ياعين لا تبكين وعيونه تنام

P 25

• سبحان الله
< لايك بليز عشان تدعموني استمر🤍🤍 >
—————————————————————————

خالد : طيب بروح لهم كذا
رهف : لا ما ابغى احرجك ، ليه ماتروح البيت وتغير وانا بجلس بسياره انتظرك
خالد : لا ماعندنا وقت
رهف : وقت ل ايش
خالد بحده : بيملكون!
رهف : اااهخ نسيت
خالد سكت

< وبعد نص ساعه >
بمجلس الرجال📍
راكان تأفف
زيد : يا ابوي الشيخ تأخر
ابو زيد : ابو محمد يقول جاي بطريق
فجأه راكان يسمع صوت يحبه ويهواه : راكان
التفت راكان وشافها ايييه شافها وقال : رهف؟
الرجال يصارخون على رهف ويقولون لها اطلعي
ابو محمد : من ذي؟؟؟
ابو زيد : رهف؟؟
زيد : كيف؟
احمد : ذي من جابها وكيف طلعت من قبرها؟
رهف كانت عيونها على راكان وماهمها الحرب الي حولها وراكان حس بأنه روحه رجعت روحه الي فقدها من سنه ونص
وبنص الصراخ والازعاج الي سببته رهف ركض راكان وسحبها من ايدها
رهف سكتت
ابو زيد : يا رااكان تعال هنا
خالد : اتركه ياعمي
زيد : ابوي اتركه
ابو زيد سكت وهو مو قادر يستوعب الصدمه
زيد : كيف وصلت هنا؟
خالد : اصبر بعد شوي وبفهمك

عند الحريم📍
اكيدد وصل للبنات خبر رهف
ساره : كيف احس في شي غلط
نوره : شي؟ اشيياااء
افنان : كيف لها وجه تجي!
ساره : لازم اشوفها
افنان : هي عند الرجال؟
نوره : قبل لا تظلمون البنت لازم نفهم منها
ساره : طيب
نوره : وما ابغى ينتشر الخبر ولا ابغى امي تعرف
افنان : لا تخافين

اخذ راكان رهف وقال بحده : اركبي السياره
رهف بعناد : ما ابغى
راكان بعصبيه : شوفي الرجال كيف يشوفونك!!
رهف التفت وشافت الكل يشوفها ونظراتهم مقززه و وصخه وع طول ركبت السياره
راكان مشى بسياره وكان يتنفس بطريقه غريبه لدرجه رهف تسمع انفاسه بس سكتت وماقالت اي حاجه
وصلت سياره راكان لمكان فاضي وظلمه
راكان التفت على رهف وبعصبيه : وش لابسه انتي؟
رهف : ياربي
راكان : افهمي انتي هنا بدوله مسلمه مو بالندن
رهف : وش فيه لبسي؟؟؟
راكان : ضيق
رهف : لا مو ضيق
راكان بحده : لا تعانديني اكره العناد
رهف سكتت
راكان تنهد : مدري كيف وصلت هنا
رهف سكتت
راكان : ومدري كيف انتي وصلتي هنا
رهف بضيقه : اسفه على الي صار بسببي وانتو ماقصرتوا معي ب..
قاطعها راكان بصوت عالي : يعني كله هذا فلم؟ كذبه؟
رهف بكت : والله لا اقسم بالله لا طارق خطفني وهددني بأن اذا ماتركت الرياض ورحت لندن بيقتل.ك وانا ما ابغاه يأذيك او يأذي اهلك وتوي عرفت اليوم انه قال لكم اني مت عشان ماتبحثون علي
راكان : طيب لا تبكي
رهف كملت بكى
راكان بحده : لا تبكيي
رهف ودموعها تزيد : كيف ما ابكي؟ انت شايف وضعنا ايش؟ شايف وش يصير حولنا
راكان : مايهمني الي حولنا انتي تهمني وبس
رهف : بس ياراكان..
راكان : من دون بس
رهف سكتت وراكان سكت معها
< وبعد دقيقتين >
راكان بصوت هادي : وش سويتي فيني؟
رهف : ها؟
راكان : رحتي و اخذتي قلبي معك
رهف سكتت
راكان : من اول ماشفتك ماقدرت انسى ملامحك صوتك ماقدرت انساك... يارهف كنت اقول ليه مانسيتها؟ ليه يارب هي بالضبط؟ كنت ادعي بصلاتي لك كنت ادعي وللحين ادعي واقول يارب قربها لي يارب انت تدري وش بداخلي وتدري نيتي الصافيه وبوووم انصدمت وشفتك بحوش بيتنا وهنا دريت انك لي ودعائي استجاب...كنت خايف اعترف لك بذاك الوقت بس مدري مشاعرك لي نفس مشاعري لك؟ كنت احاول اخليك ماتنسيني وتحبيني نفس ما اموت فيك واحبك يارهف انا احبك تعبتت وانا مخبي هالكلمه داخلي تعبتت خلاص انا ابغاك ابغاك والله ابغاك... انا روحي معك انتي ماتتخيلين كيف انا متعلق فيك لما دريت انه طارق الكذاب قال اني ذبحت.ها كنت بجن وبصير مجنون ماتخيلك بعيده عني ومستحيل اتخيل ... يارهف صدقيني انا ماشوف حياتي بدونك انتي كل حياتي انتي روحي وتكفييينن انسي كل الي صار انسي الماضي وانا بعوضك والله ماكون راكان بن سعد آل سلطان اذا ماعوضتك عن كل الي فات ...
( بعدها تنهد) وقال : والله ماعاش الي يحبك ويعشقك بهالدنيا كثري انا
رهف نزلت دموعها وماعرفت وش تقول
راكان : لو ادري هذي العيون الحلوه ببكيها كان ماقلت كلامي ذا ، امسحي هالدموع يارهف
رهف مسحت دموعها وقالت : تدري هالعيون الحلوه كانت تبكي كل ليله عشانك؟ ياراكان لما اكون جنبك احس ب امان الي ماعشته ولا فاهمه شعوره ومافهمت الشعور ذا الا يوم فارقتك ورحت لندن وهنا فهمت مشاعري وفهمت ياراكان فهمت انك شخص ماتتعوض ومستحيل تتعوض
سكتت رهف وهي مصدومه من الكلام الي قالته
راكان ابتسم : الي افهمه من كلامك انك تبادليني نفس الشعور؟
رهف التفت واعطت ظهرها لراكان وقالت : ايه
راكان حس انه حياتها رجعت وبالاصح روحه الي رجعت واكتفى بالابتسامه
رهف ببراءه : راكان
راكان : عيونه انتي
رهف توترت : جوالك يرن
راكان : هذا ابوي
رهف : طيب رد
راكان : ما ابغى
رهف : لييه
راكان : ودي اهرب معك ونروح مكاان لحالنا
رهف ضحكت
راكان ابتسم : بس جد لازم نشوف حل لذي المصيبه
رهف : وش رايك نرجع لهم وقول لهم ما ابغى اتزوج وبكذا خلصنا
راكان : ههه الناس بينسون وابوي مابينسى
رهف : ايش الحل؟
راكان : بنتوكل على الله ونروح البيت والي يصير يصير
رهف : طيب
راكان : ولا تخافين مابتتررككك
رهف ابتسمت
وراحوا للبيت ابو زيد
ولكن كانت في مفاجأه تنتظرهم