روايه مهمه سريه ✨
part 17
سيلا بصدمه: امير!
عزيز بص ناحية سيلا
سيلا بتوتر: ءء عزيز دا امير ابن عمي
امير بأبتسامه مستفزه: مبروك
عزيز مش مستلطفه: شكرا
امير: كان نفسي اشوفك من زمان بس يصادف اليوم اللي انزل فيه مصر بعد سنين يبقي يوم خطوبتك... يعني ازاي مكنش معاكي في يوم زي ده
سيلا ابتسمت ابتسامه بقرف عزيز حس انها مدايقه: مالك في ايه
سيلا بأبتسامه هاديه: لا عادي تعالي يلا نرقص
عزيز: ماشي
وهما بيرقصو فضلو يبصو لبعض والناس تصورهم فيه اللي فرحان من قلبه وفيه اللي جاي يتفرج ويحسد وفيه اللي جاي يصور عشان قناته تتشهر
ابراهيم: انا مش عارف ايه اللي دخل الصحفيين انا كان لازم انبه ع البودي جارد انه يتأكد من الدعوه اصليه ولا لا
مريم بتهديه: خلاص هدي نفسك عادي اهو يوم وهيعدي ابقى اعمل كدا في الفرح ان شاء الله..
سكتت من الصدمه بسبب اللي جاي عليها
امير ببرود واستفزاز: ازيك يا اونكل ابراهيم.. ليك واحشه
ابراهيم: اه امير انت جيت امتي.
امير: لسه واصل النهارده اتفاجئت انها خطوبت سيلا قولت اجي مع بابا
ابراهيم: هو فين اسماعيل
امير: بابا بيبارك لسيلا هناك اهو
قرب من مريم: ازيك يا طنط
مريم ممدتش ايدها وقالت بقرف: اهلا
امير ابتسم وقعد
مريم بتوشوش ابراهيم: انت بتعامله حلو ليه انت ناسي اللي عمله في بنتك
ابراهيم: مش ناسي انا فاكر كل حاجه بالتفصيل بس ده كان طفل يا مريم وبعدين ابن اخويا يعني زيه زي سليم
مريم: لا متقارنهوش بسليم سليم انضف منه
ابراهيم: يووه شوفي مين اللي بينكد دلوقتي
عند عزيز وسيلا
عزيز: انتي اشمعني اتفاجئتي لما شوفتي ابن عمك
سيلا بتبلع ريقها: عادي متخيلتش انو هيجي بقاله سنين مجاش مصر
عزيز بشك وخايف يكون اللي في باله: هو كان مسافر فين؟
سيلا بكذب عشان عارفه ان عزيز كان سامعها في الطياره: مش فاكره.. قعد يلف في كذا مكان في اوروبا
عزيز عرف انها بتكذب نفخ بخنق
سيلا: مالك
عزيز: بعدين هنتكلم بس ساعتها هتقولي كل حاجه ومن غير متلفي وتدوري
سيلا: انا ملفتش ودورت....
سكتت بسبب بصة عزيز ليه
سيلا: طب فك لان الصحفيين بيصورونا
عزيز هدي شويه ومسكها من ايديها ولفها والكل صورهم وسقفلهم
عمر رايح عند سيليا وبيرجع شعرها لورا: الجميل سرحان في ايه
سيليا بتبريق: الصحفيين بيصورو بلاش تعامل بالايد يا عمر
عمر بخنق: يادي الصحفيين اللي ورايا ورايا مش عارف اتكلم معاكي كلمه
سيليا: معلش استحمل واحنا مروحين نبقي نتكلم في العربيه
عمر: مهو سليم وميرا بيبقو قاعدينلي يعني اعمل ايه طيب اولع في نفسي
سيليا: حرام عليك دول اصلا مبيركزوش معانا ليهم دنيا تانيه
