سالت ايملي و جورج بأستغراب و قلت : وش سالفت التجمع ذا
ايملي : والله مدري زيي زيك
جورج : تدرون خل نقرب و نشوف
قربنا علشان نشوف ايش قصة هذا التجمع
و يوم قربت شفت المشهد الي صعقني .. صدمني .... جنني .... سموه الي تبون تسمونه المهم انه طلعني عّن
طوري
كان فرانك و مجموعه من شلته مسوين دائرة حول مارينا
و اليسا تستهبل عليها و تقول
اليسا : هههههه وش فيك جلستي ... تحركي سوي شي ؟ .... و لا بتصيحين كالعاده
كان باين على مارينا ان فيها الصحيه بس ماسكه دموعها
قالت بصوت كله حزن و الم : انا ايش سوت لكم ؟ تكفون خلوني في حالي
همست لي ايملي و قالت : فهد .... وقتك الحين تسويها .... سوها و رح آكون اول شخص أساعدك
الغضب الي كان بداخلي مع تحفيز ايملي خلاني اسوي الي سويته
تقدمت الين ما صرت قدام مارينا و في وسط دائرتهم
مديت يدي لمارينا و قلت : قومي و ارفعي رأسك .... ترى الدنيا ما تسوى و ما في شي يستاهل يزعلك
الصدمه عمت على جيمع الطلاب .... كل احد أنصدم من حركتي .... فرانك محد يتجرأ يقول عنده شي ... كيف اخرب جوهم و لا و بعد قدامهم عيني عينك
قامت مارينا من الارض و حظنتني و هي تبكي : شكرا لك فهد شكرا شكرا
رحمتها و كسرت خاطري ... و قلت : ولا يهمك .... المهم الحين روحي غسلي وجهك
راحت مارينا ركض للحمام تغسل وجهها
فرانك و شلته عصبو من حركتي لدرجه لا توصف
قالت اليسا : اشوفك داخل المدرسه بقوه .... بس لازم نحط لك حد
قام يضحك فرانك و قال : انا سمعت كلام طلاب كثير انك داخل المدرسه و بقوه ..... لاكن صدمتني يوم شفتك على الواقع .... بس شكلك جديد و لا تعرف ايش قاعد تسوي
تكلم خوي فرانك الي كلمني قبل فتره في الفصل و قال : فرانك ... لا تشغل رأسك مع ذي الأشكال .... قلت لك فهد ظحيتي
فرانك : خلاص اجل أيلاي .... اتركه لك
( اها اسم الي كلمني طلع ايلاي )
قرب مني أيلاي و قال : مو انت الي تخرب علينا جونا
و فاجأني ب لكمه على وجهي .... و تحديدا على خدي الأيسر
مجرد ما لكمني الا جا المدير و قال و هو يصارخ
: خير وش فيه كل ذا التجمع
فرانك : ما في شي
المدير : طيب يله كل واحد على فصله
بدت الناس تمشي ترجع لفصولهم و لما كان أيلاي يمشي راجع لفصله طالعني و قال : هذا اقل شي يصير لك على الي سويته .... و لو تكررت الحركه بتشوف اكثر
أنت تقرأ
مكان لا انتمي له ( سعودي في أمريكا )
Novela Juvenilكيف بيكون شعورك لو تتغير حياتك بالكامل فجأه تلقى نفسك في مكان لا تنتمي له مكان يختلف اختلاف تام عنك كل شي حولك مختلف تماما و صعب جدا انك تتأقلم معه بالضبط هذا هو شعور فهد حاليا فهد مراهق من ام امريكيه و اب سعودي ينتقل في ال ١٦ من عمره من السعو...
