🌸حنايا الخاطر 🌸
للكاتبة / 🌸مريم الشيخ 🌸
الحلقة الحادية عشر
خشت سارة وفي خاطرها خيرها المهبوله والله الا صدقت فيها هند وانخبطت في ندى
ندى : وين سارحه هههههههه
سارة : سارحه في مرت خوك الهبله بالله خيرها
ندى : خيرها بكري تشكري فيها..
سارة قعمزت ع كرسي المطبخ :مانعرفش تعرفي قعمزت برا نفس مكاني اللي ديما انقعمز فيه دورة طلع منير جري متكنطي حتى قلتله خيرك ماردش بعدها عمتك منال شبحتلي من البلكونه قالتلي خيرك مقعمزه اهني الخواء موجود في كل مكان ..
ندى : هههههههههه ماهو هادي بلكونة دار النوم تحسابك مقعمزة تسمعي فيهم هههههه متروشقه شفتيها بكري وهي بريطانيا وبريطانيا تقول ماحد سافر غيرها
سارة : النبي فكينا منها .. زعما نمشو غدوة والا نفوتو ..
ندى : نمشو خير بالك نحصلو خدمه اني الحق عجبني جوه التمريض ..
سارة : ههههههههههه صار عجبك تو نخبر باسم
ندى : ع سيرة باسم قالي علاش سارة لتوا ماخدتش حقها
سارة : شن بيهرب سيورني ناخده
ندى : لكن تاخديه توا خيرلك ماتندريش عالدنيا شن يصير فيها
سارة : ايصير خير
منال تخمم في علي ماتحساباش يقرب لمنير
علي راقد في داره : وفي خاطره حي العار وين ماشي يا منير وين اياه اياه تي الزح مش قادر نتخايل بكل
منال في دارها مش هامها منير ان زعلان .. خايفه من علي شن بيدير وشن بيتصرف
علي خدي التلفون اتصل بصاحبه
طارق : ايوه عليوه شن الاخبار يا برو عاش من سمع صوتك
قعمز علي : الله يسلمك يا غالي والله مشاغل
طارق : باهي شن اخبارك وشن احوالك
علي : تمام ماشيه انت شن اخبارك
طارق : اندفو اهو .. شن مافيش سفرة انسافروها مع بعض
علي : لا الايام الجاية انكلمك
طارق : تمام ماتفوتنيش .. شن جو الجماعه
علي : تمام يا صاحبي .. اسمع بنسالك
طارق : اسال شن في
علي : مش كانت عندك صاحبتك اسمها منال بالله شن صار فيها
طارق : قاعده غير اتزوجت لكن ماتقدرش ع فراقي حتى في شهر العسل كلمتني ههههههههههه صاحبك نقطة ضعف يا غالي
علي : اوكي تم يابرو تو نكلمك اليومين الجايات
طارق : قولي شن خطرها عليك
علي : شي هدرزة وخلاص
طارق : اوكي خلاص دورني
علي : سلام وسكر .. وبدي يخمم ويولع في دخان ورا التاني وفي خاطره شن نقوله والا كيف نتصرف يا ودي واااااعرة عليه وهلبه واعره ..
منال كيف بتتصل بعمك طارق وخش منير ارتبكت وناضت تحضن فيه وتتأسف
منير ينحي فيها غير خليني نخش نتمرقد فوتيني بالله عليك
منال : سامحني حبيبي مش قصدي
منير التفتلها ديما مش قصدي مش قصدي ماتخلينيش نستخدم معاك اسلوب تاني
منال : اوكي حبيبي خلاص عاد وتبوس فيه
منير : شدها من يديها الزوز حبيبتي حطي فبالك اني وقت انحب معناها انحب ومعاش نشبح لحد واني حبيتك انتي . سارة لو نبيها كانت قدامي وانعرضلي الموضوع ولاني انحبك رفضت والله والله يا بنت الناس ماعندي في بالي غيرك
منال حضناته عارفاتك حبيبي
وباسها ورقدو ليله بالنسبه ليه زي العسل
أنت تقرأ
حنايا الخاطر(ليبية_منقولة)
Acción- ردبالك حلاوة الكلام ، تنسيك انه هدا مُجرد كلام💆🏻♀️🦦. ﮼حنايا،الخاطر👀💋. للكاتبة: ﮼مࢪيم،الشيخ👀💋. ؏ـشࢪوטּ حلقة👀💋. ﮼قراءة،جميلةة👀💋.
