سقر عشقي (( جحيم الفراق )) بقلمى ساره مجدى

زعلانه بجد

انا بجد زعلانه من الجميع ... ومش هطلب منكم دعم تاني او اهتمام
بان حبكم ليا ولرواياتي لما طلبت منكم انكم تدعموني وتدعموا التطبيق بتاعي انا بجد حتى مش لاقيه كلام اقوله على عدد المشاهدات التي لا يذكر لفصول #ونس شكرًا انكم خذلتوني

http://play.google.com/store/apps/details?id=com.down.book.today.kalimat_sarah_magdy

اقتباس

طرق باب غرفة نرمين وفتح الباب حين وصله صوتها يسمح له بالدخول، بأبتسامه واسعه، وبعض المشاغبة قال:
- نيمو وحشتيني.
صمت وأختفت إبتسامته حين وجد كاميليا تجلس جوارها على الأريكه الكبيرة، لكنها إبتسمت برقة وهي تقول بحب واضح:
- إزيك يا أديم؟
دلف إلى الغرفة وأغلق الباب وهو يقول بود حذر:
- الحمدلله يا كاميليا، أنتِ عامله اية؟
- كويسة طالما شوفتك.
أجابته بصدق، ألم قلبه للحظة لكنه أبتسم إبتسامة جانبيه وهو يفتح ذراعيه لأخته التى ركضت إليه سريعاً وهي تقول:
- وحشتني اوى يا آبيه.
أغمض عينيه لثوانِ وهو يقول بشوق:
- وأنتِ كمان يا نيمو وحشتيني اوى.
إبتعدت قليلاً عنه وهي تقول بعدم تصديق:
- أنا مش قادرة أصدق أني شيفاك في القصر هنا؟ بجد وحشتني والقصر وحش أوي من غيرك.
توجه إلى الكرسي الكبير وجلس عليه ببعض الأسترخاء وقال:
- القصر هيفضل زي ما هو بكل إللي موجودين فيه عدم وجودي مش هيأثر فيه، المهم أنا جاي عايز أتكلم معاكي في موضوع مهم.
لتقف كاميليا وتوجهت إلى الباب لكي تغادر الغرفة وهي تقول ببعض الخجل:
- أسيبكم على راحتكم.
وخرجت وأغلقت الباب لتنظر نرمين إلى أديم وقالت ببعض الحزن على حالة إبنة عمها:
- ليه كدة يا أبيه؟ والله كاميليا بتحبك وطيبه أوي.
أعتدل أديم في جلسته وأستند بذراعيه فوق ساقيه وقال:
- أنا مشكلتي مع شاهيناز هانم مش مع كاميليا يا نرمين لكن هي إللي خلتها طرف فيها.