• سبحان الله
< لايك بليز عشان تدعموني استمر🤍🤍 >
—————————————————————————
رغد التفتت وشافت زيد وكانت مره مصدومه
حست بأنها ماتقدر تمشي من الصدمه
ماتوقعت بيوم من الايام تسمع هالكلمه من زيد
ابو زيد : وش صاير هنا
احمد توتر
ابو احمد : وش فيكم
زيد : ياعمي ابغى اطلب ايد بنتك رغد على سنه الله ورسوله
ابو زيد انصدم : مو وقته!
ابو احمد ابتسم : مابلقى واحد نفسك لبنتي
ابو زيد ابتسم : زيد تربيتي واكيد مابتلقى احد نفسه
ابو احمد : تعال عندي بكره ونتفاهم عالموضوع
زيد ابتسم وناظر رغد الي كانت منصدمه
داخل بيت ابو زيد📍
راكان : طفشتت خلاص
ام زيد : وش فيك مستعجل
راكان : تعبت
ام زيد : طيب يلا
راكان ابتسم : نطلع؟
ام زيد : ايه
مسك راكان رهف واعطاها بشته علشان تغطي نفسها وطلعوا وانصدموا لما شافوا رغد واقفه قدام الباب وبحضنها سعد و اول ماشافتهم هربت ودخلت البيت
شافه ابو زيد وراح لولده راكان
راكان : راحوا رجاجيل؟
ابو زيد : ايه نصهم
راكان ابتسم و ودع ابوه وركب السياره ومعه رهف
وقبل ماتتحرك السياره لاحظت رهف شخص وقف قدام السياره وملامح الشخص مو غريبه عليها
رهف : لا تتحرك
نزلت رهف وشافت فاطمه ( شغاله طارق تذكرونها؟ )
ركضت رهف عندها وحضنتها
وفاطمه باركت لها وقالت لها انها بتسافر وبترجع بلادها وحبت تودعها
ركبت رهف السياره
راكان : من ذي
رهف وهي تمسح : وحده اعرفها
راكان : وانتي ليه تبكين
رهف : لانها ماتوقعت تجي عندي وتبارك لي
راكان : طيب امسحي دموعك
رهف ابتسمت : مسحتهم
راكان : لا اشوفك تبكين مره ثانيه
رهف : هذي دموع فرح
راكان : تكذبين على مينن؟؟
رهف : ماكذبت!!
راكان : حافظك اكثر من نفسي
رهف ابتسمت : اجل تدري اني تعبانه وميته جوع؟
راكان ضحك : ادري ادري
بعد ماراحوا المعازيم
جلست تتأمل البيت وديكور الزواج وتقول ياليتني انا
فجأه يرن جوالها بأسم < عبدالوهاب ❤️ >
وبكل صوت انثوي تقول : الو؟
عبدالوهاب : متى يصير يومنا
نوره ابتسمت : قريب
عبدالوهاب : ماودك تستعجلين؟
نوره : الا بس لهيت شوي بزواج اخوي
عبدالوهاب : طيب بس الزواج خلص
نوره : ايه
عبدالوهاب : الحين دورنا
نوره ضحكت : طيب تعال بكره للبيت وتفاهم مع ابوي
عبدالوهاب ضحك : من عيوني
نوره استحت وقطعت المكالمه
وحطت جوالها فوق صدرها وكانت مره مبسوطه
بالجهه الثانيه من البيت..
ساره : والله مابتلقين نفسه
رغد : بس خايفه
ساره : ليه؟
رغد : خايفه يتزوجني عشان اربي ولده
ساره : شوفي انا ما ادافع عنه علشانه اخوي بس زيد ماعنده ذي الحركات نقول راكان ممكن ايه بس زيد لا
رغد : تحسين استخير؟
ساره : اييه
رغد ابتسمت وراحت تتوضا عشان تصلي صلاه الاستخاره
عند معرسنا الجديد📍
زيد الي كان جالس على سجادته بعد مع صلى صلاه الاستخاره
التفت وناظر ولده الي كان نايم بسريره
ابتسم وحس براااااحه كبيره وعرف انه زواجه من رغد خيره
دخل ابو زيد غرفته وشافه جالس عالسجاده وابتسم وقال : تستخير؟
زيد ابتسم : ايه
ابو زيد : مرتاح؟
زيد : الحمدلله
ابو زيد : كيف فكرت فيها؟
زيد : قصدك رغد؟
ابو زيد : ايه رغد
زيد : ولدي يحبها
ابو زيد ضحك : ماخذها عشان ولدك يحبها؟
زيد سكت
ابو زيد : تقصد انت تحبها
زيد بتوتر : متى نروح بكره لبيت عمي
ابو زيد : لا تغير الموضوع
زيد : اعزها واحترمها واتمناها تكون زوجتي وتربي ولدي
ابو زيد : قبل كل شي رغد بنت عمك ... خاف عليها مثل خوفك على خواتك وحبها واحترمها مثل احترامك لخواتك
زيد ابتسم
ابو زيد : انا بروح انام وابيك تفكر زيين بالموضوع
زيد : ان شاء الله
أنت تقرأ
ياعين لا تبكين وعيونه تنام
Mystery / Thrillerرهف بنت صغيره عايشه طول حياتها بالندن عند امها وبتكتشف سر مدفون من سنين وبتنقلب حياه رهف فوق تحت
