သူငယ်ချင်းတွေနဲ့အတူ ရယ်မောရင်း ထွက်လာသည့်ကောင်လေးက သူ့ကားကိုမြင်တာနဲ့ လက်ဝှေ့ယမ်းပြရင်း သူငယ်ချင်းတွေကိုလည်း နှုတ်ဆက်နေတာတွေ့ရသည်။
ချာတိတ်က ဘာပြောလိုက်လို့လည်းမသိ၊ဟို၃ယောက်က ခြေထောက်တွေနဲ့ လိုက်ကန်ပြီး ချာတိတ်ကတော့ လျှာထုတ်ပြောင်ပြရင်း ကိုယ့်ကားဆီကို အပြေးလာနေတော့တာပင်။မနက်က ရုတ်တရက်မျက်နှာညှိုးကျသွားတဲ့ ချာတိတ်ကြောင့် သူစိတ်ပူနေခဲ့တာ၊အခု အရင်လိုတက်တက်ကြွကြွပြန်မြင်လိုက်ရတာမို့ တော်သေးသည်။
"ဦးခေတ် ရောက်နေတာကြာပြီလား"
တစ်ခါမှမကြားဖူးခဲ့တဲ့ အသုံးအနှုန်းမို့ မင်းခေတ်အံ့အားတသင့်နဲ့ကြည့်နေမိတာ ပြန်ဖြေဖို့ပင် အမေ့မေ့အလျော့လျော့။
Seatbeltပတ်နေတဲ့ချာတိတ်က လူကိုကြည့်လာရင်း မျက်နှာရှေ့ကို လက်ဖဝါးလှုပ်ရမ်းပြမှ သူသတိပြန်ကပ်မိတော့သည်။"ချာတိတ်က ကိုယ့်ကိုဦးခေတ်လို့ ခေါ်လိုက်တာပေါ့လေ ဟုတ်လား"
ပြုံးချိုစွာမေးလာသူက ကိုယ်ခေါ်လိုက်တာကို ဘယ်လောက်တောင်သဘောကျသွားလဲဆိုတာ အထူးတလည်ပင် တွေးစရာမလိုလိုက်။
ဦးလေးလို့ရွဲ့ခေါ်ရင်း နှုတ်ကျိုးသွားပေမဲ့ ကိုယ့်ရည်းစားကိုတော့ ချွဲချွဲနွဲ့နွဲ့လေးခေါ်ဖို့ သူ့မှာစိတ်ကူးရှိပါသေးသည်။
ဒီစိတ်ကူးကို လက်တွေ့အသုံးချလိုက်တာ ခုတော့မှန်သွားပြီထင်ပါရဲ့။ဦးလေးကြီးတစ်ယောက် ပြုံးဖြီးနေတာ ပါးစပ်ပင်မပိတ်နိုင်တော့။"ကိုယ့်ရည်းစားကို ခေါ်ချင်လို့ခေါ်တာ၊မခေါ်ရဘူးလား ပြော"
"အဟား ခေါ်လို့ရတာပေါ့ကွာ၊ရတာပေါ့
သဘောကျလွန်းလို့ ဟိုဘက်တောင်လွန်နေပြီ၊ပြန်ခေါ်ပါဦး ချာတိတ်ရဲ့ ကြားချင်သေးလို့""ဦးခေတ်"
"ခင်ဗျာ"
ရွှန်းရွန်းစားစားကြည်ရင်း ပြန်ထူးလာသူကြောင့် ရှိန်းတစ်ယောက် မျက်နှာတွေထူအမ်းလာသည်အထိ သဘောကျရင်ခုန်သွားရသည်။
ဒီလူကြီးကို ဘာကြောင့်များ နောက်ကျမှတွေ့ခဲ့ရတာလဲမသိတော့။
YOU ARE READING
ပင်လယ်ပျော်၏ချစ်ပုံပြင်(Completed)
RomanceA love story between the Seaman and teenage boy -ministory-