မျက်မမြင်ကိုယ်လုပ်တော်လေး

Chapter 16

TBC       ( 16 )

နောက်တစ်နေ့၌ မျက်မမြင်ကိုယ်လုပ်တော်လေးမှာ အလွန်နောက်ကျသည့်အချိန်မှသာနိုးထလာခဲ့ပြီး သူနိုးသည့်အချိန်၌ နေမွန်းတည့်နေပြီဖြစ်သည် ။

ခါးမှာ အလွန်နာကျင်နေပြီး တစ်ကိုယ်လုံးရှိအရိုးများမှာလည်း ကိုင်၍ရိုက်ချိုးထားသကဲ့သို့ပင် ။ ထို့အပြင် အကိုက်ခံထားရသောကြောင့် နူတ်ခမ်းများမှာဖူးယောင်ပေါက်ပြဲနေတော့၏ ။

မနေ့ညက စုတ်ပြတ်ပေကျံသွားသည့်အိပ်ရာခင်းများမှာအသစ်လဲလှယ်ပြီးဖြစ်သည့်အပြင် သူ၏အောက်ပိုင်းတစ်နေရာအပါအ၀င်တစ်ကိုယ်လုံးအား သန့်ရှင်းထား၍ ဆေးလိမ်းပေးထားပြီးဖြစ်သည် ။

အစေခံများမှာ လာရောက်ပြုစုပေးသည့်အချိန်၌ ရှက်ရန်မပြောနှင့်စကားပြောရန်ပင်အားမရှိပါတော့ချေ ။ သူ၏အောက်ပိုင်းမှ မသက်မသာဖြစ်မူနှင့်နာကျင်မူများကြောင့် အသေးငယ်ဆုံးသောလူပ်ရှားမူများကိုပင်မလုပ်နိုင်ပါချေ ။

အခန်းအတွင်းရှိအမွှေးနံ့သာအိုးမှာလည်း မနေ့ညကကဲ့သို့အနံ့မျိုးမဟုတ်ဘဲ အသစ်တစ်မျိုးဖြင့်လဲလှယ်ပြီးဖြစ်သည် ။ မျက်မမြင်ကိုယ်လုပ်တော်လေးက မိမိကိုယ်ကိုလှောင်ရီဟန်ဖြင့်ရုတ်တရက်ရီမောလာ၏ ။

မနေ့ညက ရုတ်တရက်ပင် သူအချိန်အတော်ကြာမေ့ပျောက်ထားခဲ့သည့်မှတ်ဥာဏ်များကိုပြန်လည်သတိရလာ၏ ။ ထိုအချိန်ကနှင့်အဖြစ်အပျက်ချင်းတူနေသောကြောင့်သော်လည်းကောင်း နာကျင်မူကြောင့် သူ၏ဦးနှောက်ထောင့်တစ်ရာမှအရာများပြန်လည်ထွက်ပေါ်လာခြင်းကြောင့်သော်လည်းကောင်းမကွဲပြားပါချေ ။ သို့သော်လည်း ထိုအဖြစ်မှာ သူ့အားတစ်ချိန်လုံးခြောက်လှန့်နေခဲ့ပြီး အသေသတ်နေသည့်အရာများပါပင် ။ မည်သို့ပင်ဖြစ်စေနောက်ထပ်သတိမချင်တော့ပါပေ ။

အိပ်ရာပေါ်၌ပက်လက်လှန်ကာတွေးနေမိ၏ ။ သေချာပေါက်ပင် သူ၏ရင်ဘတ်ထက်၌ညိုမဲစွဲနေသည့်အရာများနှင့် ပြာနှမ်းနေသည့်အမှတ်ရာများလည်းရှိပေလိမ့်မည် ။ သူ၏ဦးတည်ချက်မရှိသည့်မျက်၀န်းထဲ၌ မည်သို့သောခံစားချက်မျိုးကိုမှမမြင်ရပါချေ ။