Chapter 10
Mori Sue:
TBC. ( 10)
မိုးချုပ်လုနီးနီးအချိန်မှသာ မျက်မမြင်ကိုယ်လုပ်တော်လေးက ပေါက်စီလုံးလေး၏လက်ကိုဆွဲ၍ပြန်လာလေသည် ။
ရှောင်ပေါင်က ယုလီအတွက်ကြောင်စာပြင်ပေးနေရင်းဖြင့်ပင် ခေါင်းမော့မကြည့်ဘဲပြောလိုက်သည် ။
" နောက်ထပ်နည်းနည်းကြာလို့မှပြန်ရောက်မလာရင် နှစ်ယောက်စလုံးပျောက်သွားပြီလို့ထင်တော့မလို့ "
ပေါက်စီလုံးလေးမှာအသည်းအသန်မျက်လုံးပြူးလျှက် ရှောင်ပေါင်လေးကိုအံ့အားသင့်စွာပြောလာလေ၏ ။
" မင်းရဲ့လေသံက ဘာဖြစ်လို့ ငါ့အစ်ကိုတော်ရဲ့လေသံနဲ့တစ်ပုံစံတည်းဖြစ်နေရတာလဲ "
ရှောင်ပေါင်က မင်းသားလေးအားလှည့်ကြည့်၍ဆိုလာသည် ။
" အရှင်မင်းသား ကျွန်တော့်ကို အရှင့်အစ်ကိုတော်နဲ့နှိူင်းယှဥ်ပြီးပြောလို့မဖြစ်ပါဘူး "
ဆတ်ဆတ်ထိမခံဖြစ်နေသော ရှောင်ပေါင်အားကြည့်၍ မျက်မမြင်ကိုယ်လုပ်တော် လေးကပြုံးရင်းပြောလိုက်သည် ။
" နောက်လဲနောက်ကျနေပြီဆိုတော့ သူ့ကိုငါတို့နဲ့ပဲညစာအတူတူစားခိုင်းလိုက်မလား... "
ရှောင်ပေါင်က ထိုအကြံအားသဘောမတူပါချေ ။
" ကျွန်တော့်မှာ ဒီမင်းသားလေးကိုအလိုလိုက်နေဖို့အချိန်မရှိဘူး "
မျက်မမြင်ကိုယ်လုပ်တော်လေး တစ်ခွန်းမှမပြောရသေးခင်မှာပင် ပေါက်စီလုံးလေးက ရှောင်ပေါင်အားအော်ပြောလာလေ၏ ။
" မင်းကဘယ်လိုတောင် မင်းသခင်ရဲ့အမိန့်ကိုငြင်းဆန်ရဲရတာလဲ "
မျက်မမြင်ကိုယ်လုပ်တော်လေးခမျာ ရန်ထဖြစ်တော့မည့်အရိပ်အယောင်ရှိနေသည့် နှစ်ယောက်အား အမြန်ထဖြန်ဖျေရလေသည် ။
" ဟုတ်ပါပြီ...ဟုတ်ပါပြီ... ငါဗိုက်ဆာနေပြီ... ဒီကိစ္စကိုထမင်းစားပြီးမှ ဆက်ပြောကြရအောင်လား... အဲ့တော့မှပြောလည်းနောက်မကျသေးပါဘူး "
ပေါက်စီလုံးလေးက မျက်နှာထားတင်းတင်းဖြင့် လက်နောက်ပစ်ပြီးနောက်လေသံမာမာနှင့်ဆိုလာသည် ။
ŞİMDİ OKUDUĞUN
မျက်မမြင်ကိုယ်လုပ်တော်လေး
RomantizmTittle- Blind Concubine ဘာသာပြန် - Mori Sue Description " မျက်မမြင်ကိုယ်လုပ်တော်လေး " တစ်ချိန်တုန်းက ခမ်းနားထည်ဝါသောနန်းတော်ကြီး၏ အအေးနန်းဆောင်အတွင်း၌ မျက်မမြင်ကိုယ်လုပ်တော်လေးတစ်ပါးရှိလေသည် ။ ထိုကိုယ်လုပ်တော်လေး၌ နှင်းကဲ့သို့ဖြူဖွေးသောကြောင် လေးတစ...
