ارجو التفاعل
صلاح وصل سيلا وراح هو كمان يجهز
*في غرفة ميرا *
كانت قاعده زهقانه فجأة لقت رساله من سليم
«متيجي نخرج؟»
ميرا بسعاده «انا معنديش مانع بس استني هستأذن عزيز»
سليم «ماشي وانا مستني ردك»
*عربيه عزيز*
كان بيسوق لقى مكالمه من ميرا رد عليها: الو يا ميرا
ميرا بمحن: الو يزيزو يا زوز يا حبيب قلبي
عزيز فهم انها عايزه حاجه: عايزه ايه واخلصي؟
ميرا بتذمر: اخص عليك يا زيزو يعني هو انا مبتصلش اطمن عليك مثلا مثلا!
عزيز: طب اديكي اطمنتي عليا عايزه حاجه بقا
ميرا: استني بس كنت عاوزاك في حوار
عزيز: اه يعني مش بتطمني؟
ميرا: ميجيش معاك الاتنين
عزيز بحده: عايزه ايهه
ميرا بتتكلم بسرعه: عايزه اخرج مع واحده صحبتي النهارده
عزيز محبش يكسر فرحتها: ماشي بس متتأخريش عن حداشر
ميرا: دا كدا كدا مواااه
عزيز قفل في وشها: يخربيت محنك وتلزيقك
*فيلا سيلا*
سيلا دخلت البيت لقت سيليا جاهزه ونازله ولابسه فستان جامد اوي ومفتح
سيلة بتصفيره: اوووف يا جامد انت براحه علينا
سيليا بتدور بالفستان بفرح: حلو؟
سيلا: حلو فشخ
سيلا مسكت دماغها اثر ضرب مريم ليها
مريم بعصبيه: سيلااا انتي من امتي وانتي بتقولي الكلمه دي!
سيلا حطت ايدها ع بوقها
مريم: الاحسن ليكي ولينا كلنا انك تفضلي حاطه ايدك ع بوقك اهو احسن منسمع الفاظك دي
مريم مشيت بعصبيه وسيليا قعدت تضحك ع سيلا: ابوكي شاف الفستان دا؟
سيليا بملل: لا وبعدين من امتي وبابا بيعلق على لبسي
سيلا: همم اوكي يختي
سليم كان نازل بسعاده عشان هيخرج مع ميرا اختفت ابتسامته لما لقى سيليا بالفستان: اي دا بقا ان شاءلله من امتي وانتي بتلبسي مفتح بالمنظر دا ليه البيت مفيهوش راجل ولا ايه؟
سيليا وهي بتقلب عنيها: انا حره انت مالك الاه
سليم: والله وبقيتي بتردي كمان منتيش نازله بالمسخره دي واللي عندك اعمليه بقا عند بعند
سيليا وهي بتصوت: يماااامييي تعالي شوفي سليم واقف قدام الباب مش عايزني اطلع
مريم نزلت على صوتها: سليم فيه ايه بطل حركات الاطفال دي وخليها تمشي
سليم بعصبيه: ماما بصي لابسه ايه هو انا مش مالي عنيها
مريم : يسيدي شوفته وعجبني سبها بقا هتتأخر وابوها قلها متتأخريش
سليم بجعير: بقا كدا يماما بتنزلي كلمتي الارض؟
مريم: مقصدش والله يحبيبي بس اللي ليه حكم عليها ابوها وامها
سليم بزعيق: واخوها
مريم: وطي صوتك واتفضل سيبها براحتها ملكش دعوه انا اللي ادتها الصراح ريح دماغك بقا
