صلاح: وانا موافق
مسعد: لا مهو انت مش هتروح معاهم!!
صلاح بتفاجأ: اشمعني
مسعد: عادي يعني خليك معايا وبعدين ادم هيقوم بالواجب مشكدا ولا ايه؟
ادم بأبتسامه مستفزه: طبعا طبعا من غير متقول يمسعد بيه
مسعد: خلاص روحو دلوقتي انتو واجهزو عشان العربيه هتيجي تاخدكم بكرا الصبح للمطار
مشي ادم وسيلا صلاح باصص لمسعد بصه مش مفهومه: اشمعنى بقا؟
مسعد: عشان انا حاسك الفتره دي مش مظبوط حاسك بتميل لقلبك اكتر من الشغل بس ادم بيشتغل ومش حاطط اي حاجه في باله
صلاح بعصبيه: وانت مالك اميل مملش دي حاجه تخصني وطلاما بعملك شغلك مظبوط متتكلمش
مسعد: خلاص متزعلش نفسك لو عايز تروح روح بس بعد بكره عشان انت اللي هتستلم الشحنه
صلاح بتريقه: ليه متخلي ادم حبيب قلبك يعملهالك
مسعد بضحك: انت ابتديت تغير وع العموم هعرفه الشغل بس مش دلوقتي
صلاح: اه اه عرفه ونروح فيها وهنلبس انا وانت نفس الكلابوش
مسعد: اسمه كلابش وبعدين احنا عاملين احتياطنا متقلقش
صلاح وهو بيمشي: انا مش هستلم الشحنه اللي جايه ابقى انزل انت استلهما انا هقعد في البيت اخدلي يوم اجازه
مسعد بعصبيه: صلاح انا مش هينفع بكره انزل اساسا.... صلاح... صلاااااااااح
صلاح ركب عربيته ومشي بكل سرعه
*فيلا سيلا*
مريم كانت رايحه جايه هي وام حسن
ام حسن بحشريه: العريس صالونات ولا عن حب؟
مريم: للأسف حب... عشان كدا مقدرش اقول حاجه
ام حسن بزغروطه: الف مبروك عقبال منشوف ولادهم
مريم بحزن: يارب.... خلصتي الصالون؟
ام حسن: اه وهروح احط فيه الاضاءه اللي استاذ سليم جايبها
مريم بتساؤل: اضاءه ايه؟
ام حسن بأبتسامه: حبل كدا بيتعلق بيقعد يضي اضاءه حلوه اوي وفيه منها شكلين شكل للبيت دا شكل بسيط ورقيق وشكل في الجنينه مبالغه شويه بس هيبقى شكلها حلو
مريم: ايوا بس دي مش خطوبه دي قرايه فاتحه
ام حسن: مش عارفه بقا هو استاذ سليم قالي كدا
مريم: خلاص ماشي يا ام حسن روحي وضبي الجنينه عبان م اخلص الاكل واشوف الاوردر وصل ولا لا
*عربيه عزيز*
عزيز بيسوق بهدوء
سيلا بملل: متشغل حاجه بدل الزهق دا
عزيز: تسمعي ايه؟
سيلا: اي حاجه عادي
عزيز شغل اغنيه اجنبيه هاديه
سيلا: لا لا لا بلاش اجنبي!
عزيز برفعه حاجب: انتي مش قولتي اي حاجه؟
سيلا: ايوا اي حاجه عربي
عزيز شغل اغنيه ل ام كلثوم
سيلا: ام كلثوم؟!... انت بتهزر مشكدا؟!
عزيز: ام كلثوم مش عجباكي؟
سيلا: يسطا اقفل... بتفكرني بجدو
