ياعين لا تبكين وعيونه تنام

P 8

• سبحان الله
< لايك بليز عشان تدعموني استمر🤍🤍 >
—————————————————————————

راكان صرخ : اكيد غلطانين والكلام هذا مو صحيح
ابو زيد عصب : رااكاان
راكان ضرب الطاوله بقوه وقال : والله اذا ماطلعت النتيجه الصحيحه لا اكسر المركز فوق راسك
ابو زيد صرخ : شكلي ماعرفت اربيك يالكلب
الضابط : معليه يا ابو زيد ولدك معصب ومايثمن كلامه قبل لا يقوله
راكان عصب وطلع من المركز وركب سيارته
زيد الي ماعرف وش يسوي ولحق اخوه
-
بسياره راكان📍
راكان جالس مع نفسه ويفكر بالي صار وشك اذا رهف صادقه ولا لاا
دخل زيد السياره وجلس بالمقعد الامامي بجانب راكان
وصار صمت لمده دقايق وقرر زيد يقطع هالصمت ويقول: وش بخاطرك ياخوي؟
راكان : تتوقع كل هذا كذب وتمثيل؟
زيد تنهد : والله مدري
راكان : لا لا مستحييلل
زيد : انت بينك وبين البنت شي؟
راكان انصدم : ليه؟
زيد ضحك : مدري
راكان حاول يغير الموضوع : ابوي ماهتم لعمي ناصر وهو حي شوف كيف اهتم له وهو ميت
زيد : استغفرالله الله يرحمه بس صدق مقت.ول؟
راكان : يازيد والله موضوع عمي موضوع كبيرر
زيد : الضابط يقول شافوه مدفون بصحرا
راكان : غريبب مادريت انه لعمي ناصر اعداء
زيد : الله يرحمه مات ودفن معاه مليون سر
راكان : تتوقع من الي قت.له؟
زيد : ماعندي اي فكره
-
نروح الجهه الثانيه
في بيت ابو زيد📍
صحت رهف من قوه الصداع وحاولت ترفع راسها بس ماقدرت تحس راسها ثقيلل وشكله بدايه سخونه
سمعت صوت من ورا الباب : رهف؟
رهف : هلا
انفتح الباب ودخلت ساره الغرفه وكانت مستحيه ونظراتها للارض وقالت بهدوء : عادي اجلس جنبك؟
رهف ابتسمت و واضح عليها التعب : اي حياك
جلست ساره على طرف السرير : اسفه على الي صار وكنت متضايقه لانك غريبه ودخلتي بيتنا بهالسهوله
رهف ابتسمت : ساره انا مو متضايقه منك لان رده فعلك طبيعيه وصدقيني مو شايله بخاطري عليك
ساره ابتسمت وانسدحت جنب رهف وقالت : ماشاء الله ماتوقعتك سعوديه اول ماشفتك
رهف : ايه الكل يقول كذا لان امي بريطانيه وابوي سعودي / فجأه تنهدت وتضايقت / وحاولت ساره تخفف حزنها : بطلب سويت تبغين؟
رهف : لا شكراً
ساره : يلاا رهوفه عشاني بليزز
رهف ابتسمت : اوكيي
وصل الطلب وحاولت ساره تسولف مع رهف
ساره : عادي سؤال؟
رهف : ايه
ساره : كيف عرفتي وبيتنا وليه جيتي عندنا
رهف فهمت ساره قصه حياتها كامله من اول ما انولدت الى كيف وصلت هنا
ساره : ياحرام تحملتي هذا كله لوحدك؟
رهف : امي علمتني كيف اصير قويه ولولاها كنت ضعيفه ولا كملت الحياه
ساره حضنتها : تدرين يارهف احس حبيت شخصيتك القويه واتمنى اصير نفسك
رهف : كانت قويه بس بعد ماعرفت انه املي الوحيد بهالحياه مات احس حياتي صار مالها طعم
ساره : ليهه تقولين هالكلام؟ انا واختي وامي وافنان موجودين
رهف ابتسمت وحضنت ساره وبكت
-
ساعه 10 بالليل
افنان تنوم ولدها سعد و رهف بالغرفه مع ساره ونوره ويوسف جالسين مع ام زيد بصاله
فجأه دخل ابو زيد ومعه راكان وكان صراخهم عالي
ابو زيد : انت ما احترمت الضابط كيف بتحترم ابوك
راكان : كيف تصدق كلامه وهو حتى النتيجه ما سلمها ب يدك
ام زيد : نتيجه وش
نوره : يابوي اهدا مو زين عليك نخاف يرتفع ضغطك
ساره ورهف نزلوا وهم مصدومين من كميه الصراخ
ابو زيد : انت يا راكان صارلك فتره مو عاجبتني تصرفاتك
راكان سكت
ابو زيد : من بكره الصباح تروح تعتذر لضابط واذا ما اعتذرت لا انت ولدي ولا انا اعرفك
ام زيد خافت وصرخت : يابو زيد كيف تقول كذا هذا ولدك
راكان ببرود : ليه اعتذر؟
زيد : يا راكان خف عنادك شوي لا يفصل عليك ابوي
راكان : من الاخر يابوي مابعتذر لان انا مو غلطان
ابو زيد : الا غلطان ونص ولا في احد يكذب نتيجه الاختبار معتمد من المملكه؟
لف ابو زيد وشاف رهف بنظره مشمئزه : وانتي من بكره ما ابغى اشوف وجهك عندي بالبيت لانك بنت كذابه وطمعانه بحلالنا وابشرك اخوي ناصر مو ابوك ولا يقرب لك حتى
رهف انصدمت : كيف مو ابوي؟
نوره : متأكد من النتيجه؟
ابو زيد : لا يكون بتكذبيني نفس ماسوا اخوك راكان
نوره : لا يابوي مستحيل اكذبك
رهف : انا متأكده انه ابوي ولا ليه امي عندها صورته وعنوان بيته؟
ابو زيد صرخ : وش دخلني ب امك بس اهم شي ما ابغاك فبيتي فاهمه؟
راكان عصب : كيف تكلمها بهذي الطريقه؟
زيد : ياراكان اسكت
ابو زيد عصب : اطلع برا بيتي وصير محاميها الرسمي!