بنات ماتتنسوش الشييييييير. ❤
🌸حنايا الخاطر 🌸
للكاتبة / 🌸مريم الشيخ 🌸
الحلقة الثالثة ..
خشت عمتك سارة للمربوعه وقريب طاحت لما شافاته
راجل طول بعرض قمحي ومداير لحية خفيفة و عيونه كحل وشعره ناعم ومرتب ولابس جيبوطي جلد قهوي وسروال جينز
وهو شافها تحشم من بوها قعد يشبح من تحت لتحت وخلاص
سارة : السلام عليكم
سليم : وعليكم السلام
مفتاح خشي يابنتي قعمزي اهني ويأشرلها بما معناه بعيد
خشت سارة وقعمزت وخش وراها عبدو
عبدو : السسسلام عليكم
سليم : وعليكم السلام
عبدو سلم ع سليم وقعمز
اسراء في داخلها فرحانه ان عبدو جي متحشمه من بوها بتموت
مفتاح ناض هي نستأذنكم
عبدو : شن حالك
سليم : الحمدلله
عبدو : هادي سارة بنت عمي لا شن بنت عمي اختي نعتبر فيها متربيين في حوش واحد
سليم : بالجودة بيكم ويشبح لسارة عجبه شكلها وحشمتها
وهيا ساكته وخلاص
سليم : انا ليا اربعه سنين متخرج من كلية الهندسة وتوا طالعتلي بعتة لكندا وان شاءالله الفترة الجاية السفر
عبدو : نفهم من كلامك ان بدير عرس وع طول بتسافر
سليم : ايوه هذا الي نقصده
سارة تحشمت : باهي امالا نستأذنكم اني وهيا في داخلها حلييييييلي وخلاص
طلعت سارة وخشت لداخل اتعيط وووك يا ندى حي عليا طرف اسمعي بخي بخي عليا اميه
ندى : حيوانه نبي انشوفه
سارة ناضت من مكانها شنوووو لالالا نخاف تضربيه بعين
ندى : نهار احرف لهدرجه هكي
سارة : تي يجنن
خشت غالية : وين النسكافيه فيسع وتعالي سارة للنساوين شن قعمزتي اهني وخيرك وجهك مولي احمر
ندى : عجبها الراجل يام هههههههه
غالية : ههههه ربي يكمل بالخير حتى امه تهبل ماشاءالله عليها وتسال عليك توا
سارة : عميمة اهو جاية هي
خشت غالية وندى رافعه النسكافيه
مونيا جت لسارة من وراء : هههههههههه صار عجبك
سارة : وانتي من وصلك الخبر وك عليا زي الجزيرة ندى شورها
مونيا : واضح واضح ههههههه
سارة : اسمعي شعري مساوي ؟.
مونيا : دمعت مساوي اي
سارة اضبطت اختها خيرك موني اني راهو قاعدة ما وافقتش
مونيا : تمنيت ماما وبابا جنبنا توا ونستقبلو الناس في حوشنا
سارة قلبها واجعها وماتبيش تزيد اختها .. خلاص موني عاد حتى انتي قريب نفرحو بيك
مونيا تمسح في دموعها هي اطلعي قريب يروحو يهبلو الناس
سارة : هي اهو بنطلع ساوت روحها وزادت عطر وطلعت
فاطمه : كنتنا شنو ماتبيناش والا شن
سارة تحشمت : لا اعلاش
نبيله : سارة تهبل عسل ياريت البنات كلهم زيها
الحاجة : والله سارة تنحط عالجرح تبرا هادي بنيتي اللي تعاني فيا ربي يحفظها مش نشكر فيها لانها بنت ولدي لالا والله زي لبيخ الحنه فالكف ماشاءالله عليها ..
فاطمه : ربي يحفظها يا حاجة
وسارة بتموت من الحشم ..
فاطمه : الحق يا غالية ويا حاجة الهادية الولد يبي يتزوج قبل مايسافر وعنده حتى حوش اهني والعرس كان سخر ربي نبوه بعد شهر ونص غير مستعجلين
سارة حست ان الوقت شوية ما يساعدهاش قعدت تشبح لغالية
غالية : مش شوية يا وخيتي شهر ونص
فاطمه : واعلاش شوية كان كل شي واتي حتى ذهبها مشري وبدله كبيرة وصغيرة مش ضروري توا مادام بتسافر طول وكان تبيهم نشريهولها عادي
سارة : عندي مشروعي اندير فيه
نبيله : مازال اسبوعين وتكمليه المشروع تلحقي
غالية : ضغط عليها
فاطمه : اني البنت عجبتني و انتم شاورو رواحكم وردو علينا
غالية : يصير خير ان شاءالله
أنت تقرأ
حنايا الخاطر(ليبية_منقولة)
Acción- ردبالك حلاوة الكلام ، تنسيك انه هدا مُجرد كلام💆🏻♀️🦦. ﮼حنايا،الخاطر👀💋. للكاتبة: ﮼مࢪيم،الشيخ👀💋. ؏ـشࢪوטּ حلقة👀💋. ﮼قراءة،جميلةة👀💋.
