دخل شخص: Surprise
ميرا وعزيز بصو ناحيه الباب لقوه عمر اخوهم الاوسط
عمر بأستغراب: اي دا هو انا جيت في لحظه رومانسيه ولا ايه
عزيز ببرود: مانت طول عمرك بتيجي في اوقات غلط اي الجديد
كوثر كانت بتجيب مايه رجعت لقت عمر في وشها قالت بتفاجأ: عمر!!!
عمر جري عليها بالحضن: وحشتيني
كوثر بدموع فرح وبتحسس على وشه: وانت اكتر... مالك خاسس كدا ليه
عمر بحزن تمثيل: مبكلش ومحدش بيعملي اكل
ميرا بتمسح دموعها: اه اه انت هتقولي
كوثر: دا انا اعملك احلى اكل دلوقتي حالا
عزيز: طيب يلا انا هطلع اريح شويه كان يوم طويل وممل... بص لعمر وقال: اه صحيح ابقى اطلع شوف ابوك عشان متجبس فوق
عمر: تصدق نسيته اصلا
ضحكو عليه فقال بتمثيل وهو بيطلع السلم: ابويااااا ايه اللي حصلك يا قرة عيني
عزيز وهو طالع قال: اه صح من بكرا هتنزلي مدرسه وبلاش استعباط واستظراف
ميرا بصت لكوثر بغضب: ماما!!
كوثر عملت نفسها مش شيفاها ومشيت ع المطبخ تعمل اكل لاول مره من سنين
«*نبذه عن عمر اخو عزيز*»
هو الابن التاني فرق بينه وبين عزيز تلت سنين يعني 26 سنه دمه خفيف بس صايع شويتين دمه خفيف متكلم واجتماعي عن عزيز بكتير عنده صحاب كتير بنات ولاد تلاقي اجانب مصرين برضو تلاقي راح يدرس في لندن وتأقلم هناك حتي بعد مخلص دراسته وقرر ينزل يشوف حبيبته واهله
«*نرجع تاني*»
*غرفه فاروق*
كان قاعد ع السرير نفسه ينزل بس الدكتور قاله بلاش حركه لفتره معينه لحد ما الجبس يلم
دخل عمر وهو بيطبل على الباب وبيغني: يعم سلامتك ولا بتعرف يعني غلاوتك
فاروق: عمر! انت جيت امتى
عمر: لسه جاي حالا
فاروق: ماشي يعم اهلا وسهلا
عمر: انا هروح بقا اغير واريح بما اني اتطمنت عليك
*صباح تاني يوم في ڤيلا سيلا*
نزلت لقتهم بيفطرو قعدت معاهم تفطر بأسرع حاجه عندها
سيليا: بابا ممكن النهارده اخرج مع واحده صحبتي
سيلا خبطت راسها: اه فكرتيني انا كمان هخرج
سيليا بعصبيه: لا انا هخرج كمان
سيلا: ومين قالك اصلا اني هخرج معاكي ليه معنديش صحاب؟!
سيليا: اها فكرتك عاوزه تيجي معايا
سيلا: من حلاوتك اوي يعني هخرج معاكي مش كفايه في البيت
ابراهيم: بسس! اولا كدا انتو هتخرجو مع مين وفين؟
سيليا اتوترت: انا هخرج مع واحده صحبتي متعرفهاش يبابي وهنروح مول مصر يعني مش بعيد
ابراهيم: واحده مين يعني اسمها ايه
سيليا: عع عبير اسمها عبير يبابي
ابراهيم: همم اسمها قديم حبتين بس ماشي وانتي يا استاذه سيلا هتخرجي مع مين؟
