روايه مهمه سريه ✨
part 21✨
وصلو عند ترابيزه حواليها شمع وعليها شمع وورد احمر كتير
عزيز نزل ع ركبته وطلع العلبه بتاعت السلسله
عزيز: سيلا انا بحبك
سيلا عنيها دمعت: عزيز انت بتتكلم جد؟.... يعني الصبح مكنتش بتتريق؟
عزيز: لا مكنتش بتريق
سيلا عيطت
عزيز: بتعيطي ليه دلوقتي؟
سيلا: عشان انت بتحبني!
عزيز: وانتي مش بتحبيني؟
سيلا قومته وحضنته: لا طبعا بحبك♡.. بس انت مكنتش واخد بالك
عزيز: انا اكتشفت اني مقدرش اعدي يوم غير لما اشوفك
سيلا: انت مالك بقيت رومانسي كدا ليه هعيط تاني والله
عزيز: يعني دبش مش عاجب رومانسي مش عاجب؟
سيلا: لا خليك كده علطول... عشان الصراحه
عزيز: ايه؟
سيلا: بخاف منك ساعات«وبتجري»
عزيز وهو شايفها بتجري قدامه: انا عمري مخوفتك قوليلي ع يوم خوفتك فيه
سيلا: اكبر دليل كان الصبح
عزيز غمض عينه ومسك دراعها: قولتلك متفكرنيش بالصبح خلينا نركز في اللي جاي
سيلا بفضول: ايه بقا اللي في العلبه؟
عزيز فتحها وسيلا صوتت من جمالها
سيلا: اععععع جميله جدا.... خطيييره
عزيز: يعني عجبتك؟
سيلا: اه كنت بشوفها في المسلسلات الاجنبيه كان بيبقا نفسي انط واخدها بجد من جمالها
عزيز: طب البسهالك؟
سيلا: sure
لفت ولمتله شعرها
عزيز مش عارف يلبسهلها بس بيحاول عشان دايما كان نفسه يعمل كدا
لبسهلها بعد معجزه
سيلا بتبص لنفسها في المرايا المحطوطه جنب الترابيزه
سيلا وهي بتفط: الله حلوه اوي اوي بجد... شكرا يا زيزو
عزيز: تعرفي اني حبيت زيزو منك انتي
سيلا: انت مبتحبهاش؟
عزيز: تؤتؤ بيعجبني اسمي لوحده بس اكتشفت انك لما بتقوليها بحبها اوي
سيلا: عزيز انت سخن؟
بتحط ايديها ع راسه
عزيز: لا عزيز لأول مره اعترف بحاجه من كل قلبه
سيلا: انا حاسه اني بحلم
عزيز: وانا بس مش عايز افوق من الحلم... تيجي ناكل
سيلا: يلا... هناكل ايه
عزيز: البيتزا والشاورما اللي بتحبيهم
سيلا: الاتنين؟
عزيز: اها
سيلا بوزت
عزيز بأستغراب: ايه مالك؟ زعلتي ليه؟
سيلا: عشان انت كده هتخني
عزيز كشر وقام: خلاص بلاها اكل قومي بينا نتمشي
سيلا شدته وقعدته تاني: انت صدقت اقعد بس نخلص اكل بعدين نتمشي نهضم
عزيز ضحك: طب مكان من الاول
سيلا سرحت شويه في ابتسامته الحلوه: عزيز متضحكش قدام حد بعد كده
عزيز: ليه وحشه؟
سيلا: لا بالعكس غمازتك كيوت اوي عشان كده متضحكش خليك مكشر علطول
عزيز: متقوليش كيوت دي تاني
سيلا: كيوت حاجه حلوه مش حاجه وحشه!
عزيز: عارف بس هي بتتقال ع الحاجات الفافي وبتتقال بطريقه مايصه ف متقوليهاش تاني
سيلا: طب كيوت كيوت كيوت كيوت
عزبز: انا قاعد مع طفله؟
سيلا: والله؟... طب متكلمنيش لو سمحت لغايت لما اخلص الشاورما والبيتزا
عزيز: لو عايزه تكليني انا كمان كوليني عادي
سيلا: لا باكل الحاجات المفيده بس«ابتسامه سامجه»
عزيز: خفة دمك مقويه قلبك بقا وكدا؟
سيلا اندمجت في الاكل: عزيز كل مفيش وقت للخناق اول منخلص نبقي نتخانق
