ياعين لا تبكين وعيونه تنام

P 36

• سبحان الله
< لايك بليز عشان تدعموني استمر🤍🤍 >
—————————————————————————

رهف صرخت : عشان صحتك الي انت اهملتها
راكان : شوفي رهف ترا واصله معي
رهف قربت منه : عشاني
راكان سكت
رهف توترت : جايه اتكلم معك بموضوع
راكان : موضوع وش
رهف : مداك تنسى!!
راكان : قصدك موضوع زهره؟
رهف : ايه
راكان صرخ : ززهره يا زهره
رهف : هيي
راكان : اسكتي بناديها
رهف زعلت
زهره جت
وراكان ابتدا يكلمها بالتركي ورهف مو فاهمه شي
وبعد 15 دقيقه راحت زهره والتفت راكان على رهف
راكان بهدوء : سألتها و..
رهف وهي تناظر البحيره : دقيقه انت تتكلم تركي؟
راكان ابتسم : ايه
رهف سكتت
راكان حس بشي غريب : فيك شي؟
رهف بهدوء: لا
راكان : تقول انها شافت امك
رهف التفت على راكان وانرسمت ملامح الصدمه بوجها وقالت : كيف شافتها؟؟
راكان : في كثييرر اشياء تصير هنا واحنا اخر من يعلم ، عمي الله يرحمه جا هنا وجا معه ابوك وزوجته يعني قلك شهر عسل وكذا وكانت غرفتهم غرفتك الحاليه وبعد ما مشو عمي حلف انه محد يدخل الغرفه لان خاف تنكشف الخطه وطارق مهدده وماتوقعنا انه ذا السبب ....
راكان سكت ثواني وقال : وتقول طالعه حلوه على امك
رهف سكتت
راكان : فيك شي صح؟
رهف ماردت
راكان صرخ : جاوبيني وش مضايقك؟؟؟
رهف بكت اييييه بكت
راكان حضنها بقوه : اسفف لاني صرخت عليك بس والله خايفف خايف عليك
رهف مسحت دموعها و اشرت على قلب راكان : شفت قلبك؟
راكان : انتي قلبي
رهف ابتسمت : ربي عوضني فيك
راكان : جعل هالابتسامه ماتفارقك يا روحي ، زعلانه مني؟
رهف : مقدر ازعل منك
راكان : تعرفين اني مره خايف عليك وما ابغى اكسر قلبك
رهف حضنت راكان بقوه : عشان كذا احبك
ساره : وش تسوون انتو؟؟
رهف بعدت عن راكان
راكان : ماتستحين انتي؟
ساره : انتو الي ماتستحون
نوره جت : وش فيكم ، وانتي ليه تصارخين؟
ساره : تعالي شوفي طيور الحب
راكان عصب : احترمي نفسك!!
نوره سحبت ساره : كفايه مشاكل
ساره زعلت ودخلت البيت
نوره : متى بنطلع
راكان : جاهزين؟
نوره : ايه
رهف : انا ماجهزت
نوره : تعالي معي
رهف ابتسمت : طيب
راكان : انتبهي عليها
نوره ضحكت : لا تخاف

-

بغرفه نوره📍
رهف : خلصتت
نوره : رهف وش ذا اللبس؟؟
< رهف لابسه توب ضيق وقصير و وجينز >
رهف : وش فيه لبسي؟
ساره دخلت الغرفه : وش ذا الززينن
رهف بضيقه : نوره ماعجبها لبسي
نوره : والله مو كذا قصدي بس راكان ب..
ساره : و راكان وش دخله؟
نوره : كيفكم
وطلعت من الغرفه
ساره : يلا تعالي راكان منتظرنا بسياره
رهف : طيب
طلعوا البنات من الغرفه وركبوا السياره
نوره و ساره جالسين ورا ورهف جالسه قدام لانها خلاص بتصير زوجه راكان
اول ماجلست رهف قدام ... راكان تغيرت ملامح وجهه
لدرجه عروقه بانت وجلس دقايق يناظر رهف
نوره همست لساره : شوفي قلت لك!
ساره : تحرك ياخوي
راكان : ساره عندك جاكيت وسيع؟
ساره : ايه
راكان : جيبيه
ساره : ليه
راكان : جيبيه قلت
ساره : طيب
نزلت ساره وجابت الجاكيت واعطته لراكان
راكان اعطى الجاكيت لرهف : البسيه
رهف : حرر برا!
راكان بنبره حاده : قلت البسيه
رهف لبست الجاكيت بضيقه ومو عاجبها اسلوب راكان وكيف يكلمها بذي الطريقه قدام اخواته!
......
وصلوا البنات المول
وابتدوا يتسوقون ورهف ماتكلم راكان وتحاول تتجنبه
ساره : رهف وش رايك بهذا
رهف : حلو بس ليه كذا لونه
نوره : شوفي في اكثر من لون
رهف ابتسمت : باخذه
اخذوا البنات الي يبغونه من المحل وطلعوا
راكان وهو يناظر رهف : خلصتي؟
ساره : لا
راكان عصب : اكلم رهف!
ساره : ياربيي جته الحاله
نوره : اسكتي!!!
رهف بهدوء : ابغى ارجع البيت
ساره : لااا تكفين ما خلصنا
راكان : يلا اركبوا السياره
.....
وبعد دقايق
وصلوا السياره ورهف ركبت ورا
راكان انصدم لان كان متوقع انها تجلس جنبه
ساره سكتت وحست في حاجه
نوره : رهف
رهف بهدوء: هلا؟
نوره : مابتجلسين قدام؟
رهف : لا
راكان بقهر وهو حابس اعصابه : تعالي يا نوره اجلسي جنبي
جلست نوره وتحركت السياره
وكاان هدووء محد تجرأ يتكلم
.........
بعد ماوصلوا البيت ...
نزلت نوره ومعها ساره
و رهف مانزلت وكانت سرحانه ب افكارها وماحست انه راكان وقف السياره وانهم وصلوا للبيت!
راكان بعصبيه : وش ذي الحركه
رهف ماردت
راكان : اكلمك انا؟!
رهف بغصه : اتركني بحالي
نزلت رهف ولحقها راكان
راكان مسكها بعصبيه وقال : وش فيك انتي
رهف بعدت عنه : مسوي ماتعرف
راكان : زعلانه مني؟
رهف : لا
راكان بهدوء : اعرفك زعلانه
رهف سكتت
راكان : ليه ياقلبي
رهف ذابت ( خفيفه بنتنا 🤣 ) : مو زعلانه
راكان : تكذبين علي؟
رهف : كيف تكلمني بذي الطريقه قدام ساره و نوره
راكان : كنت معصب ... انتي مو حاسه بالنار الي بداخلي اول ماشفتك بذا اللبس!! ... رهف لازم تعرفين حاجه يمكن انتي ماتعرفينها انا رجال شرقي واغار على محارمي وانتي بعد ايام بتصيرين "محرم راكان" فاهمه ذي الكلمه؟ ... معناتها زوجتي وحبيبتي ولازم ما يشوفك احد بذا اللبس غيري انا
وقال بنبره حاده : اناا بس
رهف ابتسمت
راكان : اسف
رهف : مقدر ازعل منكك بس لا تعيدها
راكان ابتسم وبنبره هاديه قال : احبك
رهف حست بتوتر وماعرفت وش تقول وركضت ودخلت البيت وتركت راكان لحاله🥲
راكان ضحك
ورهف مره مبسووطه من الكلمه وقالت بينها وبين نفسها : ااهخخ ياحلو كلمه احبك منك

-

بالخبر
وتحديداً بيت ابو محمد📍
وبصاله...
شهد جالسه بصاله مع امها يتقهوون
شهد وهي تشوف جوالها وتسمع سوالف امها : بنات عمي سعد ( ابو زيد ) مسافرين لتركيا
ام محمد : ايه رايحين يجهزون للعرس
شهد ب استغراب : عرس مينن؟؟
ام محمد : راكان
شهد : راكان بيتزوج؟؟
ام محمد : ايه اظن مرت عمك قالت لي بعد اسبوعين الزواج
شهد بغصه : وليه ماقلتي لي!!
ام محمد : مرت عمك توها تقول لي امس
شهد : طيب بياخذ مين؟
ام محمد سكتت
شهد : بنت الاجنبيه صح؟
ام محمد : ايه هي
شهد تضايقت وراحت غرفتها وبكتت بكي لمده ساعااات طويله ... حست بطعنه وبقهر على حالها وحبها لراكان وبيتزوج البنت الي دمرت كل شي بينهم وللاسف شهد حقدت حقددتت على راكان ورهف
وقالت بينها وبين نفسها : والله لأدمرهم

-

بتركيا
وفي بيت ابو زيد📍
وعلى سفره العشا...
راكان : وهذا الي صار
ابو زيد : حسبي الله على طارق
ساره : ذا كله قالته زهره؟؟
نوره : ليه ماقالت لنا من زمان؟
رهف بضيقه : ابوي هددها
راكان عصب : وللحين تسميه ابوك؟؟
ام زيد : استهدي بالله يا راكان!
ابو زيد : خلاص غيروا الموضوع
زيد : اتفق مع ابوي
راكان : زواجي بعد شهر صح؟
ام زيد : قلت للمعازيم الزواج بعد اسبوعين
رهف انصدمت من كلام ام زيد
راكان : ليه يا امي ليييه
رهف : اسبوعين ماتكفي
نوره ابتسمت : معليك يارهف احنا معك وبتكفيك
ابو زيد عصب : مدري كيف امكم تتصرف على هواها احنا متفقين بعد شهر
ام زيد : ولدك مستعجل يا ابو زيد
راكان ابتسم وهو يناظر رهف : صح مستعجل
ابو زيد ضحك : خفيف ولدي يا ام زيد
وكلهم ضحكوا
ساره : بس رهف مو مستعجله
راكان : ومن حطك المحامي حقها؟
ساره : اسكت
رهف ضحكت
....
وتمر الايام والحمدلله رهف خلصت كل الي تحتاجه بمساعده نوره وساره وافنان وطبعاً ام زيد ... الكل يحاول يساعدها حتى راكان

في الرياض📍
في بيت ابو زيد
وصلوا عائله ابو زيد لبيتهم بعد تعب السفر
ويقى على زواج رهف و راكان يومين
ام زيد : اهخ بيتي
الكل مشتاق للبيت واكتفوا بالابتسامه والكل راح يرتاح
ابو زيد : نوره
نوره : هلا
ابو زيد : تعالي مكتبي ابيك بموضوع
راحت نوره لمكتب ابوها
ودخلت وجلست عالكنبه
ابو زيد تنهد : عبدالوهاب
نوره : خلاص فهمت
ابو زيد : الرجال تغير يا نوره!
نوره بكت : اخاف يجرحني
ابو زيد : ما عاش الي يجرحك وانتي بنت سعد
نوره ابتسمت : خلاص اجل بستخير وبقولك رايي
ابو زيد : فكري بولدك
نوره : ان شاء الله
طلعت نوره من مكتب ابوها وهي مهمومه وتفكر
دخلت غرفتها و نومت ولدها وفرشت سجاداتها ولبست ثوب الصلاه
وصلت صلاه الاستخاره وحست برااحه مو طبيعيه بعد الصلاه وركضت لغرفه ابوها وامها

...

بغرفه ابو وام زيد 📍
ام زيد : كلمتها؟
ابو زيد : ايه
ام زيد : يارب توافق
ابو زيد : عبدالوهاب يبغاها وكل يوم يتصل ويسأل عن رأيها
فجأه سمعوا صوت ( طق طق طق )
ابو زيد : مين؟
نوره : انا
ابو زيد : ادخلي
دخلت نوره ومعها ابتسامه
ابو زيد : فرحينها معك
نوره : موافقه
ام زيد ابتسمت وركضت عند بنتها🥹
ومشاعر السعاده امتلت الغرفه