و طلعنا من بيت املي و رحنا ركض لم الوصف الموجود في الكرت .... ركضت ركض ..... ما قد ركضته في حياتي
وصلنا لم بيت و لكن ماش ما ارتحت .... بالعادة الحفلات و البارتيات لازم يكون في ازعاج ..... لكن هنا الوظع مختلف .... المكان هادي ما اسمع ولا صوت غير نفسي انا و ايملي
: ايملي ؟ انتي متأكده من الوصف ؟ كل الناس الي هنا نايمه و هدوء ... لو كان البيت الي في الوصف لكان صوت الأزعاج وصل لأخر الشارع
ايملي و هي تحك رأسها و تطالع كرت الوصف : لا مستحيل ؟ كيف غلط متأكدة انا .... حنا في نفس المكان الي يقول عليه الوصف و شف بنفسك .... فهد ما ابي اصدمك بس لازم اتكلم
: تصدميني ؟ ليش ؟
: شكل سندي أعطتك وصف غلط ..... كنت حاسه ما يجي من ذولي الا المشاكل
اخذت الكرت من ايملي علشان أتأكد بنفسي ... و طلع فعلا احنا في نفس المكان الي يقول عليه الوصف
: اي والله احنا في نفس المكان ... كيف يعني وش نسوي الحين ؟ نطق الباب على البيوت واحد واحد و نقول عندكم حفله ؟
ايملي : من جدك انت و لا تستهبل ؟
: ايش رايك انتي ؟ اكيد استهبل .... بس مستحيل ارجع البيت بعد كل المشوار الي قطعته ... شي بديته لازم أكمله
شوي الا و نسمع صوت واحد يتكلم بصوت عالي و يقول
: مين الغبي الي مسوي الوصف ؟ لازم يودونا وصف غلط
علطول سحبتني ايملي من يدي و قالت بصوت واطي : بسرعه خل نتوزا ورا ذي السياره
(وش فيها ذي سحبتني فجأه) : نتوزا ؟ ليش
ايملي : فهد معقوله ما عرفت صوت مين ذا ؟
يوم قالت ما عرفت صوت مين ذا علطول استوعبت الي يصير .... الي قاعد يسب هذا فرانك
: إيههه صح ... فرانك ... كيف راحت علي
ايملي : مو مهم .....المهم الحين نستغل الفرصه و نلحقه بدون ما يحس الى ان يوصلنا للحفله .....
: طيب انتي وش يظمن لك انه رايح الحفله
: فهد !!! بالعقل فيه تفسير غير كذا ... يعني واحد زي فرانك و طالع اخر اليل و يسب يقول الوصف غلط وين بيكون رايح .... اكيد الحفله ... لا فهد اكيد فيك شي
كلم فرانك من جواله و اخذ الوصف من احد أصدقائه ... بدا يتحرك و يمشي برجوله
ايملي : يلا فرصتنا الحين يا فهد
و فعلا سويناها انا و ايملي و لحقناه الين الحفله و بدون ما يحس .....
وصلنا انا و ايملي للحفله و الشكر كله لفرانك .... فرق كبير عن الوصف ... صوت الأغاني اسمعها و انا في الشارع
أنت تقرأ
مكان لا انتمي له ( سعودي في أمريكا )
Ficção Adolescenteكيف بيكون شعورك لو تتغير حياتك بالكامل فجأه تلقى نفسك في مكان لا تنتمي له مكان يختلف اختلاف تام عنك كل شي حولك مختلف تماما و صعب جدا انك تتأقلم معه بالضبط هذا هو شعور فهد حاليا فهد مراهق من ام امريكيه و اب سعودي ينتقل في ال ١٦ من عمره من السعو...
