ياعين لا تبكين وعيونه تنام

P 7

• سبحان الله
< لايك بليز عشان تدعموني استمر🤍🤍 >
—————————————————————————

يوم الجمعه ساعه 10 الصباح
صحت رهف على صوت صراخ وبكي
التفتت عشان تشوف نوره جنبها بس ماشافتها
اخذت روب الحمام كان عالارض ولبسته لان ملابسها مو ساتره وتخاف يعلقون على لبسها ونزلت شوي شوي وكل ماتنزل تسمع صوت البكي اقوى من قبل ونزلت وشافت الكل بصاله
وابو زيد شافها وقال : استغفرالله
وهي حاولت تستر نفسها
افنان وعيونها مليانه الدموع : تعالي اجلسي
رهف ببراءه : ليه تبكون
عيون راكان مابعدت عنها ولا دقيقه والكل لاحظ
ابو زيد : ياعيال قولوا لها
رهف خافت
زيد : عمي ناصر اعطاك عمره
رهف ملامح وجها البريئه تغيرت وبنبره حاده : تكذبون علي لانكم ماتبوني صح؟
ام زيد : يابنتي اجلسي ولا تعورين قلبي عليك
ابو زيد عصب : تفهمين عربي؟ يقولون ابوك ميت من ثلاث شهور والشرطه اليوم حصلوا جث.ته
رهف خنقتها العبره وماعرفت وش تسوي
راكان : ابوي ليه تعصب عليها
ابو زيد : يا راكان ماني فاضي لك والله
رهف انهارت بكي والكل انصدم من طريقه بكاها وقالت : املي الوحيد راح؟
نوره ركضت وحضنتها ورهف كانت تبكي بصوت عالي
راكان قلبه عوره عليها وماعرف وش يسوي
ابو زيد : يام زيد تجهزي العزا في بيت ابو احمد
ام زيد : كيف اروح واخليها لوحدها ماتشوف حالتها؟
رهف : بجي معكم
ام زيد : اذا رحتي وش يقولون عنه الناس
نوره فهمت قصده : انا بعطيها عبايتي
زيد : الرجال مات ومايهم وش يقولون عنه الناس
رهف مو مصدقه انه مات وحضنت نوره بقوه
ابو زيد : يازيد احنا مو متأكدين اذا هو ابوها ولا تكذب
رهف التفت عند ابو زيد وعيونها مليانه دموع : دليل واعطيتكم كيف اكذب؟
زيد توتر : احنا اخذنا عينه من ابوك ونبغى عينه منك
رهف : اختبار DNA?
راكان : ايه يارهف
الكل انصدم كيف عرف اسمها؟ و اولهم رهف
رهف مسكت شعرها بقوه واخذت خصله صغيره واعطت ابوزيد وقالت بعصبيه ودموعها على خدها: انا مو كذابه ولولا حاجتي لابوي ماجيت ولا شفتو وجهي
ابو زيد بعصبيه : اسمعي والله اذا ما احترمتي بيتي وسمعتي كلمتي بقولك كلمتين بيتي يتعذرك
ام زيد : يابو زيد استهدي بالله احنا عيال اصول مانطرد الضيف
راكان : يابوي انت ماتعرف وش هي ظروفها وماتعرف احد غيرنا هنا
رهف بكت : ما ابغى اكون حِمل ثقيل عليكم
ابو زيد صرخ وماحترم مشاعرها : احنا نسوي كل هذا عشانك ولا اخوي ناصر متبريين منه من زمااان ولا نبغى نسمع اخباره الي تسد النفس
رهف خافت من ابو زيد وماعرفت وش تقول وبنفس الوقت مو مصدقه خبر موت ابوها وهي هذا ابوها ولا لا
ابوي زيد طلع من البيت
وسحب معه زيد : بروح استعجلهم وبالكثير ساعتين ونتيجه تطلع ونشوف الحقيقه
وطلع
ساره : من جت والمشاكل كثرت
رهف صرخت : انتي وش مشكلتك معي
نوره : يارهف ماعليك منها هذي ام لسان
راكان صرخ : والله ياساره لو ماسكتي لا اندمك البنت مفجوعه من صراخ ابوي ومن خبر موت ابوها كيفف لك قلب تتكلمين معها بهالطريقه ماعندك احساس انتي؟
ساره زعلت من كلام اخوها وراحت فوق لغرفتها
راكان تنهد
ام زيد : يا راكان اذكر ربك واجلس مو زينه العصبيه عليك
راكان : لا يا امي بروح عند ابوي وزيد
وطلع
رهف مصدومه من الي صار وماعرفت وش تسوي
وركضت فوق وراحت غرفه نوره وانسدحت فوق السرير ومن كثر البكي نامت لعلها رحمه من ربي ليطمئن قلبها وترتاح
-
بمركز الشرطه📍
راكان : كيف يعني مو بنته
الضابط : هذي النتيجه
ابو زيد : عرفتها كذابه الحمدلله ربي كشفها
زيد : يابوي في غلط فالنتيجه
الضابط : لا هذا الاختبار دقيق والنتيجه الي قلتها صحيحه
راكان عصب وانفجر على الضابط