Single Dad Club: Tempt

Chapter 12

Pagkabalik namin sa hotel room ay nakatulog na agad ako katabi si baby Remi. Si Sir Silas naman ay diretso agad sa laptop niya para magtrabaho.

Nang magising ako kinabukasan ay nagulat pa ako dahil katabi ko na siya imbis na si baby Remi. Nakatagilid ako sa kaniya habang siya ay nakaharap sa akin habang paulit ulit na hinahaplos ng palad ang likod ko.

"You are awake already," anas niya mula sa aking likuran. Lumingon ako sa kaniya at napakurap kurap pa dahil bahagya akong nasilaw sa araw na tumatagos mula sa glass wall.

Tatayo na sana ako pero hinigpitan niya ang pagkakayakap sa akin. Tiningala ko siya gamit ang aking nagtatanong na mata pero ibinaon niya lang ang kaniyang mukha sa aking leeg at bahagya akong nilapatan ng mga halik doon.

Naririnig ko pa ang bahagya niyang pagbubulong. ".... like you," rinig kong saad niya.

Kumunot ang aking noo dahil hindi ko nakuha ang sinabi niya. "May sinasabi ka?" paos pa na tanong ko.

Mula sa aking leeg, umiling lang siya at hindi pa rin kumilos. Ngumuso ako at hinawakan siya sa kaniyang ulo. Hinaplos ko ang buhok niya at naririnig ko ang bahagya niyang pag-ungol.

"Bumangon na tayo, please. Gutom na kami ni baby..." anas ko. Bahagya akong napapikit nang maramdaman ko ang pagsipsip niya sa aking leeg... humapdi iyon.

"Okay," paos at tila labag pa sa loob na anas niya.

Tinanggal niya ang pagkakayakap sa akin pero hindi siya bumangon. Dumapa lamang siya at pinatanong ang pisngi sa unan habang ang kamay ay nakayakap sa unan at pumikit.

Ngumuso ako at hindi na lamang siya pinilit. Dumiretso ako sa bathroom at naligo. Nagsuot lang ako ng kulay pulang spaghetti strap dress at tsinelas. Sa ilalim ng aking dress ay suot suot ko ang Christian Dior swimsuit na ibinigay sa akin ni Faye.

Paglabas ko ng bathroom ay nasa kama pa rin si Sir Silas. This time, nakatihaya na siya at nakatakip ang braso sa mata. Ang magulong kumot ay nakalatag sa kaniyang bewang pababa dahilan para hindi matakpan ang taas kaya kitang kita ko ang mabalahibo niyang dibdib at mapintog na tiyan.

"I requested for a room service..." bigla siyang nagsalita.

Bahagya akong napaigtad dahil sa gulat. Akala ko kasi tulog na ulit siya kaya naman hindi ko inaasahan na magsasalita siya. Napahawak ako sa aking dibdib at inirapan siya nang makita ko siyang bahagyang tumawa. Nakita niya siguro ang pagkagulat ko.

"You look so sexy, babe," bati niya sa akin pagtapos ako tignan mula ulo hanggang paa. Umupo siya sa kama at tinapik iyon.

Ngumuso ako dahil naramdaman ko ang pag init ng aking pisngi. Kinagat ko ang aking labi at nagpanggap na wala lang sa akin ang compliment niya pero heto ako... kilig na kilig.

Lumapit ako sa kaniya pero hindi ako dumikit. Umigting ang kaniyang panga dahil sa ginawa ko bago ako marahan na hinila papalapit sa kaniya. Ang nangyari tuloy ay sa kandungan niya na ako napaupo.

Pinagmasdan ko ang kabuoan niya. Tamad na tamad siyang nakatingin sa akin pero hindian nawawala roon ang tila ba pagkaaliw sa akin. Umibis ang aking nguso kaya bumagsak doon ang tingin niya. Nakita ko ang mariin niyang pagpikit bago ang pag igting ng kaniyang panga.

Humaplos ang palad niya sa aking bewang papunta sa aking tiyan. Nagtagal iyon doon at bahagya siyang yumukod para masilip ang tiyan ko. "Hi, baby. This is Daddy. Please, tell Mommy to stop being so pretty because I can't... take it anymore," nanghihinang saad niya.

Mula sa pagkakayukod ay ipinatanong niya ang kaniyang baba sa aking balikat bago muling ibinaon ang mukha sa aking leeg. "I think Daddy met his downfall and it is... going to be her," bulong niya mula sa aking leeg pero malinaw kong naririnig ang lahat.