سليم: في ان الدنيا زحمه وانا مش طايق نفسي
مريم: طب اهدي ع نفسك يا بابا روحو يلا اغسلو ايديكم وتعالو كلو
*فيلا عزيز*
دخل ميرا وعزيز وعمر بهدوء عشان عارفين ان فاروق وكوثر بينامو بدري
عزيز بصوت واطي: تعالو ع اوضتي عايز اكلمكو في حوار
دخلو الاوضه وعمر وميرا متوترين فكرو انو عرف كل حاجه
عزيز: بصو احنا من زمان مقعدناش سوا وملعبناش متكلمناش ف النهارده ودلوقتي هنعمل كل دا
عمر وهو بيتاوب: دلوقتي اللي هو دلوقتي؟!
عزيز: همم.. فيه مانع؟
ميرا بحماس: لا
قعدو هما التلاته ع السرير وربعو رجليهم
عزيز زق عمر جامد من ع السرير وبيجز ع سنانه: انت طالع السرير بالجذمه يمعفن؟
عمر بعصبيه وهو بيقلعها وبيرميها: طب مكنت تقولي بدل مكنت تكسر ضهري!
ميرا: هو انتو جايبني عشان تتخانقو
هما الاتنين في نفس واحد: لا
ميرا: طب يلا كل واحد يعترف بحاجه مقلهاش لحد فينا... هممم ابدأ يعزيز
عزيز: اشمعني انا اللي ابدأ
ميرا: عشان انت صاحب الفكره
عزيز: عالعموم عادي بصو بقى انا في مهمه زي مقلتلكم اسمي ادم بشتغل في شركه مسعد للأدويه وبقيت مدير اعمال مسعد زفت ع دماغه وبقيت معاه في نفس الدور ومش بس كدا انا في نفس المكتب مع واحده اسمها سيلا (كمل من غير ما ياخد باله): رقيقه غبيه دبش وشرشوحه قليلة الزوق ولطيفه وو... انتو بتبصولي كدا ليه
ميرا باصه لاخوها بأستعجاب: انت بتحب يا زيزو؟!
عزيز بينكر دا: لا لا طبعا لا بطلي هبل.... بت بطلي مفيش حاجه من اللي في دماغك
عمر: مفيش حاجه ايه مهو كله واضح زي لشمس
عزيز: لااا بقولكو لا يعني لا بطلو غباء احنا اعداء اصلا
(عزيز في الحقيقه مفكر نفسه مش بيحبها وبيعمل نفسه عادي ومفيش حاجه عشان عمره مجرب الشعور دا)
ميرا بخبث: م هما كلهم بدؤ بعداوه بعدين حبايب
عزيز بأحباط: ميرا بطلي هطل لا اكيد لا عشان هي اصلا شكلها مرتبطه
عمر بغمز: مهو اللي بيرتبط بيفركش
عزيز وهو بيضربهم بالمخدات: لا مهو انا مش جايبكو تقعدو تستظرفو عاليا انا بس
قعدو يضحكو
*في فيلا سيلا*
قعدو كلهم مستنين سليم يجي
جيه سليم وقعد وابتدو اكل
ابراهيم بتساؤل: اي اخبار اليوم بتاعكو
سيلا بحماس: كان حلو اوي اوي وقابلت سيليا وعبير هناك
سيليا داست ع رجل سيلا عشان تقفل الحوار
سيلا بتوجع: يغبيهههه
وشها اتغير من ملامح توجع لملامح بتضحك ومبتسمه جامد بسبب انها افتكرت لما ادم داس ع رجل صاحبه
ابراهيم وهو عمال بيشاورلها: سيلا! سيلا! انتي نايمه ولا ايه؟!
سيلا وعيت: اه م معلش كنت سرحانه
مريم بخبث: والجميل سرحان في ايه؟
سيلا: مفيش بفتكر حوار ضحكني بس تافهه حبتين
مريم: همم ماشي يستي.. وانت يسليم عملت ايه؟
سليم افتكر ميرا: اممم كان يوم حلو نوعا ما بس صاحبي اغمي عليه وقابلت سيلا وسيليا وعبير وصلاح ف صلاح اخدنا كلنا
