حنايا الخاطر(ليبية_منقولة)

الحلقة 19 ماقبل الأخيࢪة

🌸حنايا الخاطر 🌸

للكاتبة/🌸مريم الشيخ🌸

الحلقه التاسعة عشر ...

عبدو : خيرك سارة شن في متعاركه مع منير والا   شن  ؟؟

سارة تبكي ورفعت راسها : ياريتني مشيت مع بوي وامي ومتت معاهم ياريتني ميته ياريتني ماعشت هالحياة الغبرة ..

عبدو : تي غير شن في قولي اول مرة نشوفك مضايقة هكي وتبكي
سارة : شي ياعبدو شي ..

عبدو :مشكلة اني مانقدرش ندخل بينك وبينه خوي  واكبر مني تي  لو واحد غيره ندفنه في مكانه .. قوليلي باه خيركم توا مروحين من السفر وجوكم مليح ..

سارة تمسح في دموعها : شي اوخيي ماادورش متعوده عالهم .. قولي شن الموضوع اللي تبيني فيه

عبدو : فوتيه خلاص مش مهم هو .. خشي اغسلي وجهك وتعودي من الشيطان منير من يوم يومه عصبي راه ماادوريشي ..

سارة : باهي خلاص امالا غدوة تو نهدرزو وتزيد تمسح في دموعها ناضت ورجلها تعكز ..
عبدو وجعاته سارة وقعد يتمتم خيره هذا من عقله ايزعل سارة ونزل ..

فتحت الباب وخشت وهو مقعمز فالصاله وحاط الارقيله بحداه لما شافها ناض جاها

منير : خيرها رجلك ؟؟

شبحتله شبحه استحقار وعيونها معبيات دموع مابتش اترد عليه وفي خاطرها بعد هالوقاحه ماشفتش ولا كأنه ويسال ..

منير : انكلم فيك خيرها رجلك
سارة تعكز لين وصلت لدارها وسكرتها عليها ..

منير يحرك في لحيته وحس روحه سخيف كيف ايشك في خوه اقرب الناس ليه وعيونه قعدو يلمعو ياناري مش منه الخيانة صعبببببببة اتخليك اتشك في روحك ..

سارة قعمزت عالسرير وحاطه ايديها ع وجهها وتبكي وتتوجع من رجلها ..
 
ومنير برا يبي يطقطق عليها ومايبيهاش تهزبه
قرب من الباب يسمع فيها تبكي وتتنهد حسها ..
طقطق عالباب وينادي : ساارة افتحي الباب شوية ..

سارة : بالله خليني في حالي وانحدفت عالسرير
منير : غير افتحي نبيك شوية ..

سارة ماردتش عليه مشي قعمز عالصالون اضايق  خدي تلفونه واتصل بصاحبه أيوب ..

ايوب : شن باه اللي تفكرتنا يا عريس الغفلة ههه
منير : غير ضم فمك توة وين انت
ايوب : قاعد فالحوش
منير ياخد في مفاتيحه ودخانه  : باه اهو جايك
ايوب : تامه نستنى فيك هي

لوطا في حوش مفتاح عبدو ايناقش في امه
غالية : اهو بيجو يخطبوها
عبدو : تي ع جثتي تاخده هذا
غاليه : فكنا من المشاكل البنت صح غلطت لما كلماته  واهو جاي بيخطبها
عبدو : تي باهي يما تمام اني والا هو لما نموت ياخدها بااااهي
غاليه : بوك موافق ماعندكش كلام معاه

منير نازل يسمع فيهم يتكلمو ساعه 1
منير : خيركم شن في ؟؟

عبدو : ياودي اختك جاي واحد يخطب فيها واني مانبيشي ..