كانو هيركبو الاسانسير بس سيليا نسيت شانطتها: اوف شنطتي
سيلا: لا انا مش قادره ارجع تاني انا هستناكم تحت
طلبت الاسانسير
الاسانسير اتفتح عزيز لقى سيلا في وشه بفستان كأنه مرسوم ليها تنح شويه ودقات قلبه بتزيد وفاق ع صوتها
سيلا بتفاجئ: اي دا ادم
عزيز جوا نفسه (يبخت اللي اسمهم ادم) ف رد بسرعه عشان عبدالله ميبوظش الدنيا: ءء ازيك يا سيلا عامله ايه
سيلا اتفاجئت من تغيره المفاجأ وحست ان دا شخص تاني مش ادم اللي كان في المكتب: اوه الحمدلله... خير جاي هنا فيه حاجه؟
ادم برفض: لا خالص مم محمد صاحبنا تعبان هنا ف جينا نشوفه
عبدالله مش فاهم ايه اللي بيحصل ومين ادم ومين محمد: هو انتو تعرفو بعض؟!
عزيز عمال بيجز على سنانه وبيشاور بعنيه عشان يفهم: دي سيلا هانم بشتغل معاها في المكتب
عبدلله حط ايده ع بوقه بصدمه: هو انت سيبت الشرط...
عزيز داس ع رجل عبدالله جامد بشكل ملحوظ
عبدالله: اههه يغبي في ايه
عزيز: معلش شوفت صرصار بس طلع رباط الجذمه.
سيلا بخوف:بجد؟
عزيز خبط راسه:ايي لا لا كان بيتهيقلي فعلا مفيش حاجه...... همم المهم نستأذنك احنا يا سيلا هانم عشان نشوف محمد
سيلا بأبتسامه وهي مش فاهمه حاجه: بلاش هانم دي خلينا من غير رسميات احنا زملاء
عزيز مردش ومتعبش نفسه يبتسم حتي سحب عبدالله من ياقه القميص ومشي هو مش قصده يبقى قليل الزوق بس هو فعلا الزوق
سيلا وهي بتركب الاسانسير بصوت واطي: حتي وهو عامل فيها مؤدب قليل الذوق دا متعبش نفسه يبتسم او يقول شكرا حتي..... بعدين ضحكت لما افتكرته وهو بيدوس ع رجل عبدالله: كارزما بس بيطلع منه حراكات هطله
*في طرقه المستشفى *
مشي عزيز وهو بيسحب عبدالله وراه
قام رازعه في حيطه بعصبيه: انت غبي يلا؟! انت كان ممكن تبوظلي الدنيا دلوقتي
عبدالله وهو بيغمز: ابوظلك اي يمعلم منت مظبت الدنيا اهو
عزيز وهو بيمسح وشه: اه اههه انا مبتلى بصاحب غبي... قال وهو بيعلي صوته: يمتخلف يمتخلف انا في مهمه وكانت هتبوظ ع ايدك دلوقتي
عبدالله وهو بيحاول يسكت فيه: ششش اششش اسكت كل المستشفي عرفت انك في مهمه
طلع دكتور من الاوضه اللي جنبهم
الدكتور بقرف: لو سمحتو احنا هنا في مستشفى تقدرو تتخانقو برا
عزيز ساب القميص بتاع عبدالله بنرفزه: شوفت خليت اللي يسوا واللي ميسواش يسكتني وبيطردنا!
عبدالله: خلاص يزوز تعالي نطمن على ميرا ونبقى نكمل الحوار
عزيز اتفاجأ: انا نسيتها خالص يلااا
بيجرو في الطرقه لاقو واحده جميله جدا وواحد شيك وصلاح طالعين من الاوضه عزيز سحب عبدالله من قميصه واستخبو ورا حيطه وقاله بوشوشه: مش هينفع ندخل دلوقتي استني شويه عشان صلاح الزفت هنا
