ပင်လယ်​ပျော်၏ချစ်ပုံပြင်(Completed)

Part6

"မင်းတို့နှစ်​ကောင်လုံး နွားအိုမြက်နုကြိုက်​တွေပဲကွ၊တကယ့် နုနုထွတ်ထွတ်​ လှလှပပ​လေး​တွေချည်း အရယူထားကြတာပဲ"

သူငယ်ချင်း၃​ယောက်ဆုံကြတုန်း မျိုး​ဇော်ရဲ့စကား​ကြောင့် တည်ကြည်နဲ့သူ ရယ်မိသွားရသည်။
အ​ကြောင်းစုံကို ဖုန်းက​နေတဆင့် အရိပ်အမြွက်ပဲ ပြောထားပြီး ဒီ​နေ့လူချင်း​တွေ့မှ​ ထပ်​ပြောပြတဲ့အခါ မျိုး​ဇော်က​တော့ အံဩတယ်ဘာညာ​ပြော​ပေမဲ့ တည်ကြည်က​တော့ မအံ့ဩဘူးဆိုတဲ့ မျက်နှာ​ပေးနဲ့ ခပ်ရွဲ့ရွဲ့ကြည့်သည်။

"တည်ကြည် မင်း ဒီ​ကောင်ကို တစ်ချက်​လောက်နားရင်းပိတ်အုပ်သင့်တယ်၊မင်းကို ​ယောက်ဖ​ခေါ်​နေပြီး ဟို​ကောင်​လေး​နောက်ပါသွားတာ"

"​ဒီ​ကောင် ငါ့ကိုသာ​ယောက်ဖ​ခေါ်​နေတာ၊ငါ့ညီမကို ကြိုက်ရ​ကောင်းမှန်း​တောင်မသိတာ ငါသိပြီးသား"

"ဟား...​အေး အဲဒါ​တော့ တကယ်ကွ၊ရည်မွန့်ကို ညီမ​လေးလိုပဲ ချစ်လို့ရတယ်၊
တခြားစိတ်​တော့ တကယ်ထားမရခဲ့ဘူး"

"ပြီး​တော့ မင်းကမသိလို့ မျိုး​ဇော်ရ၊ပြသနာ​တွေဖြစ်ကြ​တော့ ငါ​ စိတ်လိုက်မာန်ပါနဲ့ ဟို​ကောင်​လေးကို ထိုးမယ်လုပ်​တော့ ဒီ​ကောင် အသည်းအသန်ကို တားတာ၊ကာဆီးကာဆီးနဲ့
​နောက် ငါ့ကိုအမှန်တိုင်းသိ​အောင်လုပ်​ပေးမယ်ဆိုပြီး အဲ့​​ကောင်​လေး​နောက် တ​ကောက်​ကောက်လိုက်ရင်း သူကြိုက်သွား​တော့တာပဲ
ငါက​တောင် ဖူးစာ​ရေးနတ်ဖြစ်သွားလားမသိဘူး သူတို့ကြား"

"​ဟားဟား ဟုတ်တယ်၊မင်းက ချာတိတ်နဲ့ငါ့ကြား တကယ်ဖူးစာ​ရေးနတ်ပဲ၊
​မင်းထိုးမို့လုပ်တုန်းက တားတာက​တော့ မင်းနဲ့သူနဲ့က ဆင်နဲ့ဆိတ်​လောက်​လေ၊ဟိုက​လေးအင်္ကျီစကို ဆွဲဆုပ်ထားတာ ​ခြေ​ထောက်​တွေပါ ​မြောက်တက်​တော့မယ်
မြင်ရတာ ဘယ်လိုမှအင်အားချင်းမမျှလို့တားရတာ၊မင်းက မွှန်​နေ​တော့ ဘာမှမြင်တာမဟုတ်ဘူး"

"​မင်းတို့​ကောင်​တွေ​​နော် စံပဲ၊အသက်တွေ၃၀​ကျော်မှ ဆယ်နှစ်​ကျော်ငယ်တာ​လေး​တွေနဲ့ကြိုက်ပြီး ဖြစ်ပျက်​နေကြတာ"

"ငါတို့က ချစ်တတ်တာကွ၊ချစ်တတ်တာ
မင်းသာ ​ဆေးရုံမှာ​ပျော်ပြီး လူပျိုကြီးဖြစ်​တော့မှာ"