سيلا: ماما انتي فييييييييين
صرخت في اخر الجمله وبرقت لما لقت قدامها الضيوف وقدامها ادم
ادم كان هيتف العصير بس مسك نفسه ابو سيلا اتفاجئ بمنظرها ومريم بتبرقلها وبتحرك راسها عشان تطلع بسرعه
سيلا واقفه مصدومه ومش عارفه تعمل ايه سيليا جريت نحيتها وشدتها وطلعت فوق
سيليا: الله يخربيتك ايه اللي انتي مهبباه ده
سيلا وهي بتحط ايديها في وسطها: انا نسيت خالص ان فيه ضيوف جايلنا... اه صحيح انتي مصحتنيش ليه بقا
«فلاش باك»
سيلا رجعت من الشغل
مريم: تعالي بقا نشتري حاجات
سيلا: ماما والله ماقادره
مريم: معلش تعالي ع نفسك هتقدري بس لازم نعمل شوبينج
سيلا: خلاص بس بسرعه
راحو السنتر واشترو لبس وحاجات كتيره ورجعو بعد لف كتير
سيلا طلعت لسيليا: خودي يا هانم جبنا ده لحضرتك يا سيادة الاميره وبراند يعني مش اي حاجه
سيليا: مرسي جدا واو شكله حلو اوي اوي
سيلا: سوسو بقولك ايه
سيليا: قولي
سيلا: انا هدخل اريح ساعتين قبل م الضيوف يجو ابقي صحيني كمان ساعه
سيليا: سيلا هو انتي ساقطه رياضه؟... يعني ايه هتريحي ساعتين واصحيكي بعد ساعه انتي هبله مش كده؟
سيلا: انا مش فايقه اساسا ف متدققيش والنبي يا سوسو متنسانيش
سيليا وهي فرحانه بالفستان: حاضر حاااضر
«نرجع تاني»
سيليا افتكرت وحطت ايديها ع بوقها: والله نسيت خالص
سيلا: طب اعمل ايه انا دلوقتي اعيط؟...... اعععععععععععع ادم تحت!
سيليا بأستغراب: اسمه ادم؟
سيلا: اه دا معايا في الشغل
سيليا: امم يبقي انا سمعت غلط
سيلا وهي بتطنطت: اعمل ايه اعمل ايههههههه
مسكت المخده وكتمت صرخها فيها
سيليا: طب قومي بسرعه اليسي عبان ما اسخن البيبي ليس واجهز الميكب
سيلا: صح انتي صح لازم نتصرف
جريت بسرعه تاخد فستانها الاحمر الضيق والقصير نوعا ما والكعب الاسود بتاعها
راحت تلبسهم
*في الصالون*
عزيز قاعد متوتر وكل ميجي يتكلم مع باباه ابراهيم يقاطعه
سليم وعمر بيبصو لبعض بنظرات مريبه وضحكه صفره
اما كوثر ومريم اخدو ع بعض جدا كأنهم عارفين بعض من زمان وقاعدين يرغو
اما ميرا قاعده وحيده وخايفه من عمر اللي شويه وهيقوم يضرب سليم
سمعو صوت حد نازل ع السلم بس المرادي حد عاقل وكبير
كلهم سكتو وبصو ل سيلا وهي نازله بخطوات بطيئه وابتسامه ساحره
فاروق: ما شاء الله ما شاء الله
ابراهيم بفخر: دي بنتي سيلا اصغر واحده
فاروق بهزار: كدا عندك اربعه
ابراهيم بعدم فهم: لا تلاته سيلا وسيليا وسليم
