صباااااح الورد عارفتكم خايفين اني ماانزلش توا كيف كملت ❤
🌸حنايا الخاطر 🌸
للكاتبة / 🌸مريم الشيخ 🌸
الحلقة السابعه عشر .....
وخر منير الكرسي متعه وتلخبط وجهه الوان الوان
منير: كيف حالك توا شن تحسي ان شاءالله احسن ..
سارة تشبحله وماردتش عليه مش قادرة اترد واصلا مش طايقاته بعد اللي دارهولها ...
منير حس روحه انهزب وقعد ايتمتم في خاطره ريت بالله كيف خليت روحك مهزله فتح الباب وطلع وخدي دخان وبدي يدخن معليشي اعذرها راهو اللي صارلها مش شويه ويزيد يكلم في روحه ع اساس الي صارلي اني شويه ....
وساره تكلم في روحها : ههه ماهو هاماته اني حتشوف معامله من اهني وغادي كله الا كرامتي...
طلع منير قدام المصحه وشاف عبدو جابله شن يبي وجاب عصائر وبشاكيط وشكاليط ل سارة
عبدو : شن منير خشيت ل سارة ؟
منير : اي كنت بحداها توا
عبدو : باهي شن حالها بالله
منير : كويسة غير ماتدويش قاعده
عبدو : باهي شد عني قهوتك وقهوتي ودخانك خلي نرفعلها اني بالك تشرب عصير
منير حاط يده ع لحيته باهي برا لكن مظنش تشرب شي
مشي عبدو ومنير قعمز شويه برا كمل دخانه وخش من جديد
عبدو : اوووو ماشاءالله اهو حالك باهي غير تدلعي تي ع من بنبصر اني يا قريده
سارة : الحمد لله يا عبدو غير لساني رزين قاعد
عبدو : تي باهي اللي جت في لسانك مش في قلبك
سارة تضحك بالسيف مش قادرة
ومنير قدام الغرفه يسمع فيها تتكلم
منير يكلم في روحه وحاط يديه في بعض اهو تتكلمي ماشاءالله
عبدو : اهو جبتلك عصير اشربي منه حتى شويه
سارة خدت منه وشربت ع خاطر عبدو ع خشة منير .. عطت سارة العصير لعبدو قالتله خلاص معاش نبي وتساوي في وشاحها ..
منير ساكات وحاط رجل ع رجل
في حوش مفتاح
غالية : مش عارفه كيف يخلو المكيف فوق من روسهم ماايحسوش والا كيف
مفتاح يضحك ياودي العرسان ديما دوش وتحت المكيف المهم رايقين الباقي تو تصح سارة بردة وتمشي
غاليه : ياروحي ع مونيا قريب هبلت بنيتي
مفتاح : مش اوخيتها من عندهم هما في هالدنيا غير بعضهم اوكان خوالهم باهيين راهو زادو عوضوهم عن امهم شوي
غالية : البركه فيك يا حاج ان شاءالله ربي يخليك فوق راسهم
فالمستشفى مقعمز منير بعيد وعبدو هو القريب من سارة
منير وقف وحط يده في جيبه : حلاص يا عبدو روح انت وكاناستحقيت شي تو انكلمك
سارة ولا كأنه حد في الغرفه خلاص مضايقه وماتبيش حتى تشبحله
عبدو خدي مفاتيحه ودخانه وناض : باهي سرو كان تبي شي كلميني
سارة تساوي في روحها بتقعمز
عبدو تي تريحي بلا جو ويضحك بديري فيها بطلة
ومنير يتفرج
سارة ابتسمت : صحيت اوخيي ان شاءالله مانفقدك
وتلفونها ايشرين
أنت تقرأ
حنايا الخاطر(ليبية_منقولة)
Action- ردبالك حلاوة الكلام ، تنسيك انه هدا مُجرد كلام💆🏻♀️🦦. ﮼حنايا،الخاطر👀💋. للكاتبة: ﮼مࢪيم،الشيخ👀💋. ؏ـشࢪوטּ حلقة👀💋. ﮼قراءة،جميلةة👀💋.
