ياعين لا تبكين وعيونه تنام

P 35

• سبحان الله
< لايك بليز عشان تدعموني استمر🤍🤍 >
—————————————————————————

دخلت رهف الغرفه وشمت ريحه غريبه
رهف : واضح الغرفه مغبره
جلست رهف فوق السرير وتتأمل ديكور الغرفه وجتها فكره تفتح الدولاب وتستكشف الي فيه ... والصدمه هنا
اول مافتحت رهف الدولاب شافت قطعه ملابس معلقه والدولاب فاضي
واخذت القطعه وكانت عباره عن فستان صيفي وتحس انها شافت ذا الفستان من قبل ... بعد ما تأملت رهف الفستان قررت تشمه وتشوف هل هو نظيف او لا ... اول ماشمته تذكرت ذي ريحه امها
ركضت وفتحت شنطتها وطلعت كل صور امها من الشنطه ( رهف تاخذ صور امها بكل مكان تروحه )
وجلست تدور بصور الليينن لقيت صوره امها بالفستان ... انهارت رهف وجلست عالارض تبكي ورجعت شمت الفستان عشان تتأكد
رهف : ريحه امي ريحتها!!
ايه ريحه ام رهف بس كيف وصل فستان ( زوي ) ام رهف لبيت ابو زيد وليه معلق بدولاب؟؟ كل هذي افكار داخل راس رهف المسكينه
اخذت شاور عشان تهدي نفسها وتستوعب المصيبه الي هي فيها ولبست بجامتها وجلست تفكرر ب احتمالات وافكار في راسها
..................
وبعد مده من الزمن
< صارت ساعه 11 بالليل >
طلعت رهف من الغرفه لان تبغى تتكلم مع احد مو قادره تكتم اكثر من كذا
راحت لغرفه ساره بس للاسف نايمه
كلمت بالواتس ساره بس برضو نايمه
وقررت تكلم راكان بالواتس لان هو الحل الوحيد

محادثه رهف وراكان ⬇️
رهف : راكان؟
راكان : هلا؟ ،، فيك شي؟
رهف : ابغى اكلمك بموضوع
راكان : تعالي انا برا
رهف : بالحوش؟
راكان : ايه بس تعالي من الباب الخارجي للمطبخ

سمعت رهف كلام راكان واخذت فستان امها وطلعت من باب المطبخ وانصدمت
شافت جلسه وقدامها بحيره حلوه والمنظر ماتقدر توصفه .... وراكان جالس بالجلسه ويتأمل المنظر
رهف : راكان
راكان فز : عيونه
رهف ابتسمت وجلست جنبه
راكان : ، وش فيه وجهك؟؟ فيك شي ياقلبي؟
رهف اعطت راكان الفستان وصوره امها
راكان ب استغراب : من ذي؟
رهف وهي تتأمل البحيره : امي
راكان سكت لانه مو فاهم الموضوع
رهف : لقيت الفستان بدولاب الغرفه
راكان انصدم : وش؟؟؟ كيف وصل الفستان
رهف : مدري عشان كذا جيت عندك
راكان : طيب متأكده ذا فستان امك؟
رهف : ايه وريحه امي فيه
راكان : كيف وصل هناا
رهف بكت : ليه كذا حياتي لييه
راكان جلس يواسي رهف
وفجأه سكت
رهف : ليه سكتت؟
راكان : هذا البيت كان ل جدي
رهف : امي تعرف جدك؟؟
راكان : لا ما اظن بس ابوي وعمي كانوا يجون له ايام المراهقه وجدي اشتراه لهم
رهف : طيب ليه الغرف مقفله؟
راكان : مو كل الغرف
رهف : هااا؟
راكان : بس غرفه الضيوف
رهف : وليه مقفلين غرفه الضيوف
راكان : هذا طلب عمي وحتى وصى الشغاله ماتفتح الغرفه ولا تقرر تفتحها
رهف بفضول : مافكرتوا تفتحوا الغرفه؟
راكان : لا لان لما كنا نجي ماكنا نحتاج لغرفه الضيوف ف مافتحناها وتخيلي احنا اخر مره جينا هنا من قبل لا يتزوج اخوي زيد
رهف تحاول تربط الاحداث والمواضيع : عندكم شغاله هنا؟
راكان : اييه زهره شغالتنا من اول ماسكنا البيت
رهف : لازم نسألها يمكن تعرف اشياء احنا مانعرفها
راكان : ايه بتجينا بكره الصباح
رهف تثاوبت
راكان : روحي ارتاحي
رهف : الغرفه مغبره وانا معي حساسيه
راكان : نامي بغرفتي
رهف : نعم؟
راكان توتر : نامي بالغرفه وانا بنام بصاله
رهف : لا ما ابغى
راكان : عندك حل ثاني؟
رهف : لا
راكان : اجل لا تنعاندين ونامي بغرفتي
نامت رهف بغرفه راكان
وراكان نام بصاله

-

اليوم الي بعده
وبصباح تحديداً..
ساره : راكانن راكان
راكان : وش تبغييننن
ساره : اصحى اصحى
راكان مارد
ساره : لييه نايم بصاله
رهف : عشاني
راكان فز
ساره ضحكت : اييه لما سمعت صوتها فزيتت
راكان : يارب صبرني
ام زيد : انزلواا ياعيال الفطور جاهز
نزلت رهف ومعها ساره
وجلسوا على سفره الفطور
ابو زيد : رهف كيف النومه هنا؟
رهف توترت : ماقدرت انام بغرفتي لان الغرفه مغبره وانا عندي حساسيه
ابو زيد ب استغراب : ليه الشغاله مانظفتها؟
نوره : نسيت يا ابوي؟ الغرفه ممنوع تدخلها الشغاله
ام زيد : بقول لها اليوم تنظفها
رهف : لا عادي انا بنظف الغرفه
ام زيد : لاا وش ذا الكلام؟ والشغاله وش فايدتها بالبيت؟
راكان : زهره الشغاله من اول ماعشنا بذا البيت وهي معنا صح؟
ابو زيد : اييه على ايام جدك الله يرحمه
افنان : اول مره اجي هنا
زيد ابتسم : وان شاء الله مو اخر مره
افنان اكتفت بالابتسامه
ابو زيد : يلا يا ام زيد
ساره : على وين
ابو زيد : امك ناقصتنها كم حاجه
ام زيد : مابنتأخر ، وقولوا لزهره تنظف البيت
نوره : حاضر
طلع ابو زيد ومعه ام زيد
زيد : وش ترتيب اليوم
نوره : بنروح السوق انا والبنات
راكان : لوحدكم؟
ساره : ايه
راكان عصب : على جثتي!
ساره : هاا
زيد عصب : تمزحون؟ من متى عندنا البنت تطلع لوحدها
نوره : قصدك بنات
راكان : فرق يعني
ساره : اقول لا تستشرفون احسن لكم وبعدين بالرياض عادي نطلع لوحدنا وننبسط وماشوف ولا واحد فيكم تكلم!
راكان قرب من ساره وقال بنبره حاده : لا تقارنين الرياض ب اسطنبول سامعه؟؟
افنان تأففت وراحت غرفتها وزيد لحقها
ساره : شفت كله منك
راكان : ساره يرحم امك اسكتي ترا انا نقطه وانفجر
نوره خافت على ساره : خلاص خلاص بتسكت
ساره : ومن حطك المحامي حقي!!
نوره عصبت وسحبت ساره غرفتها
وراكان طلع برا وجلس بالجلسه الخارجيه وطبيعي رهف لحقته

-

بغرفه زيد وافنان📍
افنان بكت : يعني مانطلع؟؟
زيد : افهميني ماقلت لا تطلعوا بس لازم يكون معكم رجال
افنان : ورجال هو راكان
زيد : ليه وش فيه اخوي؟
افنان : مافيه شي بس ابغاك انت
زيد : اهااا فهمت
افنان : متى اخر مره طلعنا مع بعض؟ ، زيدد احسن فاقدتك وانت جنبي
زيد : ابشري الحين بطلعك لاحسن مكان بتركيا
افنان انبسطت وحضنت زيد
ودخل ولدهم ( سعد ) الغرفه وبرضو حضن ابوه
زيد : بناخذه معنا تمام؟
افنان : تمام
زيد : يلا اجهزي انا بنتظرك تحت
وطلع من غرفته

بغرفه ساره📍
نوره : اعقلي مانبغى مشاكل
ساره : وش سويت انا!
نوره : تعرفين اخوانك انتي
ساره : اااففففف
افنان دخلت الغرفه...
افنان : جيت اقولكم اني مابقدر اطلع معكم
ساره : ليه؟
افنان : بطلع مع زيد وسَعودي
نوره ابتسمت : انجوي
افنان ابتسمت وطلعت من الغرفه
ساره : ياربي
نوره : وش
ساره : كنت ابغى زيد يطلع معنا!
نوره : زيد ولا راكان كلو واحد
ساره : زيد يعطينا وقتنا اما راكان دايم مستجعل
نوره : احمدي ربك عندك اخوان زيهم
نوره : اف

عند رهف و راكان📍
طلعت رهف وشافت راكان جالس ويدخن
رهف عصبت واخذت منه الدخان ورمته عالارض وداست عليه
راكان صرخ : انتي وش تسوين!!!