دخل صلاح: سيلا نرمين بتقول انك.....
سيلا بعدت عن عزيز شويه
صلاح راح عندها وشال ايد عزيز ومسكها من كتفها: مالك في اي
سيلا بعدت عنه ومسحت دموعها: مش قادره احكي دلوقتي يا صلاح ههدي وهبقى احكيلك في البريك
صلاح: خلاص ماشي ولو عاوزه تاخدي اجازه النهارده خودي وهاتيلي امضيلك ع الاجازه
سيلا: لا لا انا عاوزه افك من جو البيت
صلاح: خلاص براحتك... كدا كدا الشغل مش كتير النهارده
خرج صلاح وسيلا بدأت تشتغل وهي مش مركزه هي بتعمل ايه اساسا
عزيز شاغل باله ايه اللي حصل قرب بكرسيه ناحيتها
عزيز: تقدري تحكيلي علفكره
سيلا: منت كنت تقدر تحكيلي برضو
عزيز: سيلا مهما حصل ايه وحتي لو بقينا بيست فريند عمري مهقولك مينفعش
سيلا بصوت مبحوح: تمام وانا مش هقولك
عزيز: طب حاسبي انتي هتبعتي البريد غلط
سيلا لاحظت قامت راميه الماوس بعيد عنها وبدأت تعيط
عزيز قرب: انا اسف متزعليش
سيلا: انت اسف ع ايه انت معملتش حاجه
عزيز: انا اسف مش شرط تتقال لما ابقى غلطان عادي بقولها جايز تهون عليكي
سيلا: انا هقوم اروح ل صلاح
عزيز: وليه تروحيله
سيلا: يعني هو جاي يسأل عليا ويطمن وانا مروحش اكلمه!
عزيز: عادي طنشيه
سيلا: انا مش قليلة الذوق للدرجادي
عزيز نار جواه بس عمره ميروح يقول
طلعت سيلا تروح للمكتب اللي قصادها اللي هو مكتب صلاح
عزيز عنده فضول عاوز يعرف هيقولو ايه
قام بسرعه وفتح ستاير المكتب وقعد مكانه عشان يحاول يشوفهم وع الحظ كانو فاتحين الستاره
دخلت سيلا بعد ما استأذنت
صلاح: ادخل!
سيلا: صلاح انا جيت اعتذرلك انا كنت مخنوقه ومش عارفه احكي حاجه
قام صلاح من مكانه ووقف قدامه
مسك ايديها: اقعدي استريحي
قعدو ع الكنبه وهو لسه ماسك اديها
عزيز(سيب ايديها يا *****)
سيلا وعيت وشالت ايديها بتوتر
صلاح بأهتمام: مالك احكي
سيلا: مليش انا اتقدملي عريس وماما مكانتش موافقه
ملامح صلاح اتغيرت ميه وتمانين درجه: ووافقتي؟
سيلا: اهه
صلاح: بتحبيه؟
سيلا: مش عارفه!
صلاح بعصبيه: يعني ايه مش عارفه ياما اه ياما لا انما ايه مش عارفه دي
سيلا: صلاح بجد انا مش ناقصه حد يتعصب عليا تاني كفايه اللي حصل امبارح
صلاح بلخبطه: انا اسف بجد مقصدش انا بس متعصب بسبب الشحنه اللي اتأخرت
سيلا: خلاص يصلاح حصل خير... شحنة ايه اللي اتأخرت مهي وصلت
صلاح بتهرب: لا مهووو دي شحنة تبع شغل تاني هبقى اعرفهولك بس مش دلوقتي
سيلا: شغل تاني؟... ادويه يعني
صلاح بكدب: اه
