ياعين لا تبكين وعيونه تنام

P 6

• سبحان الله
< لايك بليز عشان تدعموني استمر🤍🤍 >
—————————————————————————

بسياره راكان📍
رهف تبكي ونوره تهديها وحتى ماتعرف ليه تبكي
وراكان معصب ويتصل على ابوه وعمه
-
وصلوا بيت ابوزيد
راكان : نوره اعطيها ملابس وخلوها ترتاح وما ابغى احد يزعجها ولا ابيكم تسألونها بشي
نوره استغربت : حاضر
رهف تعبانه ومصدعه ومو مركزه بكلام راكان بس تبغى تنام
دخلت نوره ومعها رهف وصار صمت بالبيت
ام زيد : من هذي؟
نوره : مدري يما راكان قال اعطيها ملابس وتنام
ساره : بيتنا بيت مشردين ولا وش؟
ام زيد عصبت : ساره!!
رهف بغصه : انتو ماتعرفوني ولا اعرفكم بس حالياً محتاجه وقفه ناس معي بموضوع اتمنى ينحل من سنينن انا مو مشرده ولا مسكينه انا يتيمه وجايه ادور ابوي واذا ضيقت عليكم ولا ازعجتكم عادي بشوف مكان انام فيه
نوره : لا يابنتي البيت بيتك وحياك
ام زيد حضنتها : ساره بنتي لا تهتمين لها ، ونوره اعطيها ملابسك وبتنام بغرفتك لان البنت تعبانه
رهف ابتسمت : يعطيك العافيه يا خاله وصدقوني مابتحسون بوجودي
واخذتها نوره غرفتها
-
افنان : ماتوقعتها تتكلم عربي
ساره : انصدمتت احسبها اجنبيه
رغد ضحكت
ام زيد :الي صار غلط ومن بكره الصباح تعتذرين لها
ساره : حاضر ماماتي
وكلهم ضحكوا
-
بمركز الشرطه📍
الضابط : والله يابوزيد الرجال مختفي من اربع اشهر وحاولنا نشوف اذا طلع برا المملكه والحمدلله ماطلع وهو حالياً بالمملكه
راكان : طيب ماعرفتوه وين بضبط؟
بو احمد : طيبب وينه
ابو زيد : يا راكان خفف توتر شوي
زيد : لا حول ولا قوه الا بالله يارب نلقاه
الضابط : حالياً كل المملكه دور عليه وبالكثير يومين ونلقاه
راكان : كثييرر يومين
ابو زيد : ماتهم المده اهم شي يلقونه سليم
احمد : راكان انت متى تهتم لعمي ناصر؟
راكان قرب منه : وش قصدك؟
زيد بعده عنه : استهدي بالله
راكان عصبب وطلع برا
وركب سيارته
-
بغرفه نوره📍
رهف : الله غرفتك كبيره؟
نوره ابتسمت : عجبتك؟
رهف : اييه مرااا
نوره : عادي سؤال؟
رهف : ايه تفضلي
نوره : وش اسمك؟
رهف : اسمي رهف
نوره : وانا نوره ، تشرفنا
رهف ابتسمت : و وش اسم الرجال الي معانا
نوره : وصلنا بسيارته؟؟
رهف : ايه هو
نوره : راكان
رهف ابتسمت
نوره : يلا عند اذنك بخليك ترتاحين
رهف : مشكوره نوره
نوره : العفو يارهف
رهف : عادي تجلسين معي؟
نوره : ليه
رهف : لاني خايفه
نوره : وه اكيدد عادي
وجلست نوره تنتطر رهف تنام وبدقايق نامت
-
بصاله بيت ابو زيد📍
نزلت نوره وكل العيون عليها ينتظرونها تفهمهم الموضوع
ساره : نوره فهمتي منها شي؟
نوره : لا بس واضح عليها التعب
ام زيد : وش فيكم عالبنت
افنان : ياخالتي وضعها غريب
راكان دخل البيت وهو معصب واكتشف انه رغد موجوده ورغد المسكينه على طول تغطت وافنان كانت متغطيه
ساره : وش فيك تعرف عندنا حريم ليه ما استأذنت قبل ماتدخل
راكان صرخ : يا ساره ابعدي عني لا والله اطلع كل العصبيه فيك
ساره خافت وسكتت
راكان : نوره ابغاك بموضوع
وراح غرفته ونوره معاه
-
بغرفه راكان📍
نوره : امر ياخوي
راكان اخذ نفس طويل : وينها؟
نوره : بغرفتي
راكان : كيف تخلينها لوحدها
نوره : نامت وتركتها ترتاح
راكان سكت
نوره : ليه سكتت
راكان : اليوم مليان احداث
نوره : معليه ياخوي انت اهدا وريح راسك
راكان : عرفتي اسمها
نوره : ايه رهف
راكان فز : رهف؟
نوره ابتسمت : اييه
بعدها غمزت : بينكم شيي
راكان ضحك : لا ويلا مصدع وبنام
نوره ضحكت وطلعت من الغرفه
وراكان الي جلس يهوجس ويفكر برهف وهل ممكن تكون بنت عمه؟ و وين عمه ناصر؟