🌸حنايا الخاطر 🌸
للكاتبة / 🌸مريم الشيخ 🌸
االحلقة الثالثة عشر ...
الحوش معبي عياطات واللي يسمع ايجي الحاصل انه وجع الناس كلها بالرغم من انه سكار وخاش في صفقات حرام في حرام الا انه راجل في حاله
مفتاح شد منير ع جيهة
مفتاح : برا شوفه بالك عبدو راعش وماعرفاش
منير : شن ماعرفاش هو مش مشوه مطعون باالموس
مفتاح : لا حول ولا قوة إلا بالله... باهي غير امشي شوف الاجراءات كملهم انت
منير : اني تو نمشي مادامك مصر هلبا بالرغم من ان عبدو غادي وهو اللي مسئول في الامن ويفهم فالحاجات اهيا اكثر مني
مفتاح : باهي لما توصل قولي شن الاخبار ودمعو عيونه
منير : ان شاءالله يا بوي غير ردو بالكم ع عمي سليمان متأتر هلبا يستر الله فيه .. هي سلام توا
مفتاح : بسلامه وراك تنسى تكلمني
عبدو فالمستشفى
الممرضة : اوكي حوايجه تلقاهم فالامانات
عبدو يبكي : تمام شن هما حاجاته
الممرضة : تقريبا تلفونه و بطاقته وحوايجه
عبدو : مالقوش شي تاني ؟؟
الممرضة : لالا
عبدو : تمام
عامر يتصل ب منال ماتردش خاف انها صايرتلها حاجة مشي خطم عالحوش قبل
خش للحوش مافيش حس
منير : منال وينك ماليكش حس وايدور فيها
لقاها طايحه في دارها و جها مولي اصفر وهداك الدم معبي الوطا ورجليها
منير انهار : منال نوضي خيرك منااال وطبها ونزل حطها فالسيارة وطار بيها للمستشفى وكل شوي يلتفت الورا يبكي واجعاته مرته و واجعه البيبي لو صارله شي ويتصل ب عبدو
طارق في الشقه مقعمز ويخمم فاللي بيصير ف فكر ان هو اسلم حل انه يسافر وينفذ بجلده بس وين حيهرب من ربي من جريمته البشعه اللي دارها
في حوش سليمان الكل مصدوم
والنساوين اللي هذا توشوش وتحط وتعجن من راسها
اللي تقول والله سمعت انه شدو معاه مخدرات واللي تقول سمعت ان واحد يبي منه فلوس مشي قتله ن
الحاصل ان كلام الناس ما يخلصش
هند تبكي : شفتي عامر كيف يخبط ززي المرا يا ناري
مونيا : اي ماقدرتش حتى انعزيه ولا نوصل فيه حالته بكل
هداية : حتى عمي و خالد مساكين ما يخلوش فيك عرق صاحي
وندى و سارة و مودة يصبرو في سلمى و فايزة قريب يهبلو كان مدلعهم خوهم هلبا
وغاليه تحوس واتفرش فالناس وعماته يبكو ويضمو ويحوسو
وصل منير للمستشفى لقي عبدو يستنى فيه واموتيله باريله
ع طول منير نزل و وخدي مرته حطها عالباريله وعبدو يدور في شرشف متع مستشفى يبي يغطيها بيه ومنير مش هامه شي الا مرته تفيق
يجرو لين وصلو للطوارئ واستلموها الممرضات ...
عبدو : خيرها مرتك شن صارلها
منير : مانعرفش خشيت لقيتها طايحه
عبدو : شن هاليوم اللي مش فايت بكل
وقعدو يستنو
أنت تقرأ
حنايا الخاطر(ليبية_منقولة)
Ação- ردبالك حلاوة الكلام ، تنسيك انه هدا مُجرد كلام💆🏻♀️🦦. ﮼حنايا،الخاطر👀💋. للكاتبة: ﮼مࢪيم،الشيخ👀💋. ؏ـشࢪوטּ حلقة👀💋. ﮼قراءة،جميلةة👀💋.
