ياعين لا تبكين وعيونه تنام

P 9

• سبحان الله
< لايك بليز عشان تدعموني استمر🤍🤍 >
—————————————————————————

راكان عصب : بطلع وصدقني يابوي بتندم على كل كلمه قلتها
ابو زيد : كيف تكلم ابوك ياكلب كله من امك دلعتك واعطتك وجه ولا انت ماينفع معاك الا ضرب ياقليل الادب ،
واشر على رهف : وانتي لو شفتك عند باب البيت ول اوريك من هو ابو زيد
راكان : والله ياب...
رهف قاطعته وصرخت : جيت وانا ماعرف احد هنا غير العنوان الي اعطته لي امي قبل ماتموت وقالت هذا عنوان بيت ابوك جيت اول مره اشوف وطني الي ماعشت فيه ولا شفته بحياتي جيت وانا خايفه ارجع مكسوره ومحد يصدق قصتي جيت وانا ادور الامان والاستقرار... الامان الي عمري ماذقته ولا شفته بحياتي طول 18 سنه الي عشتها وكل الي خايفه منه صار خسرت امي وخسرت الشخص الي مفروض يكون ابوي والله ياعمي لو تعيش الي عشته تستحي تقول كلمه من كلامك الي قلته الحين
ومسحت دموعها وقالت : الله يسامحك
وركضت غرفه نوره
ونوره وساره راحوا وراها
ام زيد : حرام عليك تنزل دمعه من يتيمه
راكان عصب وطلع وجلس بالمجلس الخارجي ومكسور وشايل هم رهف المسكينه ومايدري وش بتسوي بكره
< ساعه 12 بالليل >
البيت كله نايم
الا راكان كان جالس بالحوش ويتأمل القمر ويدخن ويحاول يرتب افكاره
سمع راكان صوت رقيق يناديه : راكان
راكان التف وشاف رهف وابتسم : لبيه
رهف جلست جنبه وقالت بكل براءه : ليه الدخن انت ماتعرف وش اضراره؟
راكان : الدنيا تبغى ادخن وش اسوي انا
رهف : متضايق من ابوك؟
راكان تنهد : والله يارهف ماقدرت انام بسبب الضيقه
رهف رفعت راسها وتأملت النجوم : شفت مجموعه النجوم
راكان : اي شفتها
رهف : شوف كيف قراب من بعضهم كأنهم عيله وحده
راكان : سبحان الله
رهف : وشفت النجمه الوحيده؟
راكان : وينها
رهف : هناا هنا
راكان : اي شفتها
رهف : هذا انت اذا ماقَدرت نعمه ابوك واهلك بتصير وحيد ومنبوذ مثل هذي النجمه ومثلي
راكان انصدم من كلامها وحس بحزن عليها
رهف : ماعرفت وش معنى ام واب الين جيت عندك وعشت هالشعور بنفسي صح انتو مو اهلي بس خواتك وامك حسسوني اني وحده منكم وفيكم وانت واخوك ماقصرتوا
راكان ابتسم : يارهف والله نحس انتي جزء من هالبيت صح ماجلستي معنا الا يومين بس تعودنا عليك
رهف ابتسمت : فيكم الخير والله
راكان ضحك : شفتي كيف الصدف جابتك لبيتنا
رهف : اول ماشفتك انصدمت وقلت ياربي انا وين شفته
راكان : افاا يارهف نسيتيني
رهف : مانسيتك
راكان : ولا انا مستحيل انساك
رهف ابتسمت : بروح انام
راكان : تصبحي على خير
رهف : تلاقي الخير
وابتسمت ابتسامه طفوليه ودخلت البيت
اما راكان كان ذايبب من الابتسامه وكان مراا مبسوط
وتذكر انه بكره يمكن يفارقها وقرر يتصل على خالد ويحل الموضوع
-
ساعه 2 بنص الليل البيت هادي وتقريباً الكل نايم الا راكان جالس بسياره صاحبه خالد و ينتظرون زيد
زيد دخل السياره وهو متوتر
راكان : معك سلاحك؟
زيد : ايه بس مو فاهم الخطه
خالد : الحين بتفهم
< وبعد نص ساعه >
وصلوا لحاره شبه مهجوره وقفوا تحت شجره كبيره وكانت عينهم على بيت قديم
زيد ب استغراب : وش ذا البيت
خالد : صاحب البيت معه سر كبير
زيد : وانت وش عرفك
راكان : زيد لا تعصبني معه سر كبير وخلاص
خالد : ياعيال ركزوا انتو ماقلتوا انه عمكم كان طيب ورجل مافي مثله بس اصدقاء السوء لعبوا براسه؟
زيد وراكان : ايه
خالد : هذا واحد من اصدقاء السوء وله يد بموضوع موت عمكم
راكان : يعني هو القات.ل
خالد : ماتأكدت من هذي النقطه
زيد عصب : اجل ليه جايين هنا بنص الليل وانت مو متأكد
خالد : لان يمكن يكون ابوها
راكان شهق : ابو رهف!؟؟؟
زيد ب استغراب : كيففف كيف
خالد انتبه في سياره وقفت عند البيت
خالد : اصص اص بعدين افهمكم
وجلسوا بهدوء يراقبون السياره وشافوا رجال بنص الاربعينات نازل من السياره ومعه رجال ثاني والواضح انه مو سعودي وكان يسولف معه وبعدها راح الرجال الثاني الي كان يسولف معه ودخل الرجال بيته
زيد : طيب الحين وش نسوي
راكان : وش فيك مستعجل على رزقك
خالد : انزلوا
زيد : ها؟
خالد نزل من السياره : بتجون معي ولا لا
راكان : جايين
نزلوا راكان وزيد من السياره وراحوا ورا البيت
خالد : شفتو هالحفره الي بسور البيت؟
راكان : ايه
خالد : بندخل منها للبيت
زيد : ماتكفي
خالد : الا تكفي
دخل خالد حوش البيت ولحقوه العيال ولكن راكان انجرح برجله من الحجر الي بالارض
وسمعوا صوت جاي عندهم
خالد : زيد سلاحك معاك صح؟
زيد توتر : ياعيال الموضوع مو عاجبني
راكان عصب : اصطلب يازيد
خالد : اسكتوا اسكتوا
وصوت كل ماله يزيد والعيال توترو فجأه تمشي قطوه كبيره بجنبهم ويكتشفون انها مصدر الصوت
راكان ضحك هو وزيد
خالد : الحقوني
وشافوا شباك مفتوح ودخلو البيت من الشباك
وصار هدوء
خالد بهدوء : اجلسوا هنا ولا تتحركوا بشوف اذا الرجال نام ولا لا
راكان : عندك السلاح؟
خالد : ايه
وراح خالد
زيد : انت ليه جايبني معكم
راكان : لان معك السلاح
زيد : طيب حتى خالد عنده
راكان : اسكتت
< وبعد دقايق >
جاهم خالد وهو متوتر ومعه خبر بيصدمهم
راكان : وش فيه وجهك!
خالد : الرجال مو بغرفته!!!!