You Fill My Heart [Completed]

◾10◾

(Unicode)

"အခုဇာတ်ကားအတွက် မင်းသမီးနေရာမှာ မင်ဂျီအယ်ကို ရွေးထားပါတယ်၊ ဂျီအယ်က အခုလက်ရှိ ယောက်ျားလေးတွေကြားထဲ ရေပန်းတော်တော်စားနေတာလေ၊ အလုပ်လုပ်တာလည်း စေ့စပ်တယ်လို့ သေချာသိထားရပါတယ်"

ဂျောင်ဂုလည်း ‌PD ပြောသည်ကို နားထောင်နေရင်း လက်ထဲမှ actress profile ကို တစ်ရွက်ချင်းကြည့်နေလိုက်သည်။ စီးပွားရေးအမြင်အရရော အနုပညာမျက်စိနဲ့ပါ ကြည့်ရင် သူမက ဒီဇာတ်ကားအတွက် တော်တော်လေးကို အဆင်ပြေပါသည်။ အတွေ့အကြုံလည်း ရှိပြီးသားမို့ ထယ်ယောင်းလို တက်သစ်စ တစ်ယောက်ကို ခေါ်ထုတ်ပေးနိုင်လိမ့်မည်။

ခက်တာက ဒီတစ်ယောက်က ထယ်ယောင်းနဲ့ တွဲရိုက်ရမည်ဟူသော ကိုယ်ရေးကိုယ်တာအရ အလိုမကျသည့် အတွေးပင်။

"ဘယ်လိုသဘောရပါသလဲဗျ"

အဲ့တော့မှ ဂျောင်ဂုလည်း အသိပြန်ကပ်ကာ actress profile အား ကြည့်တာရပ်လိုက်ပြီး စားပွဲပေါ် ပြန်တင်လိုက်သည်။

"အဆင်ပြေပါတယ် သူနဲ့ပဲ ရိုက်ကြတာပေါ့"

"ဟုတ်ကဲ့ပါ ဒါဆို ကျွန်တော် အစီအစဉ်တွေ သေချာဆွဲပြီးရင် ပြန်လာပြပေးပါမယ်"

"အင်း"

သို့နှင့် ဂျောင်ဂုနဲ့ PD နှစ်ဦးကြားဆွေးနွေးတာပြီးဆုံးသွားခဲ့ပြီး ဇာတ်ကားအတွက်လည်း အစစအရာရာအဆင်ပြေနေတော့သည်။

ဒါပေမဲ့ ဂျောင်ဂုစိတ်ထဲ တစ်ခုခုကို အလိုမကျဖြစ်နေတာကြီးကတော့ လျော့မသွားပေ။ ဘာပြဿနာမှ ရှိမနေသည့်တိုင်ကို စိတ်က အလိုလိုနောက်နေ၏။ မင်းသမီးကြောင့်လား ဘာကြောင့်လဲ။

ထို့ပြင် ထယ်ယောင်းနဲ့ မတွေ့ရတာလည်း တစ်ပတ်ခန့်မျှ ရှိနေပြီမို့ ဂျောင်ဂုရင်ထဲ ထယ်ယောင်းအား လွမ်းသလိုဆွေးသလို။ အလကားနေရင်း သွားမတွေ့သင့်ဘူးဆိုတာမှန်ပေမယ့် မတွေ့ရလည်း မနေနိုင်သဖြင့် အကြောင်းပြချက်တစ်ခုခုဖန်ကာ သွားတွေ့ဖို့ ကြံတော့သည်။

အကြောင်းပြချက်ကတော့ ဇာတ်ကားထဲမှာ ပါမယ့် မင်းသမီးအကြောင်းဆွေးနွေးရန်ဟူသည့် ခေါင်းစဉ်ဖြင့် သွားတွေ့ရန်။