ياعين لا تبكين وعيونه تنام

P 11

• سبحان الله
< لايك بليز عشان تدعموني استمر🤍🤍 >
—————————————————————————

الكل ضحك و اولهم رهف وكانت نظرات راكان لرهف نظرات مليانه شكر وتقدير
وطبعاً خالد وزيد ماقالوا لابوه زيد ولا ل اهل راكان عن الحادثه ولا عن الرصاصه الي كانت بكتفه
راحوا اهل راكان ومعهم رهف ومابقى بالمستشفى غير خالد
راكان : خالد
خالد : هلا
راكان : اخذت كوب شاهي من بيت الرجال والواضح انه رجال شرب منه
خالد : قصدك عينه للفحص؟
راكان : ايه
خالد : كيف اخذته؟
راكان : شفته فوق الطاوله واخذته قبل مانهرب
خالد : كفوو عليكك بس وين الكوب؟
راكان : بسيارتك وبالمقعد الي كنت جالس عليه
خالد : الحين رايح اخذه واسلمه لشرطه
-
في بيت ابو زيد📍
وبتحديد بغرفه ساره
ساعه 11 بالليل
نوره : يوسف تعال
ساره : ابلشنا ذا البزر
افنان ضحكت : وش فيك عليه
نوره حضنت ولدها : فديته حارق دم بعض الناس
ساره : اسكتي وبعدين رهف بتنام بغرفتي اليوم صح رهف؟
رهف ابتسمت : والله عادي انام ب اي مكان انا
افنان : ايه يا بنات ماقلتوا لي وش صار
ساره ونوره : وش صاار
افنان ضحكت : اسألكم انا
ساره : اخوي راكان بخير وهذا بفضل رهف
رهف ابتسمت
نوره : رهف فيك شي؟
رهف كانت تفكر ب راكان : لا بس ابغى انام
ساره : يلا بنات كل روحوا لغرفكم ضيفتي تبغى تنام
نوره ضحكت وطلعت من الغرفه ولحقتها افنان
-
بغرفه ام زيد و ابو زيد📍
ابو زيد : يام زيد
ام زيد : هلا
ابو زيد : النوم ماجاني
ام زيد : ولا انا
ابو زيد : البنت الي اسمها رهف تحسين وراها شي
ام زيد : يابو زيد انت ماتعرف البنت ولا جلست معها انا جلست وتعرفت عليها مسكينه يتيمه لا تعرف وابوها ولا اهل ابوها وتبغى مساعدتنا
ابو زيد : قسيت عليها؟
ام زيد : كثييرر وانت ماشفت منها الا كل الخير
ابو زيد سكت وكان مرره ندمان وقرر يعتذر لها بكره الصباح
-
< بعد ساعتين >
كل البيت نايم الا رهف تتقلب يمين ويسار بس ماقدرت تنام وقررت تروح المطبخ لانها تبغى تشرب حليب دافي ونزلت رهف بالدرج شوي شوي وكانت خايفه مرهه ودخلت المطبخ وفجأه سمعت صوت
رهف توترت وجتها ام الركب لان محد صاحي فالبيت غيرها! الا تسمع ضحكه راكان وهنا ماحست بنفسها وطلعت من المطبخ وكانت مستعجله تبغى تشوف اذا الصوت الي سمعته صح ولا لا واكتشفت انه صح
شافت راكان جالس بصاله لوحده
وراحت تجلس جنبه وهي منصدمه : كيف جيت؟
راكان انصدم : خالد وصلني وانتي ليه صاحيه؟
رهف تنهدت : ماجاني النوم لان كنت افكر
راكان : ب وش
رهف : مو شي مهم لا تشغل بالك
راكان وقف وحاول يركب الدرج بس رهف مشت بسرعه عنده ومسكت يده عشان تساعده
راكان فز وحس بشعور غريب وقلبه بنبض بسرعه وحس انها مررهه قريبه منه
اما رهف كان الوضع عادي عندها لان عايشه ب بيئه مختلطه طولل حياتها ف اذا مسكت يد رجال علشان تساعده شي طبيعي بنسبه لها
راكان استوعب الي صار وبعد يده عنها
رهف : راكان بساعدك
راكان : لا عادي
رهف توترت : تمام براحتك
راكان خل توازنه وطاح ورهف على طول مسكته وقالت بنبره حاده : عنادك ذا مو لمصلحتك
راكان سكت وماعرف وش يقول
و ساعدته رهف لين وصل لغرفته
راكان بهدوء : رهف ابغاك بموضوع
رهف خافت : وش موضوعه ب اخر الليل
راكان ضحك : انتي شايفه حالتي؟ خايفه اسوي لك شي يضرك؟
رهف : الي عاشته امي سبب لي عقده
راكان : والله العظيم الي فبالك مابصير
رهف تطمنت ودخلت غرفته وجلست عالكنب
وراكان جلس فوق سريره وتنهد وقال : ماسألتي نفسك كيف نزفت؟
رهف : الا سألت وكنت ابغى اسألك
راكان : دخلت رصاصه بكتفي
رهف شهقت : كييففف
راكان فهمها الموضوع كامل ورهف كانت مصدومه
راكان : والصدمه انه الكوب مو موجود بسياره وهذا الي شاغل تفكيري!
رهف : وين راح؟؟
راكان : اظن الرجال عرف كل شي
رهف : ليه تخاطرون بنفسكم ليه
راكان بنبره كلها حنيه : عشانك يارهف عشانك
رهف بخوف : بس انتو ماتعرفون من ذا الرجال واصلا كيف عرفتوه انه هو الق.اتل؟
راكان : الرجال ذا كان صاحب عمي الروح بالروح ايام بعثه عمي ولما رجعوا الرياض صارت بينهم خلافات كبيرهه وهو عدوه الوحيد ف احتمال كبير يكون هو القا.ت.ل
رهف خافت
وقالت بنبره طفوليه : طيب اخاف يصير فيكم شي بسببي!