🌸حنايا الخاطر🌸
للكاتبة/🌸مريم الشيخ🌸
الحلقة السادسة عشر ....
منال مقعمزة في دارها وخاشة ع ايميل منير شبه يوميا اتخش تشوف في اخباره ..فتحت صفحته وتشوف اصحابه اللي هذا منزله تهنئة بزواجه الخبر نزل عليها زي الصاعقة قريب ماتت حطت يدها ع قلبها وانخنقت قعدت تبكي بالصوت لين جتها امها
في حوش مفتاح غالية ادير فالغدي وندى تحوس معاها فالمطبخ
ندى : غريبة سارة مانزلتش لا اتصلت
غالية : بالك قاعدة راقدة
ندى : لالا مش عادتها ترقد لتوا بنتصل بيها
غالية : ماتتصليش خلي البنت تاخد راحتها قولي مش قادرة تقعدي من غيرها بس هههههه
ندى : اي الحق كنا ديما مع بعض انحس فالحوش فاضي به االلي تزوجت منير
عبدو : ترا وتيلي فطوري
غالية : توا وقت فطور هوا
عبدو : اني هذا وقت فطوري هيا نستنى فيه فاالصاله
منير فاق حاس ضهره بيتكسر من االنوم ع االكنبة فاق يحك في عيونه ويشبح للساعة لقاها 2 ومافيش حس فالحوش
منير يكلم في روحه : هادي اكيد نزلت لوطا
خش للحمام غسل وجهه وتوضا بيصلي الضهر طلع مشي لدار النوم لاقى سارة ملوحه عالسرير بروب الحمام شبحلها وفي خاطره هادي زعما من امبارح راقده والا دوشت ورقدت اليوم .. وطبعا مش قادر يشبحلها كويس لان تقريبا جسمها كله باين .. قربع الدولاب و جي بيطلع من الباب وهيا ولا كأن طلع صلى الظهر ورجع بياخد حوايجه وهي نفس الحالة ..
قرب منها وجها مولي اصفر مايبيش يمسها
منير : سارة سارة نكلم فيك راهو ركب عالسرير ورفع راسه ويخبط في خدودها وهيا ولا كأن حط يده ع راسه وناض للدولاب متعها قعد يدور في حاجة مستورة لقي عباية خداها قعد يلبسلها فيها ومايبيش يشوف شي من جسمها وطلع للبلكونه ينادي في امه
غالية فالكوجينة تسمع في صوت منير طلعت مخلوعه هيا وندى وعبدو والحاجة
منير :عبدو اجري ولع سيارتك طير
غاليه : شن في يا منير خيرك وتجري ترقى هيا وندى
طلع منير رافع سارة بين ايديه
وغالية وندى بدو يعيطو
والحاجة تشوف في بنت ولدها اللي مربيتها لا حس لا مس بدت تعيط وتمشي بعكوزها ياناري ورا منير
خشت غاليه حطت عبايتها وطلعت لحقت ركبت وندى قعدت فالحوش تبكي هي وحناها
الحاجة : حليلي خيرها سويرة شن جاها ياناري عليك يا بنيتي عوينه
ندى تبكي : والله عرفتها من لما ماطلعتش الصبح عرفت ان فيها شي ياريتني رقيت
مع خشت عمك مفتاح
مفتاح : السلام عليكم خيركم تبكو شن في
ناضت ندى لبوها : توا رفعو سارة للمستشفى
مفتاح : يا ساتر خيرها شن في
ندى : والله مانعرف يا بوي هي خلي نمشولها فيسع مانبيش نستنى تلفون منهم
مفتاح : لالا انتي اقعدي مع حناك ماتخليهاش بروحها
الحاجة : خلها تمشي اني كان فيا رجلين ره مشيت حتى اني ع رجليا مش يابال فالسيارة اهو هداية قريب تخش
مفتاح تفلوش وجعاته سارة : باهي سقدي روحك اهو نستنى فيك فاالسيارة وتلقي فلوس فالقجر متع الدار جيبيهم
ندى خشت لبست سروال وبلوزة ولفت وشاح وطلعت
أنت تقرأ
حنايا الخاطر(ليبية_منقولة)
Action- ردبالك حلاوة الكلام ، تنسيك انه هدا مُجرد كلام💆🏻♀️🦦. ﮼حنايا،الخاطر👀💋. للكاتبة: ﮼مࢪيم،الشيخ👀💋. ؏ـشࢪوטּ حلقة👀💋. ﮼قراءة،جميلةة👀💋.
