ياعين لا تبكين وعيونه تنام

P 23

• سبحان الله
< لايك بليز عشان تدعموني استمر🤍🤍 >
—————————————————————————

زيد : ماشوف كلام راكان عيب من حقه يطلب الشوفه الشرعيه
ام زيد : طيب بشوف مع ام محمد
ابو زيد : دام الوضع كذا يوم الخميس بنروح الخبر
نوره : كلنا؟
ابو زيد : ايه
نوره : ليه ما تاخذ راكان وامي وتروحون واحنا نجلس بالبيت هنا
ام زيد : لا والله؟
ابو زيد : كيفكم
ساره : يارب صبرني احس جايتنا مصايب
ام زيد : اسكتي يام لسان لازم تفرحين لاخوك
ساره وهي تسوي ذي الحركه ب ايدها ✋🏻✊🏻✋🏻✊🏻 : من قال اني مو مبسوطه بالعكس طايره من الفرحه
نوره وزيد ميتين ضحك وام زيد مافهمت : وش فيكم تضحكون؟؟
نوره : لا ولاشي

-

ساعه 7 بالليل
وبأحد مطاعم الرياض📍
كان راكان جالس مع خويه خالد
خالد : وانت ببساطه وافقت؟
راكان : في حل ثاني؟
خالد : بس مايصير تاخذ بنت ماتبغاها
راكان : عشان امي ياخالد
خالد : حتى لو امك انت الي بتعيش مع البنت ولا امك؟
راكان عصب : لو كنت بمكاني بتفهم وبتحس فيني
خالد : اسف بس ما ابغاك تزيد هم فوق همومك ياصاحبي
راكان سكت وماعرف وش يقول لان كلام خالد صحيح بس عشان امه كل شي يهون

-

يوم الخميس
في بيت ابو محمد بالخبر📍
وصل ابو زيد وام زيد ومعهم راكان علشان يخطبون شهد رسمي
.....
وفي مجلس الرجال
ابو زيد : الي تبغى العروسه بيصير
ابو محمد : شوف يابو زيد احنا مانبغى نكفل عليكم
ابو زيد : مابينا يابو محمد خلاص بنتكم بتصير بنتنا
ابو محمد ابتسم
راكان جالس على اعصابه ومتوتر
ودخلت شهد المجلس وهي مستحيه وعيونها بالارض
راكان مو مصدق ذي بتكون زوجتي؟ يعني هي جميله ومحترمه بس راكان ماتقبلها ومستحيللل يتقبلها
قعدت شهد جنب راكان بنهايه المجلس ... وابو زيد وابو محمد و ومحمد ببدايه المجلس
شهد طفشت من سكوت راكان : راكان
راكان التف عليها يس مارد
شهد : طيب اذا جيت الرياض ابغى اشتغل
راكان : طيب؟
شهد : استأذن منك لانك خلااص بتصير زوجي
راكان : ماعندي مشكله
شهد وهي تحاول تلفت انتباه راكان : طيب ماقلت لي وش رايك بالفستان
< شهد لابسه عبايه وتحتها فستان سماوي وطوله تحت الركبه بشوي وشوي من صدرها باين وحاطه الطرحه على شعرها بس كذا >
راكان اكتفى بالابتسامه وضايق صدره وينتظرها متى تسكت لان مو متقبلها
وحاولت تسولف معه وراكان يحاول يتفاعل معها بس مو قادر
....
قرروا اهل راكان واهل شهد انه العرس والملكه بيوم واحد وحددوا الموعد

-

بالندن📍
وتحديداً بيت ابو وجد
وجد لاحظت ملامح وجه رهف وهي تتأمل الكتاب بضيقه
وجد : وش فيك؟
رهف : مدري ياوجد احس بضيقه بصدري
وجد : كذا بدون سبب
رهف : ايه
وجد : بسم الله عليك
رهف حاسه بأن شي مو كويس بيصير بس وين ومتى؟

-

بعد 4 شهور تقريباً
وبوسط ايام الشتا والبرد
كانت رهف لوحدها بالبيت و ب ايدها كوب قهوه
وتتأمل الثلج الي ينزل وتتذكر ايام الرياض واكيدد حنت لذي الايام الحلوه ... فجأه سمعت جرس البيت
وانصدمت لان ماتنتظر احد بهذا الوقت ... حطت كوب القهوه فوق الطاوله وراحت عند الباب وقالت بالانجليزي : من؟

/ولا رد/

خافت بس بنفس الوقت حست بقوه في قلبها وقررت تفتح الباب والصدمه ....

رهف مصدومه : خالدد؟
خالد : ممكن ادخل؟
رهف بتوتر : بس انا لوحدي بالبيت
خالد : رهف والله موضوع مهم