ياعين لا تبكين وعيونه تنام

P 10

• سبحان الله
< لايك بليز عشان تدعموني استمر🤍🤍 >
—————————————————————————

زيد : احلفف
راكان توتر : اكيد عرف انه احنا هنا
خالد : بسرعهه يلا نطلع
الكل طلع الا راكان
خالد : وش تنتظرر اطلعع
راكان ركض وطلع من الشباك وركب السياره تحركوا للبيت
زيد عصب : مدري ليه خاطرت وجيت معكم
خالد : ياعيال في سياره ورانا
فجأه صار صمت و الوضع يوتر واكتشفوا العيال انه السياره تلحقهم
زيد : دوسس ياخالد
راكان : زيد ابغى سلاحك
زيد اعطى راكان سلاحه وراكان اخذ السلاح وفتح شباك السياره وطلع نص جسمه من الشباك و وجهه السلاح امام السياره وابتدا يطلق عالرجال والصدمه كانت لما اكتشفوا العيال انه في اكثر من رجال بسياره الي وراهم وابتدوا يطلقون على سياره خالد وبتحديد راكان
راكان صرخ : اهخخخ
زيد سحبه ودخله داخل السياره : وشش فيك
فجأه شافوا دم بملابس راكان وللاسف راكان انصاب بكتفه والدم كان مراا قوي وكان ينزف
خالد عصب وحاول يضيعهم
و زيد اخذ التيشيرت حق راكان ولفه على مكان النزيف وحاول ويوقف النزيف لان راكان نزف كثييرر وراكان كان يصارخ ويتألم
< وبعد ساعه >
الحمدلله السياره الي وراهم اختفت
خالد : الحمدلله ، زيد شوف موجودين ورانا؟
زيد : لا شكلهم ضاعوا
والحمدلله وصلوا المستشفى ودخل راكان العنايه المركزه ولانه نزف مره كثير كان لازم ينقلون له دم وللاسف محد من اهله يقدر يتبرع له لانهم مو نفس فصيله دم راكان
-
فبيت ابو زيد📍
ساعه ست الصباح
صحت رهف وهي مفجوعه لان افنان و ام زيد وبناتها جالسين فوق راسها وام زيد تبكي
نوره : يارهف اصحيي
رهف : بسم الله وش فيكم ، ليه تبكين يا خاله
نوره : وش هي فصيله دمك؟
رهف : B+
ام زيد بكت : الحمدلله
نوره : ساره جيبي عبايتي بسرعه
رهف : وش صاير؟
نوره : بعدين افهمك
رهف لبست عبايه نوره والبنات لبسوها الحجاب لان رهف ماتعرف كيف تسويه🥹
وركبوا سياره السواق وراحوا المستشفى
رهف : فهموني وش صاير
نوره : اخوي راكان عنده نزيف حااد ومحتاج متبرع وانتي الوحيده الي تقدرين تتبرعين له
ساره : لانك نفس فصيله دمه
رهف خافت على راكان وحست بغصه : طيب هو بخير؟
نوره : مدري بس اتمنى يكون بخير
رهف بنبره حاده : انا بتبرع له
-
بالمستشفى📍
رهف كانت تركض بعد ماعرفت رقم غرفه راكان
وساره تركض وراها و نوره مع امها لان ام زيد ماتقدر تركض نفس البنات
وصلوا ساره ورهف العنايه المركزه
وصرخت رهف وهي تحاول تسترجع انفاسها : انا انا بتبرع له
ابو زيد ابتسم : الله يجزاك خير يابنتي
رهف انصدمت من حنيه ابو زيد واكتفت بالابتسامه
واخذوا رهف الغرفه واخذوا دمها
< وبعد ساعتين >
وبعد مانقلوا راكان الغرفه لان حالته استقرت
صحى راكان وشاف خالد و ابوه وامه جنبه : انا وين
ام زيد حضنته وهي تبكي
ابو زيد : الحمدلله على سلامتك
ساره ابتسمت : بروح اطمن رهف انه صحى
راكان فز : وينها رهف؟
ساره اكتشفت انها جابت العيد
راكان بتعب : اسألكم رهف وينها؟
انفتح باب الغرفه ودخلت نوره ومعها رهف بالكرسي المتحرك وبكل براءه قالت : رهف هنا
راكان ابتسم وحس بحلاوة الدنيا بعيونها وانصدم لما شافها بحجابها وبكامل سترها وقال في نفسه : ملاك عالارض
ابو زيد : يا راكان لولا رهف كان من الممكن تخسر حياتك
راكان استغرب : ليه؟؟
رهف : والله ياعمي هذا واجبي وانتو ماقصرتوا معي والحمدلله قدرت اساعد ولدكم مثل ماساعدتوني
ام زيد ابتسمت : من طيب اصلك ياحبيبتي انتي
راكان : كيف ساعدتني؟؟
خالد : رهف تبرعت لك بالدم
راكان انصدم : يعني دمها يمشي بعروقي؟