🌸حنايا الخاطر 🌸
للكاتبة /🌸مريم الشيخ 🌸
الحلقة الثامنة عشر ....
ندى اتكلم في نبيلة تبيها اديرلها حل وقريب تنجن من الخوف ..
ندى : نبيلة اني والله الضرب والهزايب ماني خايفه منهم مع اني كبيرة مش صغيرة عالهزايب ..
نبيلة : امالا شن مخوفك ؟؟
ندى :مانبيش بوي يسمع مانبيش نظرته فيا تتغير بوي راهو تعرفي انتي كيف ايشوف فيا ..
نبيلة : لا لا ماظنيتش عبدو يقول ل عمي مفتاح مستحيله .. بعدين مش باسم قالك بنجيب امي ..
ندى : تي امه مااتجي الا بعد مايطربقها فوق راسي عبدو ...
نبيله : اسمعي سكري سكري خالتي تتصل بيا اكيده على موضوع
ندى : تي ردي يا حصله هي باي
----------------------------------
سارة توخر وهو ايقدم لين جبدها ليه وجهه في وجها
منير : خايفة ؟؟؟؟
سارة ساكته
منير حط يده خصرها : خايفه يا بنت ؟؟
سارة ساكته ولا كلمه وترعش
زاد جبدها ليه وبدي يبوس فيها وحضنها وقامها بين ايديه فوق وحطها عالسرير
------------------------
ندى :اي به شن بنقول ل ماما كلميها انتي والا هيا تتصل بيها
نبيله : تو نتصل بيها اني ..
ندى : كلمييييها توااا مادامها بحدى بابا حتى عالاقل انلحق نطلع عااالسريع ناخد حاجات ناقصاتني
نبيله : باهي صكري واني ديما حاصله فيك
ندى : خزي حيوانه
نبيله : باي
------------
عبدو فالخدمه مع صحابه يدخن ومش طايق شي وتلفون ندى مسكر بالباس
خالد صاحبه يشبح فيه خلوقه في شيشة جي يالاه
وقعمز بحداه.
خالد : تي خيرك يا دوله من بكري حايس في روحك ومتغشش مغششاتك الكبيده امالا هههه
عبدو : لا كبيده لا رية تربح يا خالد والله جايتني صفار
خالد : لاباس شن في احكي لخوك
عبدو : ياودي والله مافي حاجة هكي واحد ماعنده خلوق لشي ...
خالد : تمام ماشي وناض ..
عبدو : ماتزعلش يا صاحبي راهو والله مدردرة عندي
خالد : ماادور شي
عبدو وقف ومشي بعيد اتصل ب امه قاللها اعطيني ندى
مشت غاليه ياناري لندى وعطتها التلفون
ندى : ايوه
عبدو : قوليلي الباس شنهوا
ندى : خليني انقولك الموضوع بس نفهمك
عبدو : لااتفهميني لا انفهمك قلتلك هاتي الباس وحسابك معاي انكمل التوكه بس هاتي النم شنهوا فيسع خير ماانروح ل ......
ندى ترعش : 311983
عبدو صكر وخدي تلفونها ويحط فالباس وركز ع 1983
عبدو زادت ولعتله ويكلم في روحه تي باهي مدايرة حتى ميلاده شكله تي انوري ...... امه الحيوان اهوا
خالد يسمع فيه جاه
خالد : تي خيرك يا راجل كان في مشكله قولي والله تلقاني قدامك ..
عبدو : بالله عليك فووووتني يا خالد قصدي النم الواحد مايقعدش بروحه
أنت تقرأ
حنايا الخاطر(ليبية_منقولة)
Ação- ردبالك حلاوة الكلام ، تنسيك انه هدا مُجرد كلام💆🏻♀️🦦. ﮼حنايا،الخاطر👀💋. للكاتبة: ﮼مࢪيم،الشيخ👀💋. ؏ـشࢪوטּ حلقة👀💋. ﮼قراءة،جميلةة👀💋.
