🌸حنايا الخاطر 🌸
للكاتبة : 🌸 مريم الشيخ 🌸
الحلقة : العاشرة ..
خش منير لقاها تدوي بالتلفون ..
منير : شن حبيبي ساعه تتكلمي طلعت وجبت حاجات ناقصاتني وانتي مازال تدوي
منال : اوكي موني غدوة انشوفك لاني اليوم مروحه يلا باي وسكرت التلفون
منير جاها ولفها بيديه حضنها خلاص كملتي
منال : حبيبي هادي صاحبتي ومستاحشتها
منير : واني من مستاحشني اني مسكين راهو وبدي يبوس فيها
منال : انحبك حبيبي
منير : واني نموت فالارض اللي تمشي عليها وناض صفق ايديه خركته المعتادة : يلا حبيبي ديري دورة عالغرفه بالك ناسيين شي ويلا للطيارة عدل ..
منال : اني طوووووول لحوش اماليا
منير : لالا يا للا اماليا قبل لين تشوفي شيبانيم وعزايزك الزوز
منال : وبنات عمك ولاه
منير : حط يده ع جبهته به علاش النكد توا ضروري تنكدي ع جدي
منال خافت مش قصدي حبيبي
منير : ماتخلينيش نندم اللي حكيتلك ع موضوع خطبة ما خطبه
منال تحضن وتدلع وتتمايع حبيبي خلاص عاد انبصر اخر مرة
منير طبعا ما يقدرش لما تدلع خلاص يدوب : اوكي خلي انزل الشناطي والحقيني
منال باساته ع شفايفه : حااااااضر
ونزل منير حط الشنط فالسيارة وع طوووول للمطار
غالية : تي نوضي انتي وياها خوك ومرته قريب يوصلو ساد من الضحك خلي انوتولهم عشي سمح
هداية : يااا ماما مفروض هما يعزمونا مش احني
غاليه : وعلاش ياحنه يعزموكم هما العرسان وبعدين هادي مش عزومه هادي تكبيرة بولدي ومرته
هند : تو تشوفيها يام هادي تقطرلك الثوم في عيونك
غاليه شاده الفلفل وتقرض : وانتي مالك ومالنا انقطعو حتى بعضنا ع قلبي كيف العسل يا سوسة انتي وياها
سارة تضحك : فوتيهم يا عمتي تو نشوفهم مع عزايزهم بعدين
مونيا تلفونها شرين طلعت قعدت تكلم في عامر
ندى : سرو حسيت الدكتور يلمح انه يخدمنا معاه فالعيادة ولاه
سارة : حتى اني هكي شامه
ندى : هو طيب صح فالجماال عادي جدا لكن جنتل ومعاملته حلوة
سارة : تو تسمعك نبيله تنقز عليك ههههههه
ندى : تي فوتيها نبيله ماعندهاش طارقه كل يوم حاطة عينها ع واحد
غالية اتخبط : انوض انادي فايزة تعاوني خير
ندى توشوش في سارة : امي ع اساس تحرق فينا ب فايزة
ندى : بالله يام قوليلها تجيب معاها توته تانية باش تغسل الماعين بالمرة ههههه
غالية : الحق فيا اني دروحني جايبة بنوت حتى سارة اللي قبل باهية علمتنها التتنبيل
سارة ناضت تضبط في عمتها والله اليوم لما انديرلك المحمر والمشمر هي شن تبي هي
ندى : يا ودي حتى اني اهو جايه
الحاجة كملت صلاتها وتسمع في غاليه تسحن
الحاجة : والله غير يجي بوكم لما نخبره يا بايرات بدل ما يفرحو بخوهم ومرته
هند : فكينا عاد احنينه تبي بوي يشنقنا امالا
الحاجة : امالا نوضي نوضي ضمي وديري مع خواتك وامك يا عزري وتضرب فيها بعكوزها
أنت تقرأ
حنايا الخاطر(ليبية_منقولة)
Action- ردبالك حلاوة الكلام ، تنسيك انه هدا مُجرد كلام💆🏻♀️🦦. ﮼حنايا،الخاطر👀💋. للكاتبة: ﮼مࢪيم،الشيخ👀💋. ؏ـشࢪوטּ حلقة👀💋. ﮼قراءة،جميلةة👀💋.
