ياعين لا تبكين وعيونه تنام

P 20

• سبحان الله
< لايك بليز عشان تدعموني استمر🤍🤍 >
—————————————————————————

بمركز الشرطه📍
راكان الي واضح عليه التعب : طيب الخاطف وينه
الضابط : يا امن جيبوه هنا
دخل طارق مكتب الضابط
ابو زيد : طاارق؟
الضابط : تعرفه؟
راكان اخذ طارق وقال : رهف وينها؟
طارق : رهف بامان
الضابط : ذي حالته من الصباح مايبغى يقول وينها
راكان عصب : قول وين اخذتها
طارق بهدوء : تصدق تناسبون بعض
راكان الي ماقدر يمسك نفسه وهجم على طارق وتضاربوا

-

في بيت ابو محمد📍
دخل ابو زيد ومعه عياله
ابو زيد : يام زيد جهزوا اغراضكم من بكره الصباح بنرجع الرياض
ام زيد : حاضر
راكان معصب ويحس للحين مافرغ عصبيته
ابو محمد : ليه يابو زيد العطله طويلله اجلسوا شوي
ابو زيد : يابو محمد تشوف وضعنا؟
ابو محمد : الله يكون بعونكم
راكان شاف نوره من بعيد وهي تأشر له يجي المطبخ
وراح عندها
نوره : رهف وينها؟
راكان : والله ماندري
نوره : كيف ماتدرون
راكان عصب : يانوره قلت لك ماندري!
نوره : طيب طيب ليه رحتوا مركز الشرطه
راكان : حاولنا نسحب كلام من الخاطف بس
نوره : خاطفف؟؟ من الخاطف؟
راكان : تخيلي صاحب عمي ناصر
نوره ب استغراب : وش هالصدفه؟
راكان : والله مو قادر اوقف تفكير!
نوره : طيب اذا رجعنا البيت نفكر مع بعض
راكان : ايه لازم نجلس مع بعض
نوره ابتسمت

-

بعد اسبوع تقريباً....
في بيت ابو وجد📍
وعلى سفره الفطور
ام وجد : ليه ما اكلتي يارهف؟
رهف سكتت
وجد : وش فيك من يوم مارجعتي وانتي كذا حالتك؟
رهف : اسفه بس مرا تعبانه ومصدعه
وراحت غرفه وجد
وطبعاً وجد لحقتها لان خايفه على صديقتها .. دخلت وجد الغرفه وشافت رهف فوق السرير تبكي
جلست جنبها وجد وقالت : رهف وش صار
رهف جلست وفهمت وجد كل الي صار لها وكانت تبكي و وجد بصعوبه تفهم منها الكلام
وجد انصدمت من كلام رهف ومقاطعتها وسمعت كلامها للاخر وقالت : تحملتي هذا لوحدك
رهف انهارت : ايه
وجد عصبت : طيب ليه ماكلمتني وانتي هناك
رهف : وش اقولك؟ انا لما رحت عندهم كنت عايشه بصدمه ورا صدمه ورا مصيبه ( وبعدها سكتت ثواني وقالت ): حتى ماودعتهم ولا ودعت راكان
حضنتها وجد وتحاول وتواسيها بعد الالم الي عاشته رهف

-

في بيت ابو زيد📍
وتحديداً في حوش البيت
(بعد شهر من اختفاء رهف)
راكان جالس مع خالد وقدامهم النار والغريب الجو كان بارد شوي
خالد : تغيرت يا راكان
راكان ضعف شوي واهمل صحته واهمل شغله واهمل اهله وكل همه رهف حبيبته وصل مرحله الي خلااص يبغى يشوفها الحين لان الحياه بدونها ظلام
راكان ساكت وكان يدخن ويتأمل النجوم ويتذكر كلامها وملامحها وضحكتها
خالد جلس يشوف راكان وقلبه مكسور عليه وعلى حالته
خالد يحاول يواسي راكان : حاول تنساها وربي بيعوضك
راكان بضيقه : يا خالد امضي الليالي ولا يطلع من بالي كيف بنساه؟ ..يا خالد و هو كل آمالي واحلامي