حلا: خلصانه بحيث كدا...
مكملتش جملتها لقت شبشب بيترمي عليها من المطبخ صرخت بألم وجريت تستخبى ورا سيلا من مريم والدة سيلا
مريم: وانتي كمان يا حلا عاوزه تنقطيني
حلا بعدم فهم: ليه بس كدا يا طنط انا عملت ايه
مريم بعصبيه: لا والله؟ مش عارفه قولتي ايه انتي كمان بقيتي بتتكلمي زي العيال السرسجيه خلصانه ويزميلي ونصايه خمسايه ومش عارف ايه
قعدو كلهم يضحكو حلا بتبرير: انا مكنتش اعرف والله ان حضرتك سمعاني وغير كدا خلصانه زي اشطا يعني مش حوار
مريم بعصبيه اكتر وهي بتضربها في دراعها: اشطا؟! هي تمام قصرت معاكو في ايه؟ وعلفكره انا مسمعتش الحوار كل اللي سمعته خلصانه وطلعت اشوف مين اللي بيتكلم لقيتك انتي حظك الاسود بقا انك وقعتي في ايدي
سيلا: يا ماما كفايه بقا والله مقصدتش وبعدين الحوار مش مستاهل وهي كدا كدا معدتش هتقولها صح يا حلا؟
هزت حلا راسها فوق لتحت بمعنى اه
مريم قالت بغلطه: اشطا هروح انا اجبلكم الكيكه
حلا وقفتها وقلتلها: لا لا معلش كدا انتي قولتي اي؟
مريم بعدم فهم: قولت هروح اجبلكم الكيكه في اطباق
حلا: لا لا قبلها
مريم بعدم ملاحظه: اشط..
مسكت حلا كتف مريم: والله ووقعتي في ايدي يمريومه جبتي منين الكلمه دي بقا يا هانم
مريم: شوف البت منك ياختي انتي وصحابك من كتر مبتقلوها لزقت في لساني
حلا باستهبال: ماشي سماح المرادي
مريم زقت ايديها وراحت للمطبخ: صبرني ياارب على ما بلتني
سيلا بتنفخ براحه: اووف الحمدلله مسمعتش الحوار
حلا بصوت منخفض: خلينا في المهم دلوقتي هتعملي ايه مع صلاح
سيلا بعدم فهم: هعمل ايه في ايه مش فاهمه؟
حلا بغمزه: اقصد بدام حلو اي اللي منعك تقربي المسافات
سيلا: حلا بطلي هبل والله صلاح انا معتبراه زي اخويا وعمره ما هيبقي حاجه زي اللي في دماغك اهمدي بقا
ماريا: اه اه كلها بتبدي ب هو زي اخويا واخرها جواز
سيلا وهي بتجري ورا ماريا: طب تعالي بقا عشان انا سكتالك من الصبح قولتلك مفيش حااااجه زي ديييي
حلا بتساؤل: معاكي صوره ليه
سيلا: لا بس هو اداني رقمه ف اكيد حاطط صوره بروفايل للواتس
ماريا: افتحي افتحي ورينا شكله
سيلا: اهو لقيته اتفضلو
حلا مسكت الموبايل هي وماريا وسيليا
ماريا صفرت: يابنت المحظوظه بقا دا اللي بيشتغل معاكي
