مهمه سريه

Part 24

روايه مهمه سريه ✨

Part 24✨

*في فيلا سيلا *

سليم بيكلم حد في الفون: ايوه انا هستفيد ايه لما انضم للتيم بتاعكم؟
الشخص: احنا مافيا يسليم مش تيم! وعاوزينك تبقي معانا هنعمل شغل عظمه
سليم: حاتم انت اهبل مافيا ايه اللي اشتغل فيها؟ وبعدين عاوز اسألك سؤال

حاتم: اتفضل اسأل
سليم: انت فلوس تلاقي عربيات تلاقي حب تلاقي ليه رايح السكه دي؟... يعني اللي اعرفه اللي بيلجأ للطريق ده بيبقي ناقصه حاجه من الحاجات دي انما انت ايه حوارك؟.
حاتم: انا استقليت بعيد عن اهلي يمعلم بقا ليا قصر مش ڤيلا وبقا عندي بدل العربيه خمسه والفلوس اضعاف اللي كنت باخدها من ابويا والبحر بيحب الزياده

سليم: ماشي يصحبي براحتك بس انا مش داخل اللعبه دي
حاتم: انت حر يصحبي بس خليك عارف انك انت بالذات مرحب بيك في اي وقت
سليم: خلاص بقا قولنا لا سلام.
حاتم: سلام يصحبي فكر كويس
قفل في وشه: يوووه انا مش عارف جراله ايه الواد ده

صوت خبط ع الباب
سليم: ادخل
سيلا دخلت بأبتسامه: سولي
سليم ببرود: خير؟
سيلا: مالك قاعد لوحدك ليه... وبعدين مكشر كدا ليه فيه حاجه حصلت؟

سليم: عاجبك اللي مامي بتعمله ده؟
سيلا: اللي هو ايه؟
سليم بتفاجأ: اللي هو ايه؟.... سيلا انتي بتستعبطي ولا بتتكلمي جد
سيلا: لا والله بتكلم جد فيه ايه
سليم: ماما موافقه ع عمر

سيلا: مهو سيليا موافقه ماما متوافقش ليه
سليم: يعني تفكر حبه انا عن نفسي شايفه بيتسلي
سيلا: مكنش جيه النهارده ع المعاد بالظبط ومكنش هيبقي متوتر وخايف للدرجادي ده متكلمش كلمتين ع بعض
سليم: سيلا انتي مش فهماني قومي نامي
سيلا: طب متزوقش طيب انا كدا كدا كنت رايحه انام اوعي كدا

طلعت من اوضته
وهي طالعه ع السلم لقت شباك الصاله بيخبط اتخضت
قربت منه شويه لقته عزيز بينادي بصوت واطي:يا فسدق...فسدق
راحت عنده بسعاده
سيلا: انت لحقت تيجي؟
عزيز: افتحي طيب وهقول
فتحت الشباك
لقته مخبي حاجه ورا ضهره

سيلا بفضول: اي ده؟
عزيز: دا بوكيه شوكلاتات للفسدق بتاعي
سيلا: الله ايه الرومانسيه اللي طبط عليك مره واحده دي
عزيز: الرومانسيه دي طبع فيا من زمان اوي
سيلا: اه اه طبعا اومال كلنا عارفين من غير متقول... عملت ايه طمني
عزيز: كان زي الفل سلمتهم العربيه واخدت عشر شنط مليانه فلوس

سيلا: طب هتاقبل سامي امتي
عزيز: بقولك ايه متقوليش سامي قدامي تاني اسمه للنقيب سامي
سيلا: يوغتي بيضه انتي غيري«بتمسك خده»
عزيز بيوسع اديها: اوعي ايدك دي ومغيرش ليه يعني وبعدين ده قد ابوكي
سيلا: مهو عشان قد بابي ف مصحباه
عزيز: لا متصحبيش
سيلا وقفت متنحه وعزيز كذلك
عزيز: ايه بقى الفرح امتي؟«بيغمز»
سيلا بخضه: ايه فرح.. فرح مين... فرح ايه؟