بنات حنزل الرواية من الاول باش اللي ماقراهاش يقراها من الاول وديرو شير في كل القروبات نبي اكبر عدد ممكن من الشير ❤
ن🌸حنايا الخاطر🌸
للكاتبة /🌸مريم الشيخ 🌸
الحلقة الأولى ....
في عام 2000
محمد يلبس في كندرته .. هيا يا سمحة شن مازال ؟؟ وقت ره
ابتسام : اهو واتية حبيبي هي نلبس عبايتي غير انخمم البنات وين انحطهم
محمد : تو نخطمو ع حوش خوي مفتاح انحطو البنيات غادي حتى يلعبو مع الصغار شوي ...
ابتسام اتكحل في عيونها اي لا هو حتى غاليه اتحبهم البنات تموت عليهم ديما تقولي كان عندك مشوار جيبيهملي
محمد : مش عارف اعلاش تحطي في كحل انتي تهبلي وعاجبتني حتى هكي ..خلاص امالا اهو فالسيارة اني نستنى فيك ..
وطلع محمد يسخن فالسيارة
ابتسام تكلم في روحها اي غير يقولو هكي كان ما درناش يشبحو لبرا وقعدت تضحك ... سرو حبيبتي ردي بالك اديري شطانه في حوش عمك خليك عاقلة وديري بالك ع وخيتك ماتطلعيش من صور الحوش بكل وتساويلها في شعرها
سارة : ماما وين بتمشي انتي مااتعطليش علينا
ابتسام: نمشي انشوف اوخيك اللي في بطني كيف حاله وانجي باهي ماما
مونيا : ماما نبي اتجيبيلي حلوى
ابتسام اتبوس فيهم وتحضن حاضر ماما تو نجيبلكم اللي خاطركم فيه حبوباتي هي اطلعو لبابا يستنى فينا فيسع هي ..
وطلعو للسيارة
ساره : بابا نبي نمشي معاكم
محمد يبوس فيها : شن تمشي عاد وليتي كبيرة انتي اقعدي في حوش عمك لين انجو باهي حبيبة بوها
سارة : باهي بابا مااطولوش علينا بس
و وصلو لحوش خوه نزلو ابتسام و محمد والبنوتات وطقطق محمد عالباب طلعله مفتاح
مفتاح : مرحبتين خشو خشو اتفضلو زارتنا البركة
محمد : شن حالك يا مفتاح سامحنا من صبح ربي جايينك
مفتاح : تي شن الكلام هذا خشو اتفضلو
ابتسام : صباح الخير مفتاح كيف حالك
مفتاح : بخير الحمدلله خشي اهو غالية والحاجة داخل مدايرة سفرة الفطور والعاله قدامها هي تفضلو هي ..
خشو محمد وابتسام والبنات ومفتاح ايرحب وايهلل غالي عليه خوه الصغير وهو مفتاح اكبر واحد و عنده خوه الوسطاني اسمه سليمان ..
ابتسام : صباح الخير يا عويله
غالية اتنفض في حجرها من الخبزة و ناضت اترحب بسلفتها مرحبتين صباح النور زارتنا البركة وتاخد وتضبط فيها وفالبنات
والحاجة الهادية فرحت بولدها غالي عليها عاد هو الشتوي
محمد : باس راس امه : شن حالك يام
الحاجة : اهو وليدي الحمدلله شن حالك انت
محمد : الحمدلله غير انتي كويسة مانبو من هالدنيا شي
وجو البنيات يضبطو في حناهم ويبوسو
وناضو هما وصغار عمهم يلعبو برا فالجردينه
ابتسام : والله الدكتور اخر مرة مشيتله قالي الاسبوعين هادو في اي لحظة انديرولك عمليه
غالية : العفو وعلاش العملية بنياتك الزوز جبتيهم طبيعي
ابتسام :زي ماتعرفي ولادتي صعبة يا غالية وخايفين الضغط يرقى فجأة ويأثر عالبيبي
غالية : ان شاءالله خير .. اوليد هو ولاه
ابتسام : اي ولد
غالية : اللي هو غير الخلقة التامه بس ويكون صحته كويسة
ابتسام : اي والله
غالية : خيرك ماحنيتيش مش عرس جارتكم الاسبوع هذا
ابتسام : تعرفي والله خاطري فيها قريب انموت الحنه لكن بطني قدامي مش قادرة اندير شي وتعرفي عاد اماليا بعيد ..
غالية : واني وين مشيت .. لما تطلعي من المستشفى اخطمي جيبي معاك لصقه حنة وتعالي انحنيك اني تو نعجنها لين اتجي ..
ابتسام : ربي مايحرمني منك اوخيتي والله الا نعتبر فيك زي اختي الكبيرة واغلى ربي يجبر بخاطرك
غالية : عاد فكينا مش بيناتنا .. انتي والله اوخيتي انعد فيك
أنت تقرأ
حنايا الخاطر(ليبية_منقولة)
Action- ردبالك حلاوة الكلام ، تنسيك انه هدا مُجرد كلام💆🏻♀️🦦. ﮼حنايا،الخاطر👀💋. للكاتبة: ﮼مࢪيم،الشيخ👀💋. ؏ـشࢪوטּ حلقة👀💋. ﮼قراءة،جميلةة👀💋.
