ياعين لا تبكين وعيونه تنام

P 33

• سبحان الله
< لايك بليز عشان تدعموني استمر🤍🤍 >
—————————————————————————

نوره خافت
ونادت ابوها واخونها
نزل راكان و وراه ابو زيد
راكان : ليه تصارخين
نوره بخوف : ابو يوسف برا ... عبدالوهاب برا
راكان : طيب شفيك خايفه!
ابو زيد طلع وراكان لحقه
عبدالوهاب : هلا عمي
ابو زيد : وش جايبك بهالوقت
عبدالوهاب : جاي اكلمك بموضوع
راكان : شايف الساعه كم؟
ابو زيد همس لراكان : اسكت لا تتكلم
عبدالوهاب : اسف ومو مشكله بكره برجع واكلمك
ابو زيد : ادخل ادخل
عبدالوهاب انصدم : تمام
دخل عبدالوهاب وراح مجلس الرجال
وابو زيد وراكان لحقوه ... وجلس ابو زيد جنب عبدالوهاب وراكان قدام عبدالوهاب
ابو زيد : وش بغيت يا عبدالوهاب
عبدالوهاب : ابغى ارجع نوره على ذمتي!
راكان : صاحي انت؟؟؟ بعد هالسنين كلها تجي تقول ابغى ارجعها؟؟
عبدالوهاب : تعبت احاول اتقبل حياتي بدونها بس ماقدرت!
راكان : الحين تعبت؟ ماحسيت فيها لما كانت تتعب وتشقى عشانك وانت مو حاس
ابو زيد صرخ : راكان قلت لك اسكت
راكان سكت
عبدالوهاب : ياعمي انت راضي بحفيدك يعيش بعيد عن ابوه؟
ابو زيد : لو هذا احسن خيار لحفيدي اكيد بكون راضي
عبدالوهاب : عمي انت مو فاهمني.. انا تغيرتت
ابو زيد : وش الي يثبت لنا انك تغيرت؟؟
عبدالوهاب اخذ ورقه من جيبه واعطاها لابو زيد : شوف وقفت اتعاطى من سنه ونص والحمدلله
.....
دقيقه مو فاهمين الموضوع؟ ..... تعالوا افهمكم
نوره وعبدالوهاب كانوا زملاء بنفس الجامعه وحبوا بعض وعاشوا قصه حب لمده سنتين وكانت اجمل قصه حب وقرر عبدالوهاب يخطبها وبحكم انه عبدالوهاب من قبيله نفس طبقه قبيله آل سلطان ( قبيله ابو زيد ) وافق بعد ماسأل عنه وطلع رجال زين ويخاف ربه وتزوجوا نوره وعبدالوهاب وبعد فتره من الزواج حسوا اهلها بأن نوره متغيره وصارت كله ساكته ولا تسولف معهم والخبر الي غير نفسيتها يوم درت انها حامل وهالخبر غير نفسيه الكل وبعد شهور ولدت نوره وفترته نفاسها كانت عند امها ولما رجعت عند زوجها عبدالوهاب ماقدرت تتحمل اكثر من يوم
... قبل ست سنين ...
ع ساعه 10 ونص بالليل
راكان جالس بصاله يدرس وام زيد وابو زيد يتفرجون على مسلسل وزيد جالس معهم ونوره نايمه لان عندها مدرسه الصباح
سمعوا صوت الجرس واستغربوا
ام زيد : ابو زيد انت منتظر احد؟
ابو زيد : لا ... بروح اشوف من ذا
راح ابو زيد وبعد دقايق .... سمعوا صياح ونوره وهي داخله عليهم وشايله بحضنها ولدها ( يوسف )
الكل وقف وكلهمم مصدومين
ام زيد : وش فيك يانوره!
نوره : طلقوني منه ما ابيه
ابو زيد : وش ذا الكلام!!!
نوره : ما ابيييهه
ام زيد : خلاص انتي تعالي معي لغرفتك وبكره نتفاهم
راحت نوره مع ام زيد
وجلس ابو زيد عالكنب وهو مصدوم
زيد : وش بنسوي يا ابوي
ابو زيد : لازم نفهم الموضوع
راكان : انا اول مره اشوف نوره بذي الحاله
زيد : حتى انا
فجأه سمعوا صوت الجرس مره ثانيه
راكان : انا بفتح الباب
راح راكان وفتح الباب وانصدم
عبدالوهاب : و وووين ز ز زوجتي؟؟؟
راكان سحبه ودخله الحوش وقفل الباب وصرخ : جاينا سكران يالكلب
عبدالوهاب : مالك دخل
راكان اعطى عبدالوهاب كف وقال : عشان تصحى ياسكران
عبدالوهاب طاح بالارض
وجا ابو زيد وزيد برا وشافوا عبدالوهاب بذي الحاله وعرفوا ليه نوره ماتبيه وتبغى الطلاق
ابو زيد : اسمع ياعبدالوهاب ورقه طلاق نوره توصلها بكره سامع ولا لا؟
عبدالوهاب : ماني مطلقها!
ابو زيد اخذ عبدالوهاب ودفه ل برا البيت وقال : كلامي واضح
وقفل الباب بوجهه

وطلق عبدالوهاب نوره وانتهت قصه حبهم بنهايه حزينه وتوجع القلب

نرجع الحين للحاضر
ابو زيد : لازم نستشير نوره بالاول
عبدالوهاب : قول لها ياعمي اني تغيرت وابيها وخذ الورقه واعطيها ياها عشان تصدقني
راكان : تمام بس الوقت تأخر
عبدالوهاب فهم انها طرده محترمه من راكان وشكر ابو زيد وطلع من البيت

-

بغرفه ساره📍
ساره منصدمه : هو تحت؟؟
نوره : اييهه تحت
رهف : من عبدالوهاب
نوره تبكي : طليقي
رهف حضنتها ونوره فهمت رهف السالفه كلها
رهف : انتي قويه ربتي ولدك لوحدك وانتي اقوى منه ومابيك تبكين و قدام ولدك
ساره : ايه والله امسحي دموعك
ام زيد دخلت ومعها يوسف
ساره : امي عرفتي حاجه؟
ام زيد : لا والله
ابو زيد : عادي ادخل؟
ساره : ايه حياك
دخل ابو زيد ومعه راكان وقال : نوره تعالي ابيك شوي
نوره : حاضر
راح ابو زيد لمكتبه ومعه نوره وراكان

-

بمكتب ابو زيد📍
ابو زيد : امسكي ذي الورقه
نوره مسكتها وقرتها
ابو زيد : هذي ورقه تثبت انه عبدالوهاب وقف تعاطي من سنه ونص ودخل المصحه عشان يتعالج ويرجع لك انتي و ولدك
نوره سكتت
راكان : واحنا مابنرجعك له الا اذا وافقتي
ابو زيد : ولا تفكرين بنفسك بس فكري ب ولدك يوسف وعبدالوهاب مستعد يرجعك ويعيشك بأحسن عيشه
نوره : حسيت انه تغير؟
ابو زيد : اييه مرهه حتى ملامح وجه تغيرت
نوره : مدري بفكر
ابو زيد : اخذي وقتك
نوره : لو كلمك مره ثانيه قول له بعد زواج اخوي راكان بقول له رأيي لان ابغى انبسط بزواج اخوي
ابو زيد انصدم : بس باقي للزواج شهر ونص
نوره بهدوء: بفكر وباخذ وقتي بتفكير
ابو زيد ابتسم : على راحتك
طلعت نوره
ولحقها راكان وقال : نوره