بنات ماتنسوش اديرو شييييييير في كل القروبات الا نزعل منكم 💔
🌸حنايا الخاطر 🌸
للكاتبة / مريم الشيخ
الحلقة الثانية ....
خشت غالية لقت بنتها ووجها معبي دمايات ولقت سلاح جنبها وقعدت تعيط ع طول حسها وتحرك فيها جو خواتها الزوز يجرو هند و هداية وجت سارة تجري تسمع فالعياط وجي خوها عبدالله مخلوع يسمع فالعياط من برا وزاد العياط لما خشو البنات والحاجة في سابع حلم اتنخط عارفين العزايز لما يرقدو
غالية : عبدوووو تعالى شوف اختك مضروبة بسلاح و وك اعليا بنيتي ماتت خش عبدو يشبح لاخته لقاها حق وجهها دم والسلاح جنبها قعد ايدف في خواته تي نحي انتي وياها يمسح في وجهها من الدم لقاها مخبوطه خبط مش رصاص
غالية اتعيط : تي شن تتفرج نوض بنتي ماتت وتخبط فيه ع وجهه والبنات يعيطو
عبدو : سكري فمك انتي وياها ولبسيها عباية والا نم .. يما هدي روحك مش مضروبة برصاص شكله طايح عليها من فوق الدولاب
غالية : يا همي فوق دولاب والا اللي هو نوض فيسع اختك غارقه بدمها ياروحي ع بنيتي عوينه ناضت تلبس في عبايتها
عبدو : اسمعي سارة كلمي بوي يلحقني في المستشفى وين نندري شن ايصير
سارة: تبكي ندى صاحبتها روح الروح وتعتبر اختها .. تو نكلمه حتى اني بنجي معاكم ما نقدرش انخلي ندى
وقامها خوها حطها فالسيارة وقعمزت سارة بحداها من تالي و امها من قدام لان من تالي مرقدينها ع طولها وقعد يجري الولد وامه تشلى ع بنتها
سارة تبكي : عميمه خلاص ماتفاوليش خيرك هكي
غالية : يا بنييييتي شن ندير امالا اتصلي ببوك اتصلي
سارة خدت تلفون وقعدت تتصل بعمها بحكم ان هو رباها ومكبد عليهم زي بنياته قاللهم ناودني بابا زي بناتي
سارة : الو بوي كيف حالك وتبكي
مفتاح : كويس بنيتي خيرك تبكي
سارة : ماتنخلعش غير ندى طاح عليها الكلاشن من فوق الدولاب وجي ع راسها وغايبة عن الوعي توا رافعينها للمستشفى
مفتاح : وين طاح عليها وكيف ومن حاطه السلاح فوق الدولاب تو انوريه عبدو الكلب هاتي هاتي
سارة : يا بوي توا مش وقته عبدو يسوق احني قريبين من الطبي توا
مفتاح : اهو جاي وسكر وهو طايرتله من ولده و واجعاته بنته
مونيا : شن في يا بوي
مفتاح : ندى طايح عليها الكلاشن وشوره الضربة دوختها يستر الله ماصار لدماغها شي
مونيا : ياناري نديوة ما تستاهلش وقعدت تبكي
وصلو للمستشفى وجابو الباريله ع طول للطوارئ
الدكتور : خيرها المريضة
عبدو : طايح عليها سلاح يقول فيها ومش خايف وطلع بطاقته انه يتبع الردع
خش الدكتور لا حول ولا قوة الا بالله
وغالية ياناري رجليها يرعشو مش قادرة حتى توقف وسارة اتهدي فيها عميمه ياسرك بسيطة ان شاءالله اذكري الله
غالية : لا اله الا الله واستغفر الله
سارة تقرا في المعودات وتدعي وتستغفر
سارة متوسطة الطول ومش سمينة لا ضعيفه مربوعة قد يعني و قمحية مايلة للبيوضية اكثر من السمار وعيونها واسعات ملونات وشعرها طويل و كستنائي وفمها صغير وضحكتها في ميولية للجنب شوية محليتها
أنت تقرأ
حنايا الخاطر(ليبية_منقولة)
Action- ردبالك حلاوة الكلام ، تنسيك انه هدا مُجرد كلام💆🏻♀️🦦. ﮼حنايا،الخاطر👀💋. للكاتبة: ﮼مࢪيم،الشيخ👀💋. ؏ـشࢪوטּ حلقة👀💋. ﮼قراءة،جميلةة👀💋.
