🌸حنايا الخاطر🌸
للكاتبة : 🌸 مريم الشيخ 🌸
الحلقة السادسة .....
بحداها مونيا قعدت ترقي فيها وتجيبلها في اميه وجتها غالية جايبة الوشق واتوشق فيها
غالية : شن تحسي في روحك توا بنيتي والله كان نفيسة ضرباتك وجو بنات عمها سلمى و فايزة وكلهم تجمعو عليها وغالية توسع تقوللهم خلولها نفس
شوية وجت امل أخت سليم بكامل اناقتها عاد هيا جميلة وزايدها لبستها النص فرحانة خشت ل سارة
امل : شن سرو ره سليم برا يتصل بيك ماترديش
سارة : سايلنت التلفون
امل : اعلاش مضايقة خيرك شن في
سارة : شي غر دخت شوية
امل : به اهو بيخش سليم
مشت امل لخوها وقالتله جاهزة كان بترفعها خش عاد عمك سليم فرحان بيطير ويجري جري وقف ونحالها الطرحة وباسها ع راسها... والبنات كلهم فاتحات افامهم فيه ع لبس وشخصية واناقة خداها من يدها وطلع ..
جت المصورة خدتلهم لقطات حلوات وخدي مرته وطلعو ومشت طبعا سيارة عبدو و امه وعماتها الزوز معاها ورا سيارة العروس عاد باش يطمنو
سارة قلبها بيطلع من مكانه ومتحشمة
سليم شد يدها : حبيبي بكوشتي اعلاش ساكتة هادي احلى ليلة راهو نبيك طول الليل تضحكي وجوك فوق الريح
سارة : منعرفش متحشمة ومتوترة ومختلطة مشاعري وفرحانه وكله
سليم : محلاها الخجولة ياربي تهبلي
سارة : حبيبييييي
سليم ايدير في فليتشات السيارة ويكلكس عاااااوديها
سارة :يامهبول نقص السرعة
سليم : اما نقص تي والله كان عندي طيارة ره طرت بيك توا هي
سارة : للدرجة هادي تحبني
سليم : واكثر والله مش عارف شن درتي فيا خليتيني انحب الدنيا اكثر من الاول
وصلو للحوش نزل سليم فتح الباب لسارة واشر لعبدو ع اساس خلاص كان بتروحو وضحته فمه قريب يتمزق .. نزل سارة بالشوية وشدها من ايدها وخشت لحوشها طبعا فيلا مش حوش الصور كله معشب وشجر ومن اول الباب الرئيسي وهو ورد طبيعي لين خشو لباب الحوش فتحه وقاللها سمي وخشي طبعا ولا في الخيال التنسيق والترتيب وحتى طاولة الاكل معبية بجميع انواع الماكلة والورد منثور في كل مكان والإضاءة مخفية شدها من يديها الزوز وبدي يبوس فيهم ويشم في ريحتها ..
سليم : ياربي محلاها الحياة اللي معاك
سارة : انحبك
سليم صفق بيديه يلا هي مافيش قدامنا وقت الناس يستنو يلا ههههه
سارة : بجديات ؟؟
سليم : هههههه ماتبيش من يبصر امالا ؟؟
سارة : خلعتني نحساب عاداتكم صح هكي
سليم يشبح لعيونها الزوز طالعة قمر تبارك الرحمن وبدي يبوس فيها
سارة : حبيبي خلي شوية انغير قبل
سليم : متحشمة مني
سارة : حبيبييييي
سليم اوكي ع راحتك اهو نستنى فيك برا باسها وطلع
سارة سكرت الباب وبعدها تفكرت السريتة مسكرة
قعدت تنادي فيه فتحت الباب : حبيبي ترا شوية لوسمحت ..
سليم : اهو جيت طيااااارة .. ها غيرتي رايك ؟؟
سارة : هههه لا غير السريتة مانقدرهاش
سليم : حاضر هي فتح السريته وبدي يبوس فيها محلاك يا عمري تهبلي
سارة : خلاص اطلع وقعدت شادة الفيلو من تالي
سليم : ههه اوكي اهو نستنى برا
أنت تقرأ
حنايا الخاطر(ليبية_منقولة)
Action- ردبالك حلاوة الكلام ، تنسيك انه هدا مُجرد كلام💆🏻♀️🦦. ﮼حنايا،الخاطر👀💋. للكاتبة: ﮼مࢪيم،الشيخ👀💋. ؏ـشࢪوטּ حلقة👀💋. ﮼قراءة،جميلةة👀💋.
