ياعين لا تبكين وعيونه تنام

P 16

• سبحان الله
< لايك بليز عشان تدعموني استمر🤍🤍 >
—————————————————————————

طارق : ايه
رهف : كيفف تعرف امي؟؟؟
طارق : اجلسي
رهف ماردت
اسامه صرخ : يقولك اجلسي
رهف بعناد : اول فكو قطعه القماش الي فوق عيني
طارق : يااسامه
اسامه فهم و فك قطعه القماش وشافت رهف طارق وخافت لان ملامح وجهه غريبه وفي جرح كبير بحواجبه وضخمم والمكان الي فيه عباره عن خيمه بوسط البر
طارق : اسامه اطلع
اسامه : اذا بغيت شي كلمني
وطلع اسامه
طارق :اسمعي كلامي للاخر ولا تقاطعيني اذا تبغين تعرفين انتي ليه هنا وانا كيف عرفت امك .... قبل 19 سنه سافرت انا وصاحبي للندن لدراسه وانا كنت متزوج وصاحبي خاطب له وحده وكانت سفرتنا سنتين دراسه وبالعطل والويكند نروح الرياض عند اهلنا وبعد سنه من الدراسه وابتدت السنه الثانيه لنا بالجامعه وكانت اموري ماشيه تمام اليينن صادفت بنت ماقدرت انسى ملامحها وكان اسمها زوي
هنا رهف شهقت وقالت : هذا اسم امي!
طارق عصب : انتي ماتفهمين عربي؟ اقولك لا تقاطعيني
رهف سكتت
طارق كمل كلامه : اعترف اني حبيتها وهي بادلتني نفس الشعور ودامت علاقتنا شهرين وقررت اتزوجها وتصير حلالي ولكن كان شرطي الوحيد مانجيب اطفال وهي وافقت وتزوجتها وكنت احاول ادخلها الاسلام لاني ابغى اخذها معي الرياض ويصير زواجنا بالعلن ولكن هي رفضت ... تخرجت وقلت لاهلي بجلس اسبوعين باللندن عشان اوراقي بس بالحقيقه كنت ارتب اوراق زوي عشان تجي معي الرياض وهي ماتدري عن هالشي وبيوم من الايام تجي عندي وهي تبكي وتقول انا حامل وانا عصبتت لان هذا ماكان اتفاقنا وتضربنا وقررت بالليل اهرب وارجع الرياض ومن هنا انقطعت اخباري عنها
رهف بكت : وكيف وصلت صور ناصر لعند امي؟ وبعدين كيف اصدق انك ابوي
طارق : انتي لو تسكتي شويه بتفهمين كل شي! لما وصلت الرياض اكتشفت انه اهلي عرفوا عن الموضوع وانا ما ابغى اخرب حياتي خصوصاً انه زوجتي الاولى كانت حامل بطفلي الثاني فقررت اهدد ناصر بالقتل وبعد هددته ب اهله وهو الغبي خاف وانتشرت سالفه ناصر الي انا الفتها
رهف : وش هي السالفه
طارق ابتسم : ناصر زاني وزنى مع بنت بس مايدرون انه البنت حامل وطبعا. البنت هي امك
وبعدها ضحك : وقلت له يهدد امك اذا قالت شي عني بذبح الي في بطنها وامك تعرفني زين وتعرف اني مجنون والي براسي اسويه ف اخذت صور ناصر وعنوان بيته عشان تعطيك اذا كبرتي وبعدد سنواات قرر ناصر يقول الحقيقه بس يا حراام قت.لته ورميته رميه الكلاب بالبر
رهف بكت : مبسوط على الي سويته؟ حسبي الله عليك ودعوه الظالم مستجابه الله يذوقك كل الي ذقته بسببك خسرت امي وخسرت الي كان مستعد يربيني الله ياخذ حقي منك وياخذ حق امي وناصر منك يالخبيث الناس تتعذب بسببك وانت مرتاح بحياتك؟ جعل ماتشوف الراحه بحياتك جعل حوبتي ماتتعداك
طارق صرخ ورفع السلاح عند وجه رهف وصرخ : ياقوه قلبك يارهف ذي كلها من تربيه امك الوصخه
رهف : بتخوفني بالسلاح؟ يلا انا ماعندي شي اخسره ابغى اشوف قوتك يالخبيث
وفجأه سمع سلطان والعيال صوت طلقتين وراحوا عند الخيمه الي كانت فيها رهف وابوها طارق!
-
زيد ومحمد بسياره وكانوا لاحقين سياره الشرطه وفجأه يلمحوا سياره بعيد واقفه ويطلع محمد من السياره ويصرخ : هناا هناا
وينزل محمد ومعه زيد ويركضوا عند السياره والشرطه وراهم ويشوفوا راكان مغمي عليه والسياره كلها د.م
زيد : اتصلوا عالاسعاف
محمد قرب من راكان وكان يهزه لعل وعسى يصحى : راكان اصحى اصحى
الضابط : عايش؟
زيد قرب اذنه من صدر راكان وصرخ : عااايش
محمد : الحمدلله
زيد ب استغراب : رهف وينها؟