ياعين لا تبكين وعيونه تنام

P 17

• سبحان الله
< لايك بليز عشان تدعموني استمر🤍🤍 >
—————————————————————————

بالمستشفى📍
الدكتور : حالته كانت صعبه وكان بين الحياه والموت بس حالياً مستقره ولكن نزف كثيرر ومحتاج اشياء تعوضه عن فقده لدمه
ام زيد وهي تبكي : كيف نعوضه
الدكتور : مثل الفواكه والخضروات وهالامور وان شاء الله بسيطه
ابو زيد : ومتى بترخصونه
الدكتور : كذا يومين ثلاث نشوف ونطمن على حالته
ام زيد : يصير نشوفه؟
الدكتور : اكيدد ، غرفته بنهايه الممر
وراحوا عيله ابو زيد عند راكان وكانت حالته تصعب عالكافر حوله اجهزه ومراا تعبان
ام زيد حضنته : الحمدلله على سلامتك
زيد : خطاك الشر ياخوي
راكان الي مو فاهم وش صاير بس تذكر انه ناسي شي غالي على قلبه وقال : رهف وينها؟
والكل سكت
راكان شاف تعابير وجيهم المتضايقه وقال : تكفون قولوا لي وينها
ام زيد بكت
ابو زيد : ماشافوها معك بسياره
راكان تذكر شي وصرخ وهو يحاول يشيل الاجهزه عن جسمه وقال : خطفوها اخذوها منا
زيد انصدم : منن خطفها؟
ابو زيد : كيفف خطفوها وانت وينك عنها؟
راكان حاول يجلس : رهف محتاجه مساعدتنا
ام زيد : اجلس ياولدي ارتاح
ابو زيد : انا رايح عند الضابط
راكان : بجي معكم
ابو زيد صرخ : اجلس ولا تتحرك ، وزيد تعال معي
راكان جلس وام زيد كانت تواسي ولدها وكان عقل راكان مو معاه كان معه رهف
-
رهف الي كانت منسدحه وتشوف النجوم من سقف الخيمه بعد ماطلق النار طارق على السقف وسببت فتحه كبيره ومن خلالها كانت رهف تشوف النجوم وتراقب القمر وقالت : ليتني نجمه وعشت قريبه من القمر
وفجأه دخل عليها سلطان ومعه صحن صغير وحطه بالارض وقال : خذي
رهف : كيف اكل وايدي مربوطه
اسامه : دبري حالك
رهف : خذ اكلك ما ابغاه
اسامه : طارق يقول لازم تاكلي
رهف ضحكت : مسوي يخاف علي
اسامه طلع وماشال الصحن من الارض
ورهف الي جلست تفكر وهي ماتعرف ليه طارق خطفها و وش يبي منها؟
-
يمر اسبوع على اختفاء رهف ومحد يدري رهف وينها؟
وراكان طلع من المستشفى وكل يوم يطلع هو وزيد ويروحون البر ولا يلقون لها ولا اثر
راكان : لف يمين يازيد
زيد : هذي المره المليون الي نروح فيها نفس المكان ولا نلقاها
راكان عصب : طيب لازم ندور كويس
زيد : راكان قول الصدق الي تسويه كله شفقه على رهف
راكان : ومن قالك اني اشفق على رهف؟
زيد : اجل وش
راكان : ممكن تسوق وانت ساكت
زيد : انا اخاف تكون طايح بحبها
راكان سكت
زيد : يعني كلامي صحيح
راكان مارد
زيد تأكد انه كلامي صحيح
-
رهف كانت تتناقش مع طارق الي ماشافته من اسبوع وكانت تعيش بنفس الروتين يدخل عليها اسامه يعطيها الاكل ويطلع وعلى هالحال لمده اسبوع
رهف : طيب انت وش تبغى مني؟
طارق : بساعدك ترجعين بلدك ولا ترجعين لسعوديه مره ثانيه
رهف : بس هذا بلدي!
طارق ضحك : هذي نكته ولا وش
رهف : اسفه بس مابرجع
طارق : مو على كيفك وزي ماوصلت لك اقدر اوصل لراكان بسهوله
رهف : ايش قصدك؟؟؟
طارق : قصدي واضح ارجعي لبلدك بهدوء ولا بتخسرين راكان وانا مستعد ارجعك اليوم والحين
رهف سكتت والي ماعرفت وش تسوي
طارق : ها وش قلتي
رهف : طيب وش يضمني اذا سافرت مابتقرب لاهل راكان ولا لراكان
طارق : بوعدك
رهف : ماقدر اثق برجال كذاب مثلك
طارق : لا تثقين وبتخسرين حياتك وممكن حياه حبيبك
رهف : مو حبيبي!
طارق : اووو صرتي كذابه مثل ابوك
رهف سكتت
طارق : بخليك تفكرين بمصيرك وانتبهي مصيرك ومصير غيرك ب ايدك!!!