كوثر اخدت واحده بأبتسامه: تسلم ايدك
وعزيز اخد منها ببرود: شكرا
وشربو هما الاتنين
عزيز لسه بيحط الفنجان ع بوقه لقي عمر بيشد منه الفنجان: هات بس هدوق بوق الاول عشان بقرف
سيلا قامت بتوتر: انا ممكن اعملك قهوه ليك
عمر برفض: لا لا عادي انا بحب اشرب بوق واحد وهاخده من عزيز عزيز مبيقولش حاجه
سيلا (اشرب بقا مش انت اللي عاوز تشرب)
عمر شرب القهوه من هنا تف على سليم من هنا
سليم بعصبيه: اي دا يسطا اللي انت دا؟!
عمر شرق من الملح وشار بأيديه لسيليا انها تجيب مايه: اشرب بسرعه
ابراهيم: في ايه
سيلا: قولتلك اعملك واحده ليك
مريم: القهوه فيها ايه
سيلا بتوتر: مهو مهو
سليم بعصبيه: مهو ايه
سيلا: كنت بقلد المسلسلات التركيه
فاروق خبط ايده في بعض: ييي يادي المسلسلات التركي اللي بتلاحقني في كل مكان بروحه
كوثر بفرح: جدعه يبت تربيتي
سيلا: اي دا حضرتك بتتفرجي ع تركي
كوثر: ايڤيت طبيكي «ايوه طبعا»
سيلا راحت عندها بسعاده: الله عليكي يكوثوره
فاروق: ايوا يعني اي علاقه الكلام ده كله بالمسلسلات التركيه برضو مش فاهم
سيلا: لما العريس بيتقدم لازم العروسه تعمله قهوه فيها ملح بدل السكر وتشوف رأكشناته لو معملش رأكشن وحش وابتسم ومسألش ومستغربش يبقي كدا بيحبني وهييقي عنده صبر عليا وهيستحملني مهمها عملت ايه لكن لو عمل رأكشنات انه ادايق واتعصب او استغرب حتى كدا يبقي مش حلو وبنرفضه علطول عشان مش هيصبر عليا
فاروق: يسلام! انتي كدا عوزالك واحد معندوش دم ولا مشاعر اه عزيز معندوش مشاعر بس عنده دم
كلهم سكتو لما شافو عزيز مسك الفنجان وشربه على بوق واحد ومن غير ميعمل رأيكشنات
سيلا بتفاجأ: يخربيتك دا محطوط فيه تلت معالق سكر كبار
عمر بتفاجأ: بخربيتك انتي يعين ايه تحطي في فنجان قد دا كميه الملح دي كلها انتي لو قاصده تموتيني مش هتعملي كدا
سيلا راحت لعنده بكوبايه مايه: اشرب يعزيز
عزيز: احم احم... لا مش عاوز
سيلا: لا عشان خاطري خد اشرب بسرعه
عزيز اخد منها وشرب
قامت حضناه وقالتله بوشوشه: اسفه والله كنت بهزر
عزيز اتصدم من حركتها وكلهم اتصدمو طبطب عليها: عادي خلاص خلص الحوار
سيليا قربت من مريم
سيليا: اي يمريومه مالك مكشر ليه؟
مريم: مليش بس مش مطمنه حساه زيه زي امير
سيليا: مامي متفكريش نفسك بأمير تاني امير خلاص مشي وامره انتهى خلينا نركز بقا فيهم انتي مش شيفاهم مبسوطين ازاي
مريم: اه والله الابتسامه من الودن دي للودن دي المشكله انها كانت كدا مع امير...ربنا يستر
سيليا:هيستر ان شاءلله بس انتي اضحكي كدا عشان محدش يحس بحاجه
