ياعين لا تبكين وعيونه تنام

P 30

• سبحان الله
< لايك بليز عشان تدعموني استمر🤍🤍 >
—————————————————————————

رهف ضحكت : ادخل ادخل
راكان : وش تسوين هنا لوحدك
رهف جلست عالارض : ماجاني نوم وقلت اجلس اتأمل النجوم
راكان جلس جنبها : ليه ماجاك
رهف : افكر
راكان ضحك : فيني صح؟
رهف ضحكت وبعدين شافت وجه راكان وسكتت
راكان : ليه سكتي ابغى اسمع الضحكه الي اصير إلها فداا واروح
رهف : تعورت؟
راكان : قصدك الي بوجهي؟
رهف : ايه
راكان : ماعليك انا لما اعصب ما احس
رهف : ليه تعصب؟
راكان تنهد : كان يبغى ياخذك مني
رهف استغربت : احمد؟؟
راكان عصب : يخسي ياخذك وانا موجود
رهف سكتت
راكان : انا جاي اكلمك عشان ذا الموضوع
رهف : ايه؟
راكان : ابيكك يابنت الحلال
رهف : كيف يعني
راكان : اتزوجك وتصيرين حلالي
رهف : بس انا للحين صغيره!
راكان : عادي
رهف سكتت
راكان : يعني موافقه؟
رهف : اقولك صغيرره حتى جامعتي ماخلصتها
راكان : طيب؟
رهف : وش الي طيب؟
راكان : بدخلك احسن الجامعات الي بالرياض يلا الحين وش عذرك؟
رهف عيونها مليانه دموع : خايفه
راكان بحنيه : افاا يارهف تخافين من ايش وانا معاك؟
رهف : اخاف الي صار بالماضي يتكرر
راكان : مستحيلل انا مستعد اصونك واحميك واصير لك الاب والام والاخ والاخت وكلل حاجه انا مستعد ابيعك الدنيا عشانك يارهف وانا ما ابغى احد ياخذك مني نفس الكلب احمد
رهف ضحكت : طيب لاا تسب
راكان ضحك : كلبب يدري اني ابغاك وحاط عيني عليك ويبغى ياخذك مني!
رهف : انت قلت له؟
راكان : ايه بعدين افهمك السالفه
رهف سكتت وكانت تفكر ب اهل ابوها
راكان : قولي الي ببالك
رهف : اهل ابوي
راكان سكت
رهف : وش فيك
راكان : اخاف يكسرونك
رهف : طيب ابوي للحين مسجون؟
راكان : ايه
رهف : ابغى اروح عنده
راكان انصدم : من جدك انتي؟
رهف : ايه
راكان : طيب بحاول اخذك بكره
رهف ابتسمت : صدق؟؟
راكان ابتسم : ايه عيوني لك ، بس موافقه؟
رهف غطت وجهها : بفكر
راكان ضحك : استحتت استحت
رهف : بس بس
راكان تنهدد تنهيده طووييله
رهف : وش فيك
راكان انسدح على ظهره وتأمل النجوم وقال : اتذكر اول حوار بينا
رهف ضحكت : كنت خايفه منك
راكان ضحك : واخيرا اعترفتييي
رهف : شخص غريب اكيد بخاف منك
راكان : الحين ماتخافين مني؟
رهف ضحكت : شويه
راكان ضحك : اهخ منك

-

اليوم الي بعده...
في بيت ايو زيد📍
وعلى سفره الفطور
زيد يسولف مع ابوه عن الشركه
راكان : ابوي
ابو زيد مارد
راكان انتظره يرد ولكن مارد
ابو زيد وقف : الحمدلله ، انا فالمكتب
" اليوم يوم السبت وابو زيد مابيروح الشركه بحكم انه ويكند ف كل يوم جمعه وسبت يجلس بالمكتب الي بالبيت ثلاث ساعات او اكثر علشان يخلص شغله ومرات زيد يجلس معه بالمكتب "
الكل سكت وراكان كان على اعصابه بس ما استسلم ولحق ابوه

-

بمكتب ابو زيد📍
دخل راكان المكتب وجلس عالكرسي وقال : ابوي
ابو زيد : الناس يستأذنون قبل لا يدخلو
راكان : اسف والله اسف
ابو زيد : فشلتني قدام اخوي و ولده!!!
راكان : هو استفزني بالاول
ابو زيد : وش قال؟؟ يبغى يتزوج رهف
راكان سكت
ابو زيد : ودك تقول لي شي؟
راكان تنهد : ايه
ابو زيد : قول
راكان : ابغى رهف على سنه الله ورسوله
ابو زيد : واناا اقول ليه ولدي عصب لما سمعت احمد يقول يبغى يتزوجها
راكان سكت
ابو زيد : واثق انها بتكون زوجه وام صالحه
راكان : كيف مافهمت؟
ابو زيد : فاهم قصدي انت ، البنت عاشت ببيئه غير بيئتنا و...
راكان قاطع ابوه : بس عاشت معنا وتأقلمت وفهمت عادتنا وتقاليدنا ومر ذنبها انها عاشت ببيئه غير عن بيئتنا وانا واثق انها بتكون ام صالحه لعيالي وبتربيهم احسن تربيه
ابو زيد : طيب مايصير تاخذها كذا ، البنت عندها اهل ولازم نستشيرهم ونستشيرها
راكان : اهل؟ ابوها بسجن وامها متوفيه
ابو زيد : طيب اكيد عندها خوال
راكان : ماعندها
ابو زيد : عندها عم
راكان : كيف عرفت؟
ابو زيد : نسيت طارق كان صاحب عمك؟
راكان : بس انا مو مستعد اخليها تنكسر وتنهان بسبب اهل ابوها
ابو زيد : طيب
راكان سكت
ابو زيد : لازم نستشير ابوها
راكان ابتسم : اييه الحين فهمتني
ابو زيد : بكلم الضابط طلال بشوف اذا نقدر نروح له اليوم
راكان : نروح؟
ابو زيد : اي بروح معكم عندك مشكله؟
راكان توتر : ..