🌸حنايا الخاطر 🌸
للكاتبة /🌸مريم الشيخ🌸
الحلقة الاخيرة ❤
ندى اتصلت بيها صاحبتها معها فالمصحه
ندى : ايوه فوزية
فوزية : ندى وصلت سارة
ندى : وين وصلت هيا ماليهاش هلبا ماشية للمصحة
فوزية : تي جي خوك اللي مرة جاك اهني مسكينه قعد ايكر فيها للسيارة ويضرب فيها ...
ندى مريضه كانت راقده ند ناضت وقفت مخلوعه ..
ندى : شن تقولي فوزيه جديات تدوي انتي متأكده من الكلام
ويتصل بيها الدكتور احمد
فوزيه : والله العظيم مافهمناش علاش كانت واقفه مع حاله ضربه وضربها وطلعها ايكر فيها
ندى: تي اني راهو مش مصدقه اللي تقولي فيه مقلب هذا مدايرتيه انتي وسارة ...
فوزية : قسما باللع ندى من امتى نكدب ندى تي امشي الحقي البنت راه بتموت بين ايديه هالمجنون هذا ..
سكرت ندى وردت ع دكتور قاعد انتظار
ندى صوتها يرعش واتحوس فالدار
ندى : ايوه دكتور
دكتور : شن ياندى سارة شن حالها ومن المعتوه هذا اللي جي رفعها قالو خوك حقا والا شن
دكتور : نحساب فوزيه اتبصر عليا قصدك بجديات اللي قالاته فوزيه
دكتور : تي بري الحقي البنت قريب ماتت بين ايديه هالمهبول هذا سامحيني ياندى خوك واحد متخلف ..
ندى : يادكتور بالك مخطوفه مش خوي ..
دكتور : تي خوك يعرفوه الممرضات .. بالله اجري الحقي كلمي بوك والا اي حد يشوفه
ندى : باهي دكتور بسلامه وسكرت قعدت تحوس في الدار مش عارفه شن ادير خدت التلفون قعدت تتصل ب منير مايردش
ندى : حي عليا نهار الاسود شن اندير ..واتحوس حايرة اتخبر بوها والا اتخبر من
طلعت ندى وهي تمشي في جناح النوم وطالعه تلاقت مع عبدو شبحلها شبحه اترعش قاعد ماايكلمش فيها ...
عبدو ح ايديه في جيوبه وجي طالع
ندى : عبدو
عبدو التفت : خيرك
ندى : غير تعال شويه بنكلمك مانبيش حد يسمعني
عبدو جاها : خيرك شن تبي فيسع مش فاضيلك ..
ندى : اتصلو بيا من المصحه صحباتي
عبدو : باهي شن علاقة امي اني
ندى : تي قالولي ان منير جي لقي سارة واقفه مع مريض والا شن مافهمتش المهم عطاه طريحه وشد سارة قعد ايجر فيها للسيارة وضربها ...
عبدو : شن تخرفي انتي
ندى حاطة يدها ع جبهتها : والله العظيم ..
عبدو خلاص ولعت فيه نار وطلع يجري قعد يربط فالاحداث في بعضها
ركب سيارته وقعد يجري ويتصل ب منير
وندى قعد اتحوس فالجنان
غاليه طلعت لقت وجهها مخطوف
غاليه : خيرك بسم الله
ندى : خيرني شي
غابيه : لالا اشبح خيركم اليوم منير طالع يجري وانتي وجهك متصفر وتحوسي شن في
ندى : مافي شي والله ... خيره منير طالع يجري
غاليه : وين نندري عليه وخدت قعدت تكنس
ندى : هاتي عنك تو نكنس اني .. ندى تبي اتفش غلها في شي لين تعرف شن صاير
غالية : باهي كملي خلي نمشي انحط الغدي عالنار .وخشت
وندى اتخمم شن صاير
-----------
منير يجري بسرعه غريبه ومافيش كلمه حقيرة ما قالها
وسارة جامدة في مكانها دمووووع
وتلفون منير ما سكتش بكل
منير وصل لشقته نزل فتح الباب ونزلها وجبدها من يدها
فتح الشقه وحدفها فالصاله وقعد يضرب فيها مافيش مكان الا ماضربها فيه
وهيا تبكي
منير : قوليلي بس قداش طلعتي معاه برا قداش مرة استغفلتيني قولي يلعن ....... يا. .. ...... وهي مصدومه ماتردش
لين دهش قعمز عالوطا وقعد يبكي زي المرا
منير : خيرني الزفت خيرني شن اللي دايره في عمري شن داير لين ايصيرلي هكي ...
سارة من كتر ماضربها ماعندهاش جهد انحدفت لوطا ..
منير تاني ركبيه وحاط ايديه ويبكي وهيا قدامه ...
أنت تقرأ
حنايا الخاطر(ليبية_منقولة)
Acción- ردبالك حلاوة الكلام ، تنسيك انه هدا مُجرد كلام💆🏻♀️🦦. ﮼حنايا،الخاطر👀💋. للكاتبة: ﮼مࢪيم،الشيخ👀💋. ؏ـشࢪوטּ حلقة👀💋. ﮼قراءة،جميلةة👀💋.
