلت : السلام عليكم انا اسمي فهد عمري ١٦
رد الاستاذ بتعابير وجه ميته : بس هذا كل الي عندك ؟
رديت عليه : ايه هذا كل الي عندي ليش في شي اقدر اقوله غير هذا ؟
قال الاستاذ : يعني مثلا تكلم عن هواياتك ؟ وين كنت تدرس قبل ؟
فهد : بخصوص مدرستي القديمة كانت في المملكة ألعربيه السعوديه مو في في امريكا هذي اول سنه لي في امريكا و علشان اعطيكم اجابه أوضح هذى اول اسبوع لي هنا
بمجرد ما قلت السعوديه لفت انتباهي ان مجموعه من الطلاب تفاجئو و مجموعه ما فهمو
قال الاستاذ بنبرة صوت و ملامح كلها تعجب و استغراب
: السعوديه ؟ طيب كيف تتكلم انجليزي بطلاقه ؟ حتى الاكسنت ( النطق ) جدا رائع و انت ما كملت اسبوع هنا
قلت له : بكل بساطه امي امريكيه و عودتني على الانجليزي من يوم ما كنت صغير
الاستاذ : فهمت الحين .... تشرفت بمعرفتك تفضل اجلس في المكان الفاضي الي هناك
أشر بيده على اخر طاوله في الصف الرابع .... و طبعا انا مستحيل ارضى اجلس في اخر طاوله .... انا شخص جدا يهمني تحصيلي العلمي و ما سكتت و قلت
معليش يا استاذ بس انا يهمني اني اكون في مكان قريب من الصبوره بحيث اني اقدر افهم الدرس زين
فرح الاستاذ يوم قلت كذا و مع الحماس قال : حلو .... تفضل اختار اي مكان يعجبك في الصف
استغربت و قلت : كيف يعني ؟ اقوم الطلاب يعني ؟ شكلك استاذ فهمتني غلط انا كان قصدي لو في احد يبي يبدل و انا غلطت و جيت متأخر و لازم أتحمل غلطتي
خلصت كلامي الا و الكل يضحك ... حتى الاستاذ ضحك معاهم و قال : ياريت لو الطلاب عندهم جزء من المسؤلية الي عندك .... اغلبهم كانو يتنافسون على اخر طاوله و لاكن انا اجبرتهم بالجلوس على اول طاوله
ملامح التفاجء سيطرت على و جهي و ما قدرت اتكلم
ضحك مره ثانيه الأستاذ و قال : مو مشكله عارف انك انصدمت
صرخ الاستاذ و قال : أوليفر ... خلاص سمحت لك تجلس في اخر طاوله .... و الفضل يرجع لم الطالب الجديد فهد
قام أوليفر من اول طاوله بكل برود و قال : مو مهم ... اهم شي كرسي استريح فيه
و كمل مشيته البارده الى ان وصل لم اخر طاوله في الصف و جلس عليها
أنت تقرأ
مكان لا انتمي له ( سعودي في أمريكا )
Teen Fictionكيف بيكون شعورك لو تتغير حياتك بالكامل فجأه تلقى نفسك في مكان لا تنتمي له مكان يختلف اختلاف تام عنك كل شي حولك مختلف تماما و صعب جدا انك تتأقلم معه بالضبط هذا هو شعور فهد حاليا فهد مراهق من ام امريكيه و اب سعودي ينتقل في ال ١٦ من عمره من السعو...
